بطب بحوض هوندا وش قلتوا ...

سلام بدون لف ولا دوران ماشي مليون وابي نصيحتكم لا هنتوا
وبدون عواطف
انا ادمي كل عمري اركب امريكي فورد غالبا من ماركيز لفكتوريا
قررت وبكامل قواي العقليه قبل شهرين اني اطلق الفورد لان السياره بالعربي ممله يعني ممتازه صيانه ورخص والخ بس تملها بعد فتره ولا عمر امي شريت هوندا ولا ياباني
طبعا ركبت وسقت هوندا خاصه اكورد 2008 استاجرتها برحله سفر وجاز لي الموتر
بس تخبرون موتر تستاجره 24 ساعه بس مو مثل شخص مجرب
جاز لي الموتر
ناوي اطب بحوض الهوندا واطق لي وحده شوركم وهدايه الله مع العلم
انا ساكن بمكه وعملي بجده = مشوار يومي حدوه 180 كيلو من البيت للعمل
هل السياره عمليه ومريحه بالخط ولا تنمل بعد فتره من الزمن خاصه طريق جده فيه غبار وعج وهوا بالصيف
وصوت الهواء هل فيه ازعاج والمكينه بعد هل تسمع صوتها
وقطع الغيار هذي سالفه تعور القلب صدق انها غويليله ولا بس اشاعات لاني بطقها نظام ايجار بدفع نص القيمه بس للبنك
لاتبخلون علينا بالنصيحه لا هنتوا
واللون انا جاز لي اللون الذهبي الغامق الثقيل وش رايكم بللون

^^^

طقها وانت مغمض

واللون لاتاخذ الا أسود :cool:


ومبرووووك مقدماً

من ناحيه المراتب اتوقع تكون بالنسبه للفورد قاسيه مرره

ومن ناحيه الاشياء الثانيه مااقدر افيدك انا معي اكورد2007 لها سنه معي غيرت فرامل مرتين انا راعي سرعه

والباقي تمام تغيير
زيت وبنزين

من ناحيه 2008 للاسف مااقدر افيدك

شكرا لكم
نبي اراء اكثر شباب لا هنتوا ولا عليكم كلافه

فعلا بالنسبة للمقاعد مافي زي الأمريكي في الراحة
واللون إذا كنت من الناس اللي يعتني بالسيارة كثير و يخاف عليها خذ الأسود لأنه يبيله عناية

وبالنسبة لقطع الغيار فقد تم تخفيض سعرها في موديل 2008

و إذا إنت مقتنع في السيارة خذها و إنت مغمض
ومبرووووك مقدما:d

الاكورد ماعليها كلام وممتازه لكن بتحس بفرق الراتب قاسيه شوي بالاكورد لكن تقدر تلبسها جلد مثلا وترتاح وايضا قوة المكينه لان الفورد V8 بس ما يهمك الاكورد ماله حس حتى على السرعات العاليه مكينته هاديه بس .بالمقابل راح تكسب اشياء كثيره منها صرفية البنزين واشوف شكل الاكورد اطلق من الفورد وديكوره بعد وترى الاكورد الـ 2008 خفضت قطع غياره لـ 40% .

أخوك مطنش :)

طقها وانت مغمض ...

انا كانت محتار بين الفورد و الاكورد ...

بس الحمد لله اخذت اكورد .. والله لو اني ماخذ فورد كان الحين قاعد اتحسف ...

لا يردك احد .. ولا تخاف مريحه وتعطيك لا تغرك 4 ولا 6 سلندر

والله انك اصلي

توكل على الله و شد لك وحدة ملكة جميله و اهنيك على اختيار اللون

بس عندي اقتراح ,,,

لو تاخذ الرصاصي حلو احلى من الذهبي بما انك ما تبي ابيض و لا اسود

تحياتي

شباب اليوم توكلت علي الله وحجزت وحده سوداء 4 سلندر اللي اقل من الفل فرش مخمل قير توماتيك فتحه سقف بس بدون تخشيب
التخشيب قريت موضوع انك ممكن تسويه بري
طبعا بغيت اللون الابيض بس قالوا مافيه قلت توكلنا علي الله الاسود زوين
بس سوالي عن الجنوط اللي مع السساره هي 16 انش اعتقد وودي ابدلها بالجنوط الكبيره 17 انش حقت الفل
الوكاله طبعا قالوا ما ينفع هل ممكن القي لها بيعه حلوه الجنوط مع الكفرات عشان اركب جنوط اكبر 17 انش حقت الفل
وشاكر ومقدر مروركم وتجاوبكم

الله يعطيك خيرها ويكفيك شرها :cool:

الله يعطيك خيرها ويكفيك شرها :cool:

وجهة نظر : دامك راعي خطوط فنصيحتي ابعد عن الأسود لأنه بتصير تشهب الوجهية وبيتشوه شكل الموتر :mad:

مبروك عليك السيارة مقدما وإذا على الون خذ الفيراني أما الأسود راح تتعذب معاه من غسيل يومي ومع ذالك العج والغبار في الطريق .

اولا الله يحييك
الهوندا موتر ما عليه كلام

بالنسبه للون انصحك بالفيراني وبقوة وخذ 6 سلندر
الون الاسود مع واحد من العيال معذبه مرة
كل يوم غسيل ومسك خط مرة وحده وشهبة الوجهيه
الف مبروك مقدما ولا تنسى تنزل الصور

هلا شباب انا توكلت علي الله وباخذ اسود لا تهونون فيني اللفيراني حلو بس اللون انا مااقبله ولله احسبه شبابي مره وانا رجال مو صغير بالعمر والابيض مو موجود عندهم بالشركه فقلت اعقلها وتوكل الاسود لانه احسه يعطي السياره حجم اكبر شوي وفخامه وش قلتوا ما خاب من استشار

الله يعطيك خيرها ويكفيك شرها ان شاء الله :cool:

اهنيك على اختيار اللون ...

انصحك دامك راعي خطوط ...

تسوي الفلم الشفاف الي يحمي الوجهيه ...

زيبارت عندهم الفلم بس المشكله مايحطون على الصدام ...

حدد موقعك علشان نفيدك بمحلات التلميع الي تعمل حمايه كامله للواجهه الاماميه ...

أو انك تطلب البرق الاصلي من الانترنت ..

وتركب على الشعمات الفلم من زيبارت تكلفك 250 (لان البرق الاصلي مايحمي الاسطبات الاماميه ) ...ويكون كذا احلا كلام ...

ولاتنسى تمرن السياره مظبوط :d

بالتوفيق ;)

هلا ولله اخوي نيترو بلنسبه للتمرين ابشر ك بتتمرن من اول اسبوع مع خط جده
موقعي بمكه وممكن اقمز جده اذا فيه شي يركب يحميو اجهه الموتر عن السافي لان الطريق بالصيف بين مكه وجده خاصه الظهر فيه تراب وعج فياليت تفيدني بالامر الي ذكرته كيف اركبه ومن وين وهل هو فعال لاني اول مره اعرف هذاالشي موتري الفورد اللي بعته يوم ابيعه كان وجهه مشهب وكنه فيه جدري من التراب فبارك الله فيك زودجنا ببعض المعلومات عن اللي قلته حمايه للواجهيه والاسعار تري الجيب بيصير ممغوص عقب تطليع الموتر

والله بجده ما اعرف بس اهل جده بينفعونك اكثر مني بأماكن التلميع الي عندهم :cool:

أو انك تطلب البرقع الاصلي من الانترنت http://automobiles.honda.com/accord-sedan/accessory-detail.aspx?Accessory=ACCOR08165

فيه اكثر من عضو جربوووه ويمدحونه وبقوووه :cool:

قيمه البرقع بحدود الـ 600 ريال اتوقع

بس يبيلك اذا بتطلب برقع اصلي انك تمر زيبارت وتسوي حمايه للكشافات + الاسطبات بـ 250 ريال ...

وكذا تصير وجهيتك محميه 100%

أو انتظر اهل جده يدلونك على محل تلميع يعمل الفلم الشفاف الكامل ..

بالتوفيق ..:cool:

بالنسبة للبرقع مو لازم إنو يكون أصلي وكالة
إذا تعرف محل يفصل براقع مضبوط توكل على الله وتذكر إنو البرقع لازم يكون مشدوووووود
أنا مسوي برقع تفصيل ومن أفضل ما يكون

وبالنسبة للون الأسود إذا ما تبغى لمعته ترووووح لا تخلي الهندي يغسلها
لا تغسلها إلا في مغسلة وبالموية بس(بدون صابون)

وربي يعطيك خيرها و يكفيك شرها:d

ماشي مليون اهنيك

وانا معاي اكورد 2008اسود فل

والله انه احلى لون معطي السياره فخامه ومكبر حجمها بس ياعمي تبغى شي واحد مادامك راعي خطوط

فيه محلين يفصلو لك برقع اكورد 2008 تفصيل مظبوووووووط كلهم بكيلو 2 طبعا ومعروف

المحلين اسمائهم على التالي

1-اماسي للتجنيد سعر التفصيل 170

2-ابو حسين سعر التفصيل 180

3- الاسماعيل للتفصيل سعر التفصيل 150

والله يعيطك خيرها ويكفيك شرها ان شاء الله

ومبروك ما اخذت

ماشاء الله ..

اول مره اقرا الموضوع .. واشوف استشارتك للأعضاء .. ودريت انك حجزتها ..

صدقني احسن اختيار وماراح تندم ان شاء الله ..

الله يوفقك ..

(( وحياك الله بالمنتدى ))