الاكورد زي الكامري او لا

انا كنت مشتري كامري 2004 وكنت فرحان لدرجة ان اول يوم ماطفت السيارة من العصر اليوم الين اليوم الثاني الظهر مشيتها في نفس اليوم 700 كيلو وبعد بحكم دراستي في جامعة الملك سعود في الرياض كل يوم اربعاء مع الخط مافية الا تحطيم ارقام قياسية 180 200 160 اذا كنت ماني مستعجل حتي جبت الرياض الدمام في ساعة وخمسين دقيقة يوم وفاة جدتي الله يرحمها جاني الخبر الفجر الساعة 5 هي الساعة ست وخمسين انا في الدمام ماصدقو اهلي قالوا اكيد جاي بالطيراة .

المهم ماطول عليكم من يوم شريته وفيها انواع العيوب صوت في المكيف اذا شغلناه وعد واغلط بس العيب الي قهرني هو تنسيم الهواءقلنا بحكم الخطوط والشمس معقولة ممكم نتسم ونغيرها بعد ثلاث شهور من يوم طلعتها من عبداللطيف اول مرة وثاني مرة وثالث مرة قلت الوكالة الرابعة بفلوس وهي مانتها الضمان يعني مامشت 60.000 كيلو ولله الحمد بعناها الصيفية هذي ماادري شلون بس قال الوالد انت تسافر كثير يعني لازم تغير السيارة .
وبكذا اخترت هوندا اكورد كل ماسئلت واحد قال خذ ولاتشاور وتوكلت على الله وشرينها فل اربعة 2006 والحين ماشية 6000 كيلو واسرع سرعة وصلت 210 وانا مسافر للكويت والا والله ماصدقت ولا صوت نتسيم هواء اقسم بالله بغيت ارجع السعودية على طول الوكالة اخذ فلوسي .
السؤال \\\ هل هذا العيب زي الكامري كل ثلاث شهور غير جلد بيبان او مره وحدة وخلاص بالله ياشباب الحل , وهل هو من البيبان او الفتحة في ناس قال من الفتحة زي موديل 2002 ؟؟؟؟؟؟؟؟؟

وشكراً

التنسيم طبيعي بأغلب السيارات إلا السيارات الفاخرة جداً والقليل منها فقط الذي لاتسمع له أي صوت.
لا أعتقد أنك ستضطر لتغييرها بعد ثلاثة أشهر، لأنها ولو كانت جديدة سيصدر الصوت بشكل طبيعي على سرعة 210 !

لا اضيف شي على كلام مديرنا ..
بعدين لا تزيد سرعتك اكثر من 180 و شيك عالكفرات ..

تشااو ..

اقتباس:

---

المشاركة الأصلية كتبت بواسطة cool

حتي جبت الرياض الدمام في ساعة وخمسين دقيقة يوم وفاة جدتي الله يرحمها جاني الخبر الفجر الساعة 5 هي الساعة ست وخمسين انا في الدمام ماصدقو اهلي قالوا اكيد جاي بالطيراة .

وشكراً

---

اعرب ماتحته خط ..

وييييين يابو الشباب ساعه وخمسين دقيقه على اساس معك ديابلو ...

بعدين وش طيراة من وين تنصرف هذي :d

على العموم اخوي هالصوت جداً طبيعي ...

لكن انا اعطيك الحل المجرب ...

لاجيت بتمسك خط الله لايهينك مر على تسجيلات القادسيه وخذ كم محاضره حق سليمان الجبيلان ...

وحط الصوت على 11 ومالك الا ماتسمع ولا تنسيمه لأن كل التنسيم بيطلع من السيدي
وبينقهر التنسيم حق البيبان ويسكت <<< قمة المصاله فيني ...


فوتكووو بعافيه

اخوي الاكورد مقارنة بالسيارات الثانية الهدوء اللي داخلها اوتنسيمها اخف بكثير من اي سيارة ثانية وبعدين لاتقيس هذا العيب وتقول ان السيارة بشكل عام مالها داعي .

هلا وغلا ..


أخوي اذا كنت تبي سيارات مافيه امل تنسم خذ ماكسيما ولا التيما 6 سلندر وريح بالك ..


جنوط 17 يساعد ع ثبات الموتر في الخط لو تمشي 260 هع هع ..


جناح خلفي يساعد في تعزيز الهواء مما يؤدي الى ترسية الموتر اكثر بنسبة 35 % ..


انا معي ماكسيما امشي 180 مافيه اي تنسسسيم واللحمدلله ..

.

هذا العيب صحيح موجود لكن يغرق في بحر المميزات الي فيها ...

وللمعلوميه هذا العيب في أغلب السيارات الا الفخمه طبعا مثل ماقال مديرنا الغالي هوندا .. يعني اذا تبي سياره ماتنسم طول ماهي معك اشتر حوت ولا بانوراما ..;)

بالنسبه لي اخوي كول صارت لي نفس مشكلتك مو على 210 اذا عديت 80 اسمع صوت تصفير يطلع من المكيف
المهم رحت الوكاله وقالولي هذا شي طبيعي ولله الحمد
ولا تضيق خاطر ووسع صدرك وهد الله يهديك السرعه شينه

اذا كنت ما تبي تنسم خذ لك لكزس أي نوع بس عاد شف كم الفرق

معقولة ابوعابد تكون المكسيما اهداء من الاكورد وش رايكم ياشباب .

مافيه امل..........

الاكورد اهدى بكثيييييييييييييييييييييير من الماكسيما......

والله مادري عن المكسيما بس معلوماتي عنها اخف وزن من الأكورد كذلك الجناح والجنوط الكبيره تساعد مثل ماتفضل أبو عابد

وخليني اشرح لك عن الجناح .. انت لما تمشي بسرعه تعمل دوامه مفرغه من الهواء خلف السياره وذلك نتيجه لشق الهواء .. الجناح في هذه الحاله يعمل على تقليل هذا الفراغ بالهواء و زيادة برساوة المركبه (لاحض السيارات الرياضيه وحتى الفورميلا1 كلها فيها جناح) بالطبع لانقصد بهذا الكلام اي نوع من الأجنحه لأن زاوية التثبيت لها دور كبير في مقاوة الهواء وتقليل الفجوه الخاليه من الهواء خلف المركبه ..... احيانً نشاهد صور لختبار إنسيابيت الهواء وذلك بتمرير هواء ملون عليها

شباب حتى الطائرات تسمع فيها صوت تنسيم :) يعني طول ما انت جالس تخترق الهواء بسرعه لازم في عامل مقاومه للهواء

يعني دحين جناح السيفيك يساعد على ثبات السيارة ولا كيف؟؟

أنا الشي اللي فعلا بهرني هو سباق كان بين فيراري و بورش في فيديو ياباني اللي صار انه في بداية السباق طلع الفيراري و فجأة جات الكاميرا على جناح البورش قام طلع شويه على فوق وإذا بالبورش يطلع على الفيراري بمسافة فعلا اتعجبت من الإتقان لأني كنت أحسب الجناح نوعا ما شكل أو يساعد على الثبات لكن انه يعطي عزم للسيارة أقصد بمساعدة الهواء هذا اسمه العلم والتكنولوجيا في السيارات.
لاتنسوا سؤالي فوق:)
وسلامتكم

اقتباس:

---

المشاركة الأصلية كتبت بواسطة Cool Civic

يعني دحين جناح السيفيك يساعد على ثبات السيارة ولا كيف؟؟

أنا الشي اللي فعلا بهرني هو سباق كان بين فيراري و بورش في فيديو ياباني اللي صار انه في بداية السباق طلع الفيراري و فجأة جات الكاميرا على جناح البورش قام طلع شويه على فوق وإذا بالبورش يطلع على الفيراري بمسافة فعلا اتعجبت من الإتقان لأني كنت أحسب الجناح نوعا ما شكل أو يساعد على الثبات لكن انه يعطي عوم للسيارة أقصد بمساعدة الهواء هذا اسمه العلم والتكنولوجيا في السيارات.
لاتنسوا سؤالي فوق:)

وسلامتكم

---

البورشة اول ماتوصل الـ 120 يخرج الجناح وبشكل اتوماتيكي من داخل المركبة , وذالك لزيادة الثبات على الطريق في السرعات العالية .
بس مااعتقد ان للجناح دخل في زيادة السرعة حيث ان وظيفتة تقتصر فقط على تثبيت السيارة ;) .

الحل اخوي اذا تبي سيارة حقة سرعة وبنفس الوقت ماتبي تنسيم مالك الا تأخذ لك لكزس , نصيحة مجرب

اما انك تمشي 200 وتشتكي من تنسيم فاغلب السيارات فيها هالشي :)

اكيد اللكزس مايحتاج .

يا شباب برضو نسيتوا سؤالي
هل جناح السيفيك أو حتى الأكورد له فايدة يعني في ثبات السيارة أو انه مجرد شكل؟؟(طبعا يا ريت يكون الكلام من مصدر يعني انه يكون واثق منه)


ما شاء الله عليك معلوماتك وافيه يا أخ إتش بس اللي اتعجبت له إنه البورش فعلا تقدم على الفيراري بعد رفع الجناح و المطارحة موجوده عندي.

وشكرا لكم مرة أخرى

اقتباس:

---

المشاركة الأصلية كتبت بواسطة Cool Civic

ما شاء الله عليك معلوماتك وافيه يا أخ إتش بس اللي اتعجبت له إنه البورش فعلا تقدم على الفيراري بعد رفع الجناح و المطارحة موجوده عندي.

وشكرا لكم مرة أخرى

---

اخوي cool ممكن اعرف نوع البورشة الي تقدم على الفيراري في المقطع
يعني هل هي بورشة GT أو بورشة كريرا 911 ؟

لان البورشة مستحيل انها تقوم على الفيراري الا اذا كان مرهمة (معدلة) .

حاضر يا عزيزي:)
FerrariF360Modena vs 996Turbo
كان نفسي أرفعلك المقطع بس النت عندي بطيء و حياخذ وقت.

ما أعتقد في سبب يمنع بورش يطلع على فيراري طبعا ما أتكلم عن إنزو أقصد أنواع مختلفة وبورش لديها سيارات قوية فعلا و في النهاية بورش شركة ألمانية تصنع سيارات رياضية ممتازة.

اقتباس:

---

المشاركة الأصلية كتبت بواسطة Cool Civic

حاضر يا عزيزي:)
FerrariF360Modena vs 996Turbo
كان نفسي أرفعلك المقطع بس النت عندي بطيء و حياخذ وقت.


ما أعتقد في سبب يمنع بورش يطلع على فيراري طبعا ما أتكلم عن إنزو أقصد أنواع مختلفة وبورش لديها سيارات قوية فعلا و في النهاية بورش شركة ألمانية تصنع سيارات رياضية ممتازة.

---

على كل حال اخوي COOL CIVIC انا المقاطع الي زي كذا اعتبرها مثل الأسرائيليات يعني لااصدقها ولا اكذبها :eek: .

وفي الاخيركل شي بدنيا جائز :confused:


بس لاتنسى ترسل المقطع
اذا تحسن عزم النت عندك :d

محبك
اتـــشـــــ

هاهاهاهاها
خطير و الله يا إتش (شكله عندك H-RV) عجبتني إسرائليات:)

أبشر إن شاء الله حتى لو نتقابل وأعطيك المقطع (وجها لوجه)<<<< الإتجاه المعاكس:)

شكرا لك مرة ثانية على أسلوبك الحلو.

اقتباس:

---

المشاركة الأصلية كتبت بواسطة Cool Civic

هاهاهاهاها
خطير و الله يا إتش (شكله عندك H-RV) عجبتني إسرائليات:)

أبشر إن شاء الله حتى لو نتقابل وأعطيك المقطع (وجها لوجه)<<<< الإتجاه المعاكس:)

شكرا لك مرة ثانية على أسلوبك الحلو.

---

توك ماشفت شي :eek: وماخفي كــــان أعــظم :d
واتشرف والله بمقابلتك اخوي COOL بس للأسف انا عايش في الرياض :( على العموم اعتبر هديتك واصله .
والف شكر لك حبيبي وسلملي على اخوك ياسر كثيييييير السلام :cool: .

اقتباس:

---

المشاركة الأصلية كتبت بواسطة اتش

على كل حال اخوي COOL CIVIC انا المقاطع الي زي كذا اعتبرها مثل الأسرائيليات يعني لااصدقها ولا اكذبها :eek: .

وفي الاخيركل شي بدنيا جائز :confused:


بس لاتنسى ترسل المقطع
اذا تحسن عزم النت عندك :d

محبك
اتـــشـــــ

---

بس مااحب الاغلاط اللي كذا <<<<<< لاني ماقدرت اصيد عليك شي

ياتجي غلطه بنفس الكلمه والا بلاش. صيدتي ذي بايخه بس انتبه يا اتش

هههاي