عرض للطباعة
وش رايكم في الكورد في قطع غيارها غالية ولا لا وصرفيتها بالنسبة لل 4سلندر وبعدين وش سالفة كاتم الصوت اللي يحطونه الناس وهل تمسك قيمتها وبعدين تفكك ولا لا أبغى كل شي عنها الله لا يهينكم لأني محتار بينها وبين الكامري وش الأفضل برأيكم من ناحية القطع الغيار والسعر:confused: :confused: :confused: :confused:
الاكورد سيارة حلوة ولو تشوف الشوارع بتلاقي انها انتشرت انتشار سريع السنوات الاخيرة , مااعتقد السيارة صارت محبوبة من فراغ :)
القطع بالنسبة للسيارات اليابانية الاخرى تعتبر غالية , لان مالها تجاري كلة اصلي واعتقد هذا افضل للسيارة لكن السيارة ماتطلب كثير وقطعها تعيش بصورة اكبر .
الاربعة سلندر تمسك سعر عالي عند البيع , وصرفيتها ممتازة جير الاوتماتيك 5 سرعات .
اما كاتم الصوت مااعرف عنة كثير , اعرف نوع منة ربل ينحط على الابواب حتى يخف تنسيم الهواء ..
اما الاختيار بينها وبين الكامري فهذا كل يرجع لك ياعزيزي :) اركب الاكورد واركب الكامري وشوف الفرق بنفسك .
عزيزي . سليمـان ..
في البـدايه السلام عليكم ورحمة الله وبركاته :
ثانيا : بخـصوص سـؤالك .. فالهـونـدا سياره غنية عن التعـريف وصعب مقارنتها بالكامـري مع احترامي للكامري .
الكامري صناعه استراليه والهـوندا مكينتها والجربكس يابانية الصنــع ميه في الميـه طبعا اليات وخلافها صيني الصنع
وانا متـأكد ميه في الميـه من كلامي مع اني املك هـوندا اكــورد ..
طبعـا قطع الغيـار موجود تجاري للهـوندا ومـوجود اصـلي بس الاصلي سعره فيـه عكس التجاري الي مايدوم معك اكثر
من سنـه وقطع التجاري تحصلها إذا بغيتها او بغاها احد الاخوان في محلات السبيعي وهي منتشره في الرياض ..
وصرفيـة البنزين تعبة التانكي للهوندا اربع سلندر 37 ريـال .. والسيـاره تمسك سعـرها عن البيــع افضـل من زمـان
خصوصا للموديلات من الالفين وثلاثه حتى اخر موديل ..
وانـا انصحـك بالهــوندا لان محـاسنها اكثـر من عيـوبها عكس الكامري عيوبها اكثر من محاسنها وانا اعرف ناس
يملكون كامريات ويمدحونها بس يفتقدون الراحــه .. في سواقتهـا بس لا ننسى ان الكـامري من السيارات الخـدومــه ..
امـا بخصـوص كاتم الصــوت .. فأنا مركب من شركة زيبارات كاتم صوت وللاسـف ليتـني ما ركبتــه لانـه ماكتـم
ولا واحد في الميه من الصوت .. يعـني مالـه داعي كاتم الصــوت ..
طيب ليش يحطون الكاتم صحيح فيه صوت ولا لا
شـوف يالغــالي .. الصـوت الي فـي الهـونـدا .. انحــل من مـوديل الالفيـن وثـلاثــه ..
كان الصـوت بشكـل واضح في الالفيـن واثنين .. بس الحين الصـوت عـادي وطبيعـي ..
وانا يوم ركبت كاتم الصـوت ركبتــه لان فلـوسي كانت زائـده . قول ماشاءالله . هههههه .
ومن المفـروض اني ما اركبـه لان مالـه داعي في الهـونـدا . والتنـسم الي حاصل في الهوندا
من القـزاز هـذا يالغـالي اغـلب مالكي هـوندا مايدرون إن من المفـروض في السـرعات العاليه
من الميه وعشرين وفـوق ما يفتح القـزاز عشان الوزنيه .. وعشان كـذا يطلع الصوت ..
بس من الاسـاس فيـه صوت خفيف ما تسمعـه بشـكل واضح .. هـذا كل شي ..
ماقصروا الشباب
وعليك بالاكورد واترك عنك شغل الليموزينات والمفحطين
السيارة تعطيك قوة تعطيك فخامه تعطيك شكل >>>> دعاية شماغ ديسار :)
حكمة اليوماقتباس:
اركب الاكورد واركب الكامري وشوف الفرق بنفسك
بس اللي سمعت إن أسعار القطع الغيار غالية أنا أحب أتأكد وبالنسبة للفحمات والهوبات والسيور.................؟
أغلى ولكن تعيش لفترة أطول وبجوده عاليهاقتباس:
المشاركة الأصلية كتبت بواسطة سليمان
يعني هناك تغيرها مرتين هنا تغيرها مره لنفس الفتره واحسبها
بالاخير الاكورد ماتطلب قطع كثير >>> القطع الاستهلاكيه فقط :cool:
اخوي سليمان ..
ترا سعـر قطع الهـوندا والله مو غـالي مـره يالغالي لا تتخـوف ..
وزي ماقلت لك في الاصلي وفيه التجاري ..
اجل لو شريت مرسيدس او بي ام دبليو او اودي
وش راح تقول عن قطع الغيار ..
انا اقول بلا كامري بلا هم ورجاء لاتقارن الكامري بالاكورد
ارجوا انك تدخل على المواضيع اللي تتكلم عن تفاصيل الاكورد وانا إن شاء الله هذي الايام راح احط موضوع عن تفاصيل الاكورد من مواصفات وغيرها لكن اقولك وباختصارالاكورد سيارة لك وللزمن ولاتفكك وتخدمك اثناء البيع لكن عيبها قطعها غالية بالنسبة للبودي لكن الفحمات والقطع الدورية عادي مافيها غلا .
هلا وغلا ..
بصراحة السيارة ماعليها كلام مووتر حلو ويخدمك ومايتفكك ..
مشكلته الاولى قساوة المراتب الي قاهرتني ..
الثانية قطع الغيار بالفعل غالية مقارنة بالكامري والماكسيما ..
.
يعني كم سعر الفحمات و فلتر الزيت و القير ..
أخي العزيز ( الأخطبوط)
مشكور على ردك الجميل وحرصك على هوندا
نحن كما أسلفت أخوان في منتدى واحد وكل ما نريده هو الرقي بهذا المنتدىوجعله مرئاه تنقل أجمل الصور عن هوندا أما من ناحية بعض الوكالات فأنا أرى ان نبتعد عن اسلوب التجريح والسب وحينما استطعت انت شراء سيارة هوندا فغيرك لا يستطيع ويختار سيارته على حسب ميزانيتة
هل نجعل منتدانا كله سب في وكالات الغير ولم نصلح نحن وكالتنـا لعلمك عبد اللطيف جميل من احسن الوكلات بيع وصيانة وسهولة شروط
أرجو من جميع الاخوان ان لا يجعلو منتدانا منتدى تجريح وسب في الوكالات الاخرى
كما ارجو من جميع الاعضاء سواء الجدد ومن التحق قبل زمن أن يطلعو على سياسة نادي محبي هوندا
وأسئل الله العليّ القدير أن يوفقنا وإياكم على طاعته ورضاه ويهدينا وإياكم إلى قول الصواب
تقبّل مروري وتعليقي يا اخي الكريم
الأكورد صرفيه اقل من الكامري
الكامري حقت كرف الأكورد حقت دلع
الأكورد قاسيه مره يعني بالخطوط مايحتاج الكامري لينه داخل المدينه اريح من الأكورد
الكامري قطع غياره أرخص بكثير من الأكورد ومتوفر أكثر الأكورد عكس ذالك
الأكورد أفخم من الكامري
أنا معي أكورد ومستانس معها
بس بقولك السلبيات (بالنسبه لي):
1/نظام التعليق فيها قاسي مره ومراتبها قاسيه<---لاكن اذا تعودت عليها تصير حلوه
2/جرس الحزام يزعجك كل شوي يطلع صوت وجرس السرعه بعد120<---لاحظ الددسن مافيه جرس صوت
3/بالفات وأنت مسرع علطول تزحف(مجرب ألتيما والكامري تمسك نفسها مع اللفات أكثر)
4/تفصل عند سرعة 220كلم
5/قير الأوتو خمس تغييرات أذا كانت بالرابع تجيب 220بالراحه بس المشكله اذا خخفت رجلك ماتريح الموتر للخامس
تصير طول الطريق على الرابع لين تهدي فوق الـ200بشوي
وأذا كانت بالخامس وتمشي200وفوقها وعطيتها كل الدعسه ماترد للرابع تصير طول الوقت على الخامس لين تهدي إلى 190ترد على الرابع هذي المشكله قاهرتني بالقير
شباب بالنسبه للنقطه رقم 5أبيكم تفيدوني هي عندكم ولا عندي أنا بس ؟
بالأخير هي سياره ماعليها اي غبار وحلوه
بس أنا اقولك مدام طلعت الكامري الجديده شفا يمكن تعجبك
(غير التويوتا لاتدور)<----نصيحه مني لك
ههههههههههههههههههههههاي اما زيبارات ؟؟؟؟ :eek: :eek: :eek: قويه مررررررره ;)اقتباس:
المشاركة الأصلية كتبت بواسطة اكورد الجبيل