اسـتـطـلاع وزيــادة مـعـرفـه بالأكــورد

تحيه عطره مني لكل عاشق او مالك للهوندا بالعموم والاكورد بالخصوص


لدي عدة استفسارات عن الاكورد انتظر توضيحها من ملاكها وسوف اطرحها على نقاط ادناه


-الرساوه على السرعات العاليه ( تقريبا 140 الى 150 )

منذ اشتراكي بالمنتدى قريت الكثير من المواضيع الشيقه هنا واخذت فره بالاقسام وفكره حلوه عن سيارات هوندا

فكل موضوع يتكلم عن الرساوه لاحظت تقريباً ربع ملاك الاكورد 2008 مايمدحون رساوتها

علماً اني جربت الاكورد 3 مرات

المره الاولى مع موديل 2006 وكانت راسيه ولا عليها كلام
المره الثانيه مع موديل 2008 وبصراحه ماتعمدت اني اشيك رساوتها تقدرون تقولون عشان ثقتي فيها ولكني عموما مالاحظت عليها شي
المره الثالثه مع موديل 2008 مره اخرى لكني لاحظت ان السياره خفيفه من بعد 140 وحساسه جداً لأي هزه للطاره وممكن تلعب فيها


- مشكلة استهلاك الفرامل والهوبات


هذي بصراحه استغربت منها كثيير

لاحظت بالاجماع من الاعضاء ان فرامل الاكورد تستهلك بسرعه

مع العلم ان اللي اعرفه والشي اللي اشتهرت فيه هوندا ان قطعها غاليه ولكن تعوضك بأنها تدوم اكثر من غيرها

لكن اللي شفته العكس تماماً وتدوم اقل من غيرها من السيارات

وشفت بعد انها تعاني من رجه

يعني اذا اضطريت اضرب بريك قوي الله يعين على الرجه اللي بتطلع


- مشكلة الازعاج في الخط

لننظر لهذي النقطه من منظور ايجابي

هل هناك حل لتخفيف الصوت

من غير شغل محلات زينه وابويمن ( جلد لصق )

يعني مثلاً تركيب كفرات اهدأ

على الاقل يروح صوت الكفرات ويبقى الهواء ( شي اهون من شي )



- اصوات طقطقه وما الى ذلك


ما وضعها بالاكورد وكيف متانة ديكوراتها
هناك عدد بسييييط من ملاكها يشتكون من بعض الطقطقه في مناطق مختلفه بالديكور


- متانتها مع طول فترة الاستخدام

هل بعد استخدام معتدل لمدة 3 سنوات تحسون بالفكفكه فيها
يعني هل تحسون ان بعض المناطق ارتخت ولو بشئ بسيط


- تهريب زيوت

ما رأيكم خصوصا اني قريت ان هناك تهريب في الدركسون

وان زيت المكينه ينقص بعد فتره << طيب وين يروح



وهذا كل شي

السلام عليكمْ ،

تحيه لك عزيزيْ ( :

اقتباس:

---

-الرساوه على السرعات العاليه ( تقريبا 140 الى 150 )

---

أنا أمس جاي من الخبر و امشي فيها 200 و ما قالت شيءْ ، ^^

و الرساوه ما عليها كلامْ ،

استغرب من اللي يقولون رساوتها ما لها داعيْ :(

بس شوف ، فيه 2007 رساوه اكثر و اريحيهْ ،

و انا جربت الثنتينْ ؛ 07 & 08

:

اقتباس:

---

- مشكلة استهلاك الفرامل والهوبات

---

أنا ما أقدر أيدك بهذا الشيءْ ، ^^"

لان سيارتي جديدة ، حتى ما وصلت 10 آلالافْ ،

:

اقتباس:

---

- مشكلة الازعاج في الخط

---

شوف يا عزيزيْ ،

ما فيه سيارة تمنع الإزعاج و الأصوات اللي في الخطْ ،

أنا ولد عمتي معه افالون و هذا انواع الاصوات نسمعها في الخطْ ،

بس يعني الحمد لله ، أنا الأكورد اللي معاي شغل المسجل و كان الله غفوراً رحيماً ،

انتبه ، انتبه ، !!!!

لا تركب الجلد و تتوهق بعدينْ ، لانه اذا جيت تشيلها راح تترك أثرْ ،

:

اقتباس:

---

- اصوات طقطقه وما الى ذلك

---

عن نفسي و لا مرة صادفت هالمشكلةْ أبدْ ،

حتى صديقي اللي معه 2007 ما اشتكى منهاْ ،

:

اقتباس:

---

- متانتها مع طول فترة الاستخدام

---

واحد يقرب لـ صديقيْ ،

عنده اكورد 2002 و هذا اهي ما شاء الله و لا أحلىْ ،

الهوندا خذها و لا تشكي باس منها ^^

:

اقتباس:

---

- تهريب زيوت

---

ما قد صادفتني هالمشكلة ، لا انا و لا ربعيْ ،

و ربعي عندهم 2007 و أنا 2008

:

أتمنى أني أفدتك في أسألتِكْ ،

و أي استفسار ترى حاضرينْ ، ;)

لا هِنتْ ~

أنا ابتكلم عن 2007

اقتباس:

---

المشاركة الأصلية كتبت بواسطة بلا حدود

-الرساوه على السرعات العاليه ( تقريبا 140 الى 150 )

والله سيارتي الى 180 احلى رساوة


- مشكلة استهلاك الفرامل والهوبات

سيارتي ماشيه أكثر من 35000 ولا غيرت فيها شي


- مشكلة الازعاج في الخط


الحمد لله ما فيه اي ازعاج


- اصوات طقطقه وما الى ذلك

الحمد لله مافيه أي اصوات

- متانتها مع طول فترة الاستخدام

طبيعي تحس بفرق لكن اكيد موب واضح


- تهريب زيوت

الحمد لله ما فيه اي تهريب

---

هلا والله وغلا ..

راح اصدق معاك في كل نقطة ,, من واقع تجربة ..

اقتباس:

---

-الرساوه على السرعات العاليه ( تقريبا 140 الى 150 )

---

ابد الموتر راسي ويطوي الخط بكل سلاسة .. :d

وانا جربت امشي لين الفصلة والحمد ما عليه أي كلام .. مع إنه ينقصه الـ VSA

........................

اقتباس:

---

- مشكلة استهلاك الفرامل والهوبات

---

للحين السيارة ماشيه 23000 ..

واحس فيه خشونة في الفرامل لمن امسك وانا على سرعة عالية فوق الـ100

لكن ملاحظة : ما سويت صيانة الـ 15000 ولا الـ 20000 ...

........................................

اقتباس:

---

- مشكلة الازعاج في الخط

---

لا بالعكس ..

في هذي انا ضدك تماماً ..

لأن أكثر ما يميز الأكورد وخصوصاً الـ 2008 العزل ..

تصدق شغلة ..!!

إني لمن ادق بوري وأنا داخل السيارة ومسكر القزاز ,, أحس إن صوت البوري غبي جداً .. وطالع مكتوم مرة ..!!

,, بس فيه مشكلة صغنونة ,, يمكن بعد الـ 7000 صار يطلع صوت تصفير من الفتحة إذا كنت ماشي فوق الـ120 ..

اقتباس:

---

- اصوات طقطقه وما الى ذلك

---

ما فيش اصوات مزعجة .. يعني بعض الأحيان إذا كان المكيف بارد مرة احس فيه طقتين ثلاث ,, وبعدين خلاص ..

مع العلم .. إني اطمر في مطبات وحفر وما إلى ذلك .. بس يا زين الأكو . . . :d

اقتباس:

---

- متانتها مع طول فترة الاستخدام

---

تو الناس .. :)

اقتباس:

---

- تهريب زيوت

---

ابد .. ابد ..:cool:

بالعكس انا مشيت فيها مرتين 220 واضرب فرامل ماشاء الله تبارك الله مافيه لا لف ولا دوران والرساوة عال العال

باتكلم عن تجربتي مع الاكورد 2006

اقتباس:

---

-الرساوه على السرعات العاليه ( تقريبا 140 الى 150 )

---

الرساوة جدا ممتازه حتى اذا وصلت سرعتك 200 السيارة راسية وثابته >>> واتمنى ماتكون حافز للسرعه :)

اقتباس:

---

- مشكلة استهلاك الفرامل والهوبات

---

الفحمات الخلفية تخلص قبل الاماميه في الهوندا خصوصا من موديل 2003
يعني انا غيرت الفحمات الخلفيه (على الضمان) يوم مشت السيارة 20 ألف كيلو
وغيرت الفحمات الخلفيه على حسابي يوم مشت السيارة 40 ألف كيلو
ويوم مشت السيارة 60 ألف غيرت الفحمات الأمامية
وعلى فكرة الفحمات الخلفيه ارخص من الامامية >>> ناسي السعر بالضبط

والمشكلة الثانية العامه بالأكورد (وكثير من السيارات الاخرى حاليا) هي انك لما تدعس الفرامل على السرعات العالية يمكن تسمع صوت او رجه بالسيارة والوكالة تحلها بتنظيف الهوبات لكن المشكلة ترجع بعد 4000 كيلو تقريبا

اقتباس:

---

- مشكلة الازعاج في الخط

---

مافيه ازعاج اذا قلنا ان السيارة أكورد ماهي مرسيدس >>> يعني يمكن اذا ماشي بسرعه بتسمع صوت الهواء الخارجي لكن مابينتبه الا اللي يدقق وبقوه
السيارة هادئة بالنسبة لمستواها

اقتباس:

---

- اصوات طقطقه وما الى ذلك

---

الديكور من افضل مايكون من ناحية الجوده وافضل بكثير من اغلب المنافسين
أنا مرة كان الدرج اللي تحت القير يطلع صوت مع المطبات وصلحوه الوكالة عالضمان وبعدها ماعاد سمعته ولا يحزنون

اقتباس:

---

- متانتها مع طول فترة الاستخدام

---

قبل الاكورد 2006 كان معي اكورد 96 وتخيل عشر سنوات وجودتها عال العال وكنت كل اسبوعين امسك طريق الرياض الشرقيه
والله الذي لااله الا هو ماعمري غيرت مساعداتها >>> لكن العكوس غيرتها كذا مره
طبعا بعتها قبل فترة قريبه

اقتباس:

---

- تهريب زيوت

---

أسمع الشباب يتكلمون عن تهريب لكن لاشفته ولاعرفته