عرض للطباعة
البارح سيارتي كانت عند صيانة هوندا بالدمام وطلبت منهم تلقيط الصدام الامامي والخلفي لان فيه تقشيرات صغيره
وفله مهندس الأستقبال قال لي أبشر ماطلبت شي وانا قلت له تسلم :cool:
عاد الصدمة يوم أستلمت السيارة :eek: ماشفت أي تلقيط الدعوه مثل ماكانت :mad:
واطالع امر التشغيل الا مكتوب تحت طلب التلقيط وبين قوسين بعد
(Colour Not available) :eek:
معقوله اللون غير متوفر .. وانا راز وجهي قلت بسويها وافتك من شكل التقشير اسود مخرب شكل السيارة
ولون السيارة ابيض لؤلؤي ..
اقتباس:
المشاركة الأصلية كتبت بواسطة المباشر
شوف المسئلة موب مسئلة لون المسئلة مسئلة اللؤلؤي وركز على لون لؤلؤي موب متوفر عندهم انا زي مشكلتك بس قالي لازم نرشد الصدام كامل قلتله سولي تنقيط قالي الصدام يتغير اللون ماعندنا لؤلؤي المهم اني قلت حط ابيض ويوم حط ابيض صار الموتر اوكي مايبين الى بنظرات كونان فقط
الزبدة : انا في الرياض وانت بالدمام وكله نفس الوكالة انت قلهم ابي لون ابيض مابي لؤلؤي وبينقطونه غصب عليهم
يعطيك العافية يارب الله يعيني امرهم اي يوم واقولهم يسونها
طيب ياشباب في الدمام في محل مقابل ورشة باسمير او هو نفسه اذا ماني ناسي اسمه اصباغ باسمير
يضبطون لي اللون ؟؟؟
افكر اخذ ربع كيلو واحفظه بالبيت واخذ شوي منه للوكالة واقلهم تفضلوا هذا الصبغ وشوفو شغلكم بلا اعذار
تقدر تروح لأي محل بوية عند اقرب صناعية ..
وتطلب منة ربع كيلو لنفس لون سيارتك ..
بما ان سياراتكم لؤلؤي <<<< لو تكاسي اقصد ..
بعطيك لونين ... 1- لون ابيض 2- لون لؤلؤي ...
الخطوة الثانية ..
جب : عود تنظيف الاذن .. ولا اسفنجة صغيرة .. ولا اي شي ... انا مرة جربت بمناديل ..
اول شي نظف مكان المخش زين ...
ثاني شي بالآداة اللي اخترتها نقط بـ اللون الابيض اول ..
ثالث شي نقطة مرة ثانية باللون اللؤلؤي والنتيجة تصير 100%
لنتائج افضل : جرب الطريقة اعلاة على مكان اخر غير السيارة ... لأن اللونين يبيلهم نسبة وتناسب ... اذا زاد الابيض عن الؤلؤي صار غامق .. واذا زاد الؤلؤي صار فاتح ..
يعطيك العافي ياكوكو لكن المشكلة راح احتاج لحقل تجارب ...
الله لايحرمنا من تواجدك
اقتباس:
المشاركة الأصلية كتبت بواسطة المباشر
حياك الله أخوي
تعرف ورشة البحير في الخضريه ( جنب ورشة الرابعه عشر 14 ) .... عندها لون لؤلؤي لأني من أسبوع صابغ عندهم النسافات و ملقط الصدام الأمامي عندي حكه خفيفه و اللون مضبوط بالتمام
إن شاء الله أكون خدمتك
و إذا عندك أي أستفسار إرسل لي رساله على الخاص
يعطيك العافية واكيد خدمتني وماقصرت يالغالي وبحاول امرهم واضبط اموري عندهم
اقتباس:
المشاركة الأصلية كتبت بواسطة رايح لـ رابح
المسألة وليست المسئلة
اذا كانت الهمزة مفتوحة وقبلها حرف ساكن تقع على الف
واذا كانت الهمزة مكسورة تقع على ياء
اعتذر على الخروج عن النص ولكن وش اسوي طحتو في مدرس
اقتباس:
المشاركة الأصلية كتبت بواسطة m0ha
والله يا انت فاااااااضي
اقتباس:
المشاركة الأصلية كتبت بواسطة عبدالعزيز11
عبدالعزيز
قم خلك واقف
^^^^
هههههههههههههههههههههههه
من جد فااااضي :d