{}{}{ صوت عند الضغط على الفرامل والتغيير بين النمرات من p الى d أوr}{

السلام عليكم ورحمة الله وبركاته ...


من غير مايكثر الكلام .. ندخل في الموضوع


من أول يوم طلعت فيه الاكورد وفيها صوت طقطقه اذا غيرت من p الى d أو r ومشيت عدة أتمار وكبست على الفرامل يطلعلي صوت الطقطقه
علما ان سيارتي 2007 مآخذها جديده ..


في البدايه طنشت الصوت وقلت أكيد ان السيارة مازالت جديده ويبغالها تمرين حتى يروح الصوت (يعني بدون وسوسه)



المهم مشيت عليها حتى 5000 وسويت الفحص وماراح الصوت


وقلت خلني امشي فيها أكثر وأكيد بيروح الصوت مشيت 10000 وسويتلها الفحص في الوكاله لكن باقي الصوت هوا هوا


المهم .
قلت أخليها الين فحص 20000 وأقولهم بالمشكله هذي وهم أكيد بيتصرفون
مشيت الين وصلت 20000 وباقي الصوت ماراح ( طبعاً طلعلت لها عضلات من كثر المشي .. وانا على بالي باقي تتمرن الصواميل على شان يروح الصوت )



على العموم أدخلها الوكاله وأقولهم بالمشكله وأيضاً كانت فيها مشكلة ثانية اني اذا كنت ماشي بسرعات عاليه 180 أو 200 وضغط فرامل تصير رجه


شرحت للفني المشكله وقالي هذي بسيطه
قلتله طيب وش المطلوب ..
قال نغيرلك هوبات ( على الضمان ) قلت أشوا مو على حسابي
وقالي كمان لازم تغير أقمشه على نفقتي الخاصة ... فقلت توكلنا على الله


المهم نامت السياره لعدة أيام عندهم وأخذت فترة نقاهة
ولما استلمتها من عندهم مسكتبها خط ومشيت 200 وجربتها وكل شي تمام وكانت السياره 100%





لكن بعد فتره بدأت المشكله ترجع مره ثانيه خاصة بعد مامشيت حوالي 27الف ولكن بشكل أقل من السابق


في الختام .. أتمنى ان اللي عنده حل او صارتله هالمشكله انه يخبرنا .. لان فيه شباب برضه عندهم نفس المشكلة



منتظرين ردودكم
وعذراً على الاطالة

نفس المشاكل معي بهوندا أكورد 2008

و أنا أخوك لا تدور حل ولا خرابيط أمش و توكل على الله... لأن كل واحد بيقعد يفتي من راسه و مسوي فيها أنه هو إللي مخترع الأكورد.

88888
أكيد فيه ناس صايره لهم نفس المشكله ولقيوا لها حل
مشكور على مرورك يالغالي .. وتقبل تحياتي

ماشفنا الا رد


وين الباقين


منتظرينكم ؟:cool:

حبيبي صوت الطقة هذي من الفراغ اللي بين الفحمة والكليبر ( القطعة الي تمسك الفحمات)
ارجع لهم وقول لهم المشكلة وراح يصلحوها لك
انا صارت معي كذا
وصلحوها
من ناحية الرجة اذا ضربت فرامل وانت ماشي 200
والله ماادري عنها لاني اول ماتوصل سيارتي 160 رجولي تنتفظ واعرق واخاف لذلك انا ما اسرع وسلامتك

يا طويل العمر انا جت معي الرجة بعد 12000 وديتها للوكالة في صيانة 15000 كم(وديتها للصيانة مرتين 1000و 5000)وغيرو الهوبات والاقمشة على الضمان ما دفعة الا قيمة الصيانة بس 364 ريال

نفس المشكله

طيب حبيب قلبي .. الرجه اللي بعد ما تمشي هذي طبيعية جدا جدا ... لأن الهوب على درجة حرارة عالية .. والفحمات على درجة حرارة منخفضة حار مع بارد .. - فيزياء - .. وترا صوتها خفيف .. والرجه خفيفه ... مهيب مرره يعني ..

طيب تقولون لي مواتر ثانية ما فيها .. طيب .. الوالد عنده لكزس والرجه هذي موجوده .. إذا اسرعت 180 200 .. تجربتي الخاصه .. طبيعي جدا ..

ولكن يمكن الرجه حقتك تصير من الهوبات ... هذي ما أدري عنها .. لكن أنا نزلت لي رجه وصوت غييييييير طبيعي بعد الـ10000كم وهذي اللي تسمى رجه ...



وبالتوفيق .. :)

بالنسبه للطقطقه أنا اؤيد كلام أخوي الشيتان فهو فراغ بين الكليبر والقماش يسبب هذا الصوت والوكاله عندهم حل لهالمشكله وهي عباره عن قطعه بلاستيكيه صغييره جدا توضع في هذا الفراغ ويروح الصوت بإذن الله .. <--- مجرب وشفت طريقة التركيب وكل شي بعيني

أما الرجه .. فاذا هي رجه خفيفه فهذا نظام ال Abc وهذا طبيعي جدا لأن فكرته تقوم على تقطيع الفرمله لمنع الانزلاق وبالتالي يصبح هناك نوع من الرجه ..
أما في حالة الرجه واضحه وتؤثر حتى على الدريكسون فهذي من الهوبات والوكاله مثل ماقلت أنت يتحملونها ان شاء الله ..