عندي مشكلة في الأكورد 2007 ارجو منكم المساعدة

السلام عليكم ورحمة الله وبركاته وبعد
اتمنى ان اكون ضيف خفيف عليكم
بس عندي استفسار ودي تساعدوني فيه ارجوكم لا تخلوني
انا عندي هوندا اكورد 2007 ولها معي عشر شهور من الوكالة بس بعد ما مشت 10000كيلو متر
صرت اسمع صوت اذا حطيت رجلي على البريك اول مرة يعني اول ما امشي بالسيارة مافيه شي بس لما المس البريك لأول مرة اسمع صوت من عند الكفرات والفحمات (طق)نوع الصوت من اليمين والشمال
وناس قالو لي انه من الفحمات لأن أغلب ال2007 فيها مشاكل بالفحمات وما ادري هل يغيرون الفحمات والهوبات على الضمان
وكم مدة الضمان للهوبات والفحمات
ارجوكم ردو علي لأن هالصوت منكد علي ومضيق صدري ومكرهني بالسيارة
ارجو الرد على الأيميل(s--sh@hotmail.com)مع جزيل الشكر لكل من يساعد بحل مشكلتي

أولا مرحبا بك يانظرة عناد في منتداك وان شاء الله تستمر معنا بفعاليه أكثر في الأيام الجايه ..

اما الصوت الي تسمعه أنت ان كان مثل ماتقول ( طق ) لما تمسك بريك ويطلع مره وحده واحيانا ما يطلع وأحيانا يطلع لما تهدي شوي وتلف بالسياره يمين أو يسار .. فهذي مشكله صحيح انها مقلقه ومزعجه لكن بسييييييطه جدا ..

وأنا الآن أحضر تقرير بخصوص هالمشكله وان شاء الله خلال الأيام القريبه راح أنزله ..

لكن باختصار عشان تكون بالصوره .. روح للوكاله ( طبعا السياره على الضمان ) وقول لهم عن المشكله .. هم في الغالب راح يعرفونها من وصفك لها .. لكن ان ماعرفوا في البدايه أو أنك بغيت تنهي السالفه بلا وجع راس او بغيت تروح ورشه غير الوكاله .. فقلهم يفكون القماشات أولا ..ويفصلون القماش نفسه عن الحدايد الي تمسكه .. هي حديدتين صغيرتين تمسك القماش من الأطراف .. هذي هي الي تسبب المشكله ..!!

طيب والحل ؟

أولا المشكله عباره عن فراغ بسييييييط يكون بين الحديدتين والقماش .. فمعناه أن الحل يكون في سد الفراغ .. طيب كيف ممكن نسده ؟

تعرف الشداد الي يشدون فيه كارتون البرتقال مثلا ؟ يجي مثل السير وبلاستيك طبعا لكن خشن .. هذا هو الحل .. والوكاله تستخدمه لعلاج هالمشكله .. يجي مقصوص بأحجام صغيره جدا على حجم كل حديده .. يعني مجموع القطع 4 لأن كل قماش فيه حديدتين ..

وتوضع كل قطعة بلاستيك على كل حديده .. يعني بمعنى ثانيتوضع القطعه بين الحديده والقماش لسد الفراغ وكذا ان شاء الله تنحل المشكله ..

طبعا كلامي كله عشان لوبغيت تصلحها برى الوكاله لكن لو تصلحها بالوكاله راح يعرفون كل شي بنفسهم وفرصه لك انهم ينظفون القماشات مره وحده ..

أتمنى اكون خدمتك بالشغله هذي ان شاء الله:)

مرحبا اكورداوي
اشكرك جزيل الشكر على استطلاعك لمشكلتي واحب ان اخبرك بأن كلامك ريحني كثير لأني كنت قلقان كثير من الصوت هذا
وكما قلت المشكلة صغيرة بس مزعجة :mad:
الله يرعاك ويخليك لنا ودمتم
محبك نظرة عناد:cool:

انا صراحه قارفتني :(
لمن اوديها الوكاله تروح وبعد اسبوع ترجع صراحه شغله
مقلقه :eek:

اقتباس:

---

المشاركة الأصلية كتبت بواسطة نظرة عناد

السلام عليكم ورحمة الله وبركاته وبعد
اتمنى ان اكون ضيف خفيف عليكم
بس عندي استفسار ودي تساعدوني فيه ارجوكم لا تخلوني
انا عندي هوندا اكورد 2007 ولها معي عشر شهور من الوكالة بس بعد ما مشت 10000كيلو متر
صرت اسمع صوت اذا حطيت رجلي على البريك اول مرة يعني اول ما امشي بالسيارة مافيه شي بس لما المس البريك لأول مرة اسمع صوت من عند الكفرات والفحمات (طق)نوع الصوت من اليمين والشمال
وناس قالو لي انه من الفحمات لأن أغلب ال2007 فيها مشاكل بالفحمات وما ادري هل يغيرون الفحمات والهوبات على الضمان
وكم مدة الضمان للهوبات والفحمات
ارجوكم ردو علي لأن هالصوت منكد علي ومضيق صدري ومكرهني بالسيارة
ارجو الرد على الأيميل(s--sh@hotmail.com)مع جزيل الشكر لكل من يساعد بحل مشكلتي

---

ماشاء الله عليك اخوى نظرة عناد 100000
فى 10شهور كتيره الصوت اكيد صوت فرامل ضمان 2007 فقط 60.000او ثلاثة سنوات ايهما اسبق
ضمان الهوبات 60.000كليلو او ثلاثة سنوات
اما الفحمات مستهلكة وماعندها ضمان لكن الامور تمشى لعند10000كليو الكلام ده بينى وبينك
تحتاتى لك

مرحبا شباب

انا وديت سيارتي للوكالة هنا بجدة طريق المينا

وأول ما قلت للمهندس صوت قال على طول صوت طقه قلت اي نعم
قال عادي كل الأكوردات كذا

والله اعلم