خـــذو الحــــــــــــــــــــذ ر ::::::::::::::::::::::::::

السـلام عليـكم ورحمـة الله وبـركاتـه ..

اخــواني .. نصيــحـه للي ساكن في الشــرقيـــه ..

إنـه يبتعــد عن صيــانة هــونـدا الي بالجــبيل البـــلد .. نصيحـــه ياشباب ..

والسبب انـي حصلت اكثـر من واحــد يشتـكي منهـــم في داخل الصيــانه ..

والله اني حصـلت واحـد يقول دافع لهـم تقريبا 15000 ريال وعـنده مشـاكل

كثيـره من ظمنــها رجـه في السيـاره وكل يوم يطلعون له سبب ويطلع مو السبب ..

وسيـارته هـوندا الفين واربعــه والرجال من كلامه يقول اني محـافظ عليهـا بشكل غير

طبيعي . وفيـه واحـد والله العضيـم دخل الصيانه وهـو زعـلان وبغـى يتهـاوش مع الفنـي

حق الصيـانه السـريعه فني سعـودي غيـر له الزيت والسيفون في الصيانه السـريعـه

وما شـد على الصـوفه حقت الزيـت والرجال مسك فيهـا خـط إلى الريـاض ويوم وصـل

حصل تهـريب في الزيت من كلامه يقول بغت تروح فيها المكيـنه لولا قدرت الله ..

وبصراحه حتـى اسلوب الفني والموظفين خـايس وانت بالكرامـه لشكل غير طبيعي

افضل واحد فيهم الهنـدي المسؤل عن الصيـانه والبـاقين لكم الــكرامــه ..

انـا اتكلم عن الصيانه الي بالجبيل البـلد و من هـذيك الليـله وانا مقـرر اني وادي سيارتي

صيـانة الدمـام على الاقل اظمـن من صيانة الجبيــل البـــلد .

نزلت المـوضوع هـذا وانا واثق من الكلام الي اقول ومستحيل اتبلى هــوندا الجبيـل البلد

بش لاني احب الهـوندا ومفروض اسوي لها دعـايه بس شي زي كـذا ما ينسكت عنــه

عشـان اخـواني ساكنين الجبيل او الشرقيه ياخذون حــذرهـــم ..

في النهايـه : تقبـلو فـائق احـترامي وتقــديري ..

اخــوكم .. خـــــــــــالد ..

أخوي خالد نصيحتك 100% في مكانها و صارت مع ولد عمي ...وكأنك تحكي عنه في هاي المشكلة
والله يا خالد اني بلشت اقرف من الهوندا و من قطعها و صيانتها بعد..
و عقلي يقلي اجيبلي كورولا و ارتاح..
على قد ما كنت أحب الهوندا ما ادري ويش اللي صار معي؟
مع فائق الأحترام و التقدير يا الغالي.

اخــوي : وليـــد ..

كـذا ازعـل منــك لا تجيب طاري الكورلا هنــا عشـان ما ياكلونك الشبــاب ..

الله لا يقوله هــونــدا حتــى المــوت .. هههههههههههههه ..

مهما حصل من اخطاء فالانسـان غير معصوم من الخطاء بس الفني السعودي الموجود في

صيانة الجبيل البلد انسان فـاشل بكل ما تحمله المقايس وعمـله فقط ولله الحمد في الصيانه السريعه

بس يغير زيت وسيفون اجل لو يحطونه في الميكانيكا وش راح يحصل هههههههههههههههههه

على العمـوم لو تشوف الاخطاء الفنيه في عبداللطيف جميل كان تقول يازينك ياعبدالله هــاشم ..

في النهـايه : تقبـل فـائق احـترامي وتقــديري ..

اخــوك .. خـــالــد .. كـل عـام وهــونـدا بخــير ..

هلا وغلا ..

مشكور أخوي ع النصيحة ..


وبالفعل صراحة بعض مراكز الصيانه بشكل عام ودك يصكونها ..


ماتخدم الواحد بس خساير ومواعيد وربطة هع هع ..

.

صـدقت اخـوي ابــوعــابــد ..

البعض وليس الكــــــل ..

يعطيك العافية ياخالد لكن كلنا عندنا خير انا في العاصمة واشتكي من الصيانة .

بالفعل اخوي هنادي
لقد تم التعامل معهم وكانو اسواء مما كنت اتوقع لدرجة استهتارهم بالزبون سواء كان موجود او بعد مايذهب من عندهم كانو يمسكون الزبون محشات الله لا يوريك .
اما شغلهم فانا سويت صيانة 10000كم عندهم والله ان السيارة فيها بقع زيت على الاسيات الى يومك منهم ويقولون لا طبيعي.
وفي اسلوبهم بصفة عامة جفاء ما تتخيلوه وا ستطيع ان اسئل عن كل كلمة كتبتها هنا

اخـــوانـــي ..

1- دحــــــوم ..

2- اكـورد الجــنوب ..

مشكـورين وماقصــرتم على هــذا المـرور الطــــيب ..

امـا بخصــوص مـراكز الصــيانه فصعـب نحكـم على الكـل فبعض مراكـز الصيانــه تلتــزم بالشـروط

الـمدونه من قبـل هـــونـــدا .. وتستقبل الـزبون بكـل احتـرام وتقـدير وتستمع لمشـاكلــه تجاه

سيـارتـه وتعـده بتقـديم خــدمه افضــل ..

والي يحـصل له لا سمــح الله خــطاء من قبـل احـد المـراكــز .. يـرفع فيــهم خـطاب ويـرسلــه

عــن طريق الفـاكس .. وحقــه راح يــاخــذه على الاخـــر ..

في النهـايه تقبــلو فــائق احــترامي وتقــديري :

اخـــوكم .. خـــــــــــــــــــــالــد .. كـــل عـــام و هنـــــــــادي بخـــــــــــــير ..

فرع خريص بالرياض الصراحه انهم اخلاق ومهندسينهم فله

وكل اللي قلتلهم عليه سووه

كان الدرج اللي قدام القير مايتقفل صلحوه على الضمان

كان فيه رجه على سرعة 120 سوولها ترصيص وضبطوها

فحص 10000 جبت السيارة العصر وقالو تستلمها قبل صلاة العشاء بس عشان المشاكل اللي فوق استلمتها ثاني يوم

لكن

ضيعولي غطاء مجرى الهواء >>>> الى الحين حاقد عليهم :mad:

وياليت علموني اكتشتفتها بالصدفه بعد 3 ايام واشتريته بفلوسي

اخوي راعي الموضوع ماودي اكتب هنادي لانه اسم بنت :d وبعدين تقول ان سبيتك هههههههههههههههه;)
المهم بصراحه انا ماني معاك في اللي تقوله وكل واحد له وجهة نظر :rolleyes: طيب.

المهم انا دايم عندهم ومااسوي صيانه الا عندهم ومره في الرياض او كي :rolleyes:
الوحيد اللي ودك تدوس في بطنه هو المهندس الهندي :mad: اللي يتكلم من راس خشمه انا كنت عندهم اليوم الساعه وحده امر اسلم على الشباب هناك اما بالنسبه للسعودي الميكانيكي فمافيه الا واحد واعرفه زييييييييييييين خويي والله سيارتي مايسوي لها صيانه غيره او فلبيني اسمه ليمو المهم سيارتي اشوف السعودي هذا ( اسمر صح؟؟;) ) يهتم فيها كانها سيارته وفيه هندي جلف طويل هذا بعد اول مايشوفوني جاي يسالون صيانه اقول لهم ايه يقولون خلاص وانواع الاهتمام والشغل العدل

للمعلوميه السعودي هذا عنده ورشه برا يقول لي لاتوديها الوكاله لانهم نصابين ياخذون عليك زياده واشياء والله مالها داعي يقول جبها عندي اريح لك واوفر لك وتعال اي وقت لو عند باب البيت والله لاسوي لها صيانه عند الباب :) وبعدين ماشاء الله عليه يعرف وش في السياره من نظره..........

وبعدين سؤال شخصي انت من وين من الجبيل..........الفناتير ؟؟;)

حبــيب قــلبي .. اخــوي ن ك د السعـوديه 753 ..

في البـدايـه مشكـور الـف شكـر ياعسـل علـى المـرور ..

وثـاني شـي اسم هنـادي دلــع للهــونـدا ياقلبي .. ههههههههههههههههه ..

وثـالثـا : يالغـالي الـرجـال الـي صـارت له المشـكـله هــذي انـا اعـرفــه زيــن وهـو معـاي في الــدوام

وكبيـر في عمــره ومستحـيل يكــذب واتصـل عـلي في الريـاض وهـو يشتــكي ويلعـن في الصيـانه الي

في الجبيــل ومـر على قـولتـه ورشـه وشـد الصـوفـه بعـد ما غيـر الزيـت والسـيفـون مـره ثانيــه

وعـلى طـول اول ما وصـل الجبيـل قـابلتـه بالصـدفه وانا طـالع من الـصيـانه ودخـلت معـه الصيـانه مره ثانيـه

وتهـاوش مع الهنـدي المسـول عن الصيـانه .. مع العـلم إن الهـنـدي انبسـط ما ادري وش بينـه وبيـن المـوظف

السعـودي ومن حسن الفنـي السعـودي إنـه كان مو مـوجـود المـوجود كان الفلبيني .. لان الـرجال كـان مـره

منفعـل وبعـد ما هـدينـاه اعـطاهم السيـاره ووعـده الهـندي إنـه راح يغـير له السيفـون والـزيت على حساب

الصيـانه مـره اخــرى .. بس ان الـرجال طفـش منهـم مـره ومـاعاد يثق فيهـم طـلع من الصيـانه بـدون

مايغـير الزيت ويشـيكون على الصـوفـه ..

هـذا الكـلام قـدام عيـني يالغـالي وانا مـوجـود ..

امـا الفنـي السعـودي والله ما عـرفت لــه مـره اوكيـه ومـره كيـف الحـال احتمـال انـه معـك اوكيـه مثـل ما لهـندي

معـي اوكيــه .. يعـني مـره ثانيه خلنا نتواعد ونودي السيـارات سـوى عشـان تزين علاقتي مع الفني السعودي

وازين علاقتك مـع الهـنـدي ههههههههههههههههههههههههههههههههههههههههههههههه ..

والله يعـين يالغـالي .. انـا خلاص صيـانة الجبيـل ما عـاد اعتبهـا .. لا لا لا للجبيـــــل ..

رابعـا . انـا يالغـالي في الجبيـل الصنـاعيه .. اسكـان وزارة الـداخـليـه ..

في النهـايه : تقبـل فـائق احـترامي وتقــديري ..

اخـوك : خـــالـــــــــد : كــل عـــــــــام وهـوندا بخيــر ..

تعلموا مني :d

ما رحت غير صيانة الألف خخخخخخخخخخ

و الحمدلله الأكورد سيارة لك و الزمن ...

والله كلامك كله صحيح أخوي.
أنا من سكان الجبيل والخبر,,, فحص ال 1000 سويته في الدمام وخلصت السيارة بنفس اليوم زي العسل.
فحص ال 5000 سويته في الجبيل مضطر قبل لا أروح الرياض ولا انا من قبل مو مرتاح لهم حتى وانا ولامره جبت السيارة لهم. حاسوا السيارة فوق تحت المراتب مغيرين وضعيتها قلنا مو مشكله,,, اما يتركون السيارة من داخل وسخة ولا سووا شي بالنسبة لحذفة السياره على اليمين...لا والهندي من جد غثني يعني يشوف السيارة مغبره ويجي يقول هذي البوية رايحة و يسجلها التلح واجي قدامه بأصبعي اوخرها ويهز راسه,,, وانا جايب لهم السيارة من اول ما فتحوا الصباح وقالي تخلص ثاني يوم العصر..أنا سكتلهم بس علشاني مستعجل . مالت عليهم وعلى الي يجيهم بعد,,,
والله والله أخلي السيارة كذه بدون فحص اصرف.
الي من سكان الجبيل نصيحه يروح للدمام,,,, مثل المستشفيات كل مازاد عدد المرضى صار الدكاتره الي فيه احسن.

تدري ليه استانس الهندي؟؟

الخبر عندي كلللللللللل شي صاير في الوكاله تراه عندي؟؟؟ واعلمك بعدين.

والله انا مثلك يا Blk ..

صيانة ألف وانسى ترجع لهم لأن السياره تمام التمام ماشاء الله تبارك الله ...


أما بالنسبه لموضوع صرة الزيت فالأصل انها ماتنشد مرره ولا ترخى مره ... يعني تكون وسط ..

لأن الشد يضر الكارتير والترخي بيهرب لك زيت فخله الشخص الي راح يغير لك الزيت يشد لك الصور بيده بقوه وشده خفيفه بالمفتاح الي معه ... وهذي أفضل طريقه ..

وبأن السالفه سالفة ذم ومدح بموظفين عبدالله هاشم .. فأنا بضرب مثل بالأخلاق العاليه ومثل بالأخلاق الزفت مثل صاحبها ...


أنا أعجبني بكل صراحه وبدون مجامله المهندس خاجه نائب مدير صيانة فرع الدمام ... طبعا هندي الجنسيه لكن والله ان أخلاقه روعه ومتحمل غباء بعض العملاء لأبعد درجه ومبتسم مع الجميع وصادق معك ويحب يتعاون مع الكل ...

وشخص ثاني لكن الحمد لله اني ماعد صرت أشوفه وان شاء الله انه طلع مو في اجازه .. أسمه(( .... )) سوداني الجنسيه .. مضرب مثل في الأخلاق الدنيئه والتعامل الجاف وينفر الزبائن والعملاء وان اعتبر عاهه عند عبدالله هاشم .. سبق ان تعاملت معه والله العظيم ان نفسيته زفت وأخلاقه أزفت ... كل ما أقوله عن شي قالي لا هذا عيب من المصنع .......:(