عضو جديد بقراطيسه ووده باستشارة

السلام عليكم ورحمة الله

اخواني الاعزاء احب اهنيكم على المنتدى الرائع واللي بصراحة تفاجئت فيه لشموليته على كل التفاصيل والصراحة هذا المنتدى احد الاسباب اللي خلتني اقرر بشراء الاكورد بعد حيرة كبيرة بين الكامري والالتيما

وكان عندي استشارة بسيطة قبل الشراء وودي يفيدونا اصحاب الخبرة

ماهي افضل شركة للتاجير المنتهي بالتمليك من ناحية النسبة

وايضا محتار بين السبيشل والفل مخمل وهل الفرق بينهما كبير في المواصفات والسعر مع ملاحظة ان الشراء بيكون تقسيط وفرق السعر بيكون مع العمولة فهل اخاطر مع الفل لان القسط بيكون كبير نوعا ما ام اكتفي بالسبيشل واحاول اعدل في موصفاتها لاحقا

ولكم جزيل الشكر

لا ياخوي خذ فل


تفرق عن السبيشل


الجنوط ومقابض الابواب وست سيديات للفل

وهذي لو بتركبها على السبيشل راح تكلفك اكثر


فنصيحه خذ فل ولا تتردد

وبالنسبة للإيجار فيه بنك الراجحي على خريص وانت رايح لملعب أستاذ الملك فهد بيجيك على اليسار اذا صار سيتي ماكس على يمينك


رح لمهم واسألهم عن اللي تبي وهم ان شاء الله راح يفيدونك


ومبروكـ مقدماً

خذها فل كااااااااااامل وجلد بعد << تتحسف ترا بعدين

انا ماخذ 2007 فل جلد من الراجحي

الراجحي اعلى نسبة من الشركة اللي كان لها فرع عند هوندا بس ميزته انه تامين شااامل على السياره خمس سنوات طول مده العقد

مشكورين ولله وما قصرتو ياشباب

نصيحة من اخوك :

لا تاخذ السيارة بالتأجير المنتهي بالتمليك
كل اللي اعرفهم مشترين سياراتهم بالنظام هذا والله العظيم كلها راحت تشليح !!

النظام هذا صحيح اقساطه معقولة اكثر من (التقسيط العادي) وفيه مميزات ومغريات وشروط ميسرة
بس مهما يقولون انا متأكد ان الشغلة فيها تلاعب عشان يحللونه ويوهقون الخلق

اذا انحديت ولا قدرت تاخذ السيارة بنظام التقسيط ممكن تاخذ تمويل اسلامي من البنوك وتشتريها كاش

هلا والله وغلالالالالا:cool:

منووريا غاالي ;)


يا هلا بك في منتدانا ومنتداك;) هههههههههههههه:d

هلا اخوي B uniqe

قال وش اللي رماك على المر قال اللي امر منه
شاكر ومقدر نصحك يالغالي

اقتباس:

---

المشاركة الأصلية كتبت بواسطة ـبطرانـ2005ــ

هلا والله وغلالالالالا:cool:

منووريا غاالي ;)

يا هلا بك في منتدانا ومنتداك;) هههههههههههههه:d

---

تسلم ياذيبان

ياني باغثكم بالاسئلة اذا شريت الموتر :cool:

بي يونك

ما فهمت وش السبب اللي ماتبيه ياخذ ايجار منتهي بالتمليك

ياخي يكفيك انه تأمين شامل وارباح اقل من الاقساط

واذا على اخوياك كل شي مقدر ومكتوب

^^^

ومتى صار التأمين حلال ؟
حتى التأجير المنتهي بالتمليك مازال فيه اختلاف !!

يعني السالفة كلها ما تريح واحتمال كبير تكون هي سبب الحوادث .. والله اعلم
وعلى فكرة ترا اخوياي اللي اتكلم عنهم اثنين منهم موجودين معنا في المنتدى

^^^^^^

طيب واللي مهوب قادر على قيمة السيارة وش يسوي ؟؟؟


واللي اعرفه ان ايجار منتهي بالتمليك حلال ...

اقتباس:

---

المشاركة الأصلية كتبت بواسطة AL5FY

طيب واللي مهوب قادر على قيمة السيارة وش يسوي ؟؟؟

---

يبعد عن الشبهات ويتحرى الحلال
وان شاء الله ربي بيعوضه بأفضل منه

بعدين انا ما قلت ان التأجير حرام .. قلت (فيه اختلاف)

وللفائدة هذي فتوى للشيخ عبدالله بن جبرين عن نظام التأجير المنتهي بالتمليك

اقتباس:

---

س: ما حكم نظام التأجير المنتهي بالتمليك ؟
لا يجوز؛ وذلك لأنه يتعرض للخسار لأن الشركة التي باعته إذا بقي عليه –مثلا- أربعة أقساط أو عشرة أقساط أخذوا السيارة منه، وقالوا: جميع ما وصلنا كله أجرة لنا فيتضرر بذلك.
يقوم مقامه الرهن؛ يعني يجعل السيارة رهنا لهم أو العمارة رهنا لهم، ثم إذا حلت الأقساط كلها فإنهم يبيعون العين المرهونة، ويأخذون أقساطهم التي بقيت، ويردون عليه ما زاد على ذلك حتى لا يتضرر أحد.
صورة ذلك إذا كانت السيارة –مثلا- قيمتها ثمانين ألفا، والقسط خمسة آلاف كل شهر، أدى إليهم –مثلا- ستين ألفا وعجز عن الباقي، ومر عليه في العشرين خمسة أشهر وهو لم يسدد، وحلت العشرون الباقية يقولون: هذه السيارة رهننا، عندنا استمارتها، لا تقدر أن تبيعها، نحن الآن نعرضها للبيع ونبيعها، يعرضونها للبيع وتساوي مثلا خمسين ألفا، لنا منها عشرون ولك الباقي. هذا لا يحصل فيه ضرر.

---

http://www.ibn-jebreen.com/book.php?cat=9&book=170&toc=7931&page=6944&subid=3 2159

خذ العلم مني
اذا انت موظف خذ لك قرض احسن لك من الأقساط والتأجير غير كذا سهولة الاجراءات بالإضافه الى المنافسة الموجودة بين البنوك
الراجحي ياخذ عليك 4.95%
والامارات 3.93
وسامبا اذا ماكنت غلطان 3.95

ونصيحة لاتبعد عن الفل افضل بكثير يكفيك الجنوط والمكيف والسي دي

نورت المنتدى سوء شريت هوندا أو بدونها وإنشاء الله تفيد وتستفيد و ألف ألف مبروك مقدما

;)ايييييييييه غثنااااا بقووووووووووووووه

<<<تراااه منتداااك:p هههههههههههههههههه:d

مرحبا بالاخوان الافاضل وتشرفنا ردودكم

انا سمعت المفتي بعدم اجازة الايجار المنتهي بالتمليك
لاترهق نفسك وانتظر لحين ميسرة

خذ المبلغ من البنك وادفعها كاش نصيحه مثل ماتفضل اخوي بي يونك :)

انا بقول لك الفروقات بس

درجه الحراه موجوده بالفل 4سلندر


الفروقات بين السبيشل والفل كامل 4يلندر

1-جنوط 17الفل والسبيشل16مع اختلاف الشكل

2-كشافات للفل كامل

3-مقابض الابواب بلون النيكل للفل كامل

4-المرايات تتسفط اتومتايكا بظغطه زر للفل كامل

5-جلد

6-تخشيبه

7-6سيديات الفل كامل والسبيشل 1فقط

8-مكيف الكتورني الفل كامل

9-المرايه الدخليه تتعم للفل كامل

10-الشاشه تعرض معلموات المكيف للفل كامل مع اختلاف بعدد الاسطر

11-اممممممم باقي فرق اتذكره واجي ارد عليك هنا ان شاء الله


ونصيحه خذ فل ولاتاخذ سبيشل وتقلد حركات الفل ترا بتندم والله

وزدلك قرشين افضل من التعديل

الفرق بينهم 10الاف مظبوط


لو بتعدل خارجي فقط

4500جنوط مع الكفرات اصليه +1500كشافات من الوكاله اصليه +مقابض الابواب نيكل ب300+تخشيبهب1000+جلدب500=7800

وهذا وانت ماسويت الا نص السياره

والله يوفقك باللي تشتري

شكرا لك اخي momo

كفيت ووفيت ولله ماقصرت

اعتقد ان الصورة اكتملت عندي الان واقدر اخذ قرار

شكرا لكل من ساهم بالردود

انا انصحك خذ لك تمويل اسلامي من احد البنوك واخذها كاش نفس ماسويت أنا وحتى القسط يفرق كثير كثير كثير
لما رحت باخذها من الوكاله اقساط قلت لهم بدفع دفعه 30000 قالي القسط حقك 1700 والبنك خذت منه قيمة السياره كامله والقسط حقي الحين 1918 شوف كيف الفرق وانت والي تشوفه
والــ30000 الف حطيتها في جيبي