فرآمل الآكورد 2006 ... للأهمية أرجوا الدخول

السلام عليكم ورحمة الله وبركاته

اسعد الله ... صباحكم / مسائكم ... بكل خير


اخووش بالموضوع دوغري

فرامل سيارتي تمام التمام وعندي شيئين ابي اطرحه بخصوصها

اول ما فكيت السيارة من الوكالة مشيت عليها الى صيانة الـ 40 الف وغيروا علي الفرامل يعني مشيتها 40 الف بفرامل ( امامية وخلفية ) حقت شد البلد ( من اليابان يعني )

ومثل ما ذكرت لكم بعد صيانة الـ 40 الف غيروها لي الوكالة وركبوا لي جديدة امامي وخلفي

والآن سيارتي ماشية 69 الف ولا حظت عليها صوت في الفرامل بعد ما مشيت الـ 63 الف يروح ويجي الى ان ثبت عند ما مشيت الـ 69 الف كيلو (( الصوت صوت فرامل منتهية يعني تسمع حك الهوب )) اللي مستغربة ليش فرامل شد البلد مشتني الى 40 الف كيلو وحقت الوكالة بـس 25 الف كيلو :confused: شي غريب

ملاحظة : نفس الاستعمال اللي استعملته مع فرامل 40 الف استعملته مع فرامل 25 الف

يعني لا يجي احد ويقول استعمالك لها :cool:


هذا اولا

الشي الثاني ارتفاع اسعار الفرامل الخلفي والامامي بعد ما نزلت الملكة الجديدة 2008

وصآر سعر الفرامل للأكورد 2003 الى 2007 الامامي والخلفي بعد الخصم 477 ريال (( والقهر ان اللي بالوكالة مو اصلي مثل حق شد البلد والدليل القصة اللي فوق :rolleyes:))


النعماني عنده الامامي والخلفي بـ 350 ريال ويقول اصلي اصلي مثل اللي بالوكالة بالضبظ وعندنا مثل اللي بالسوق بعد لو تبيها

(( تكفون ياللي عندهم خبره وقروا موضوعي زين فوووق ))

((اركب من حقت الوكالة والا من عند النعماني ))

والخرط وش افضل محل بالرياض عنده الخرط المضمون وكم الخرط للأمامي والخلفي مع التركيب .؟


آرق التحآيآ




:tomcat:

وعليكم السلام ورحمة الله وبركاته

أتمني إني أفيدك

ياخوي حتي أنا مغيرها يمكن عن35 ألف

وحاس الجديدة إنها ما بي تمشيني غير 10 ألاف

ولكن والعلم عند الله من حرارة الشمس

وشكرا

مشكور على الرد والتجآوب

لكن حقت الوكالة اظن نفس الحالة جاها شمس وايام امطار والمفروض هي اللي تتأثر آكثر

طيب ومحل النعمآني والوكآلة والوفارق بينها وش تنصوحني ايهم اختار

>>>>:(<<<<

كفو والله ولا واحد رد :cool:

والله سؤال يحيرني مثلك
ليه الشيء اللي يجي بالسيارة ما هو مثل اللي تاخذه من الوكيل
هل اللي يستورده الوكيل درجة ثانية بحكم بحثه عن عامل ربحي اعلى
جايز والله
احنا مسروقين بأشياء كثيرة وقفت على غش وكيل احتكاري
مع انه بالذات موضوع الفحمات هذا مفروض الوكيل يهتم بأقصى جودة فيه بسبب انه اسوء شيء بالهوندا
وبالنسبة للاسعار
اللي اعرفه حتى عبداللطيف جميل اغلى من موزعيه المعتمدين في قطع الغيار
ويمكن السبب لان الموزع يعامل معاملة سعرية خاصة
فالشركات تختلف عن الافراد
ويمكن حتى ان البضاعة اللي عنده تكون على التصريف وعندها ما يطمع بهامش ربحي كبير
وانا اشور عليك اذا اللي عند النعماني اصلية ما يبغالها كلام خذ ولا تشاور
اما خرط الهوب
فأهمس بأذنك
تراه يزيد حرارة الفحمات ويقلل سماكة الهوب وان كنت تسويه لجل التعرجات اللي بتكون بالهوب او رجة البريك تراها بعد 5 الاف كم وهي ترجع ما تستفيد الا صرف فلوس على الخرط وتقصير لعمر الهوبات والفحمات
وعن نفسي ..
الخرط هذا ما دخل راسي
رجة الفرامل والسيارة جديدة موجودة وصوت الفرامل نفس الشيء
ركب القماش وعيش حياتك بلا خرط بلا هم
ترى الهوب له خرطتين او ثلاثة بالكثير وبعدها تغيره لجل لا ينكسر عليك

ياخوي لاتقارن فحمات شد البلد بل الموزعين الي عندك في جميع السيارات وخاصة هوندا وهونداي وتايوتا وحاول انك تغير الفحمات الامامية والخلفية قبل ماتطلع صوت الهوبات انا عندي 2004 ماقد سويت لهل خرط هوبات لاني اغيرها قبل موعدها بمده وفحص عليها قبل التغير ورجلي على الفرامل ريشه ولاحظ انها تطول عندي ممشى سيارتي القديمة ال 2004...150000كيلو المشكلة اذا خرطت الهوبات لان الخرط مهب كل يضبطه في الورش وانصحك بالوكالة لان الفحمات درجات....

مشكور اخوي على الموضوع
لاني ملاحظ نفس المشكله عندي وحتى الان ما حصلت حل
بس اتوقع العيب في الهوبات مو بالفحمات
لان لو تشوف الفحمات تلاحظ انه باقي فيها عمر والصوت يكون من الهوبات
فيه موضوع مكتوب عن تغير الهوبات الى هوبات رياضية
بصراحه الفكره دخلت مزاجي و بحثت في النت و خصوصا شركة بريمبو Bremboالتي تعتبر من اقوى الشركات في هالمجال حصلت حسب كتالوج الشركة على هوبات رياضية مصنوعه خصيصا للاكورد حسب الصورة بالملف المرفقة
وتتوفر بنوعين الاول مخرم Drilled
http://www.importrp.com/images/bremb...ss-drilled.jpg
والنوع الثاني مخدش Slotted
http://www.importrp.com/images/brembo_sport_slotted.jpg

بس ما قدرت اعرف الاسعار او كيفية الشراء وكم تكلف بشكل عام
واتوقع انها راح تحل ها المشكله

مشكورين الف شكر الصراحة شي يوسع الصدر في ردودكم وتفاعلكم

شريت على مشورة احد الاعضاء اللي اعجبني ردة

من النعماني والصراحة اللي عند النعماني اصلي 100%

ومن الوكالة ياخذها اشتريت امامي وخلفي بـ 360 ريال

وسألته عن فارق السعر عندك وعند الوكالة ( الوكالة للمعلومية بـ 477 ريال بعد الخصم )

قالي حنا ناخذ من الوكالة بخصم 25%

وانتم تاخذون بفرق 5% بــس


((( انا الفحمات عندي تطلع صوت وتركتها لين ما سوت مثل الحفر البسيط في الهوت هل اخرط والا شو السوات

واذا ما خرطت وركبت عليها هل يبقى الصوت )))


}...آرق التحآيآ ...{


:)

ماشاءالله مشتك 40 الف شي طيب والله

وين اللي يقولون فرامل الاكورد ماتطول :confused:

اما بالنسبه لأنها ماطولت مثل الشد بلد

بعطيك معلومه لاحظتها انا بكل سياره امتكلتها

الشي اللي يجيك تسقيط مصنع يطول حتى وان كان اصلي اللي ركبته بعدين

خفة اليد في التركيب لها دور وشي اكيد ان كفائة الفنيين بالوكاله اقل من الفنيين بمصنع هوندا

اعطيك امثله

سيارتي السابقه سير المكينه الاول مشاني 100 الف ومن بعد ماغيرته ماصار يمشيني الا 70 الف بالكثير

نفس الشي مع الفرامل

نفس الشي مع بويه الصدام عندي انعج وصبغتها بالوكاله وشغل محترم بس تطير من العج اسرع من صبغة المصنع ( نفس مواد الصبغ اللي بالمصنع يستخدمونها الوكاله )

ولا تحاتي من هالناحيه بما ان القطعه استهلاكيه

بصراحه حتى انا عندي مشكله مع الفحمات ,,

انا اخذت السيارة من الوكاله اكورد 2007 والحين ماشيه 19000 ك م وبين فتره والثانيه وقت ما اكون مسافر وماسك خط فيها بعد ما اضغط على الفرامل يطلع لي صوت الفحمااات ..؟؟؟

مع العلم ان ممشاي فيها معقول ومحافظ عليها بس ما ادري هل هو عيب في الدفعه الي انا اخذتها او فيه مشكله ثانيه ..؟؟ وهل الضمان يشمل تغيير الفحمات ..؟؟

ابغى مشورتكم لاهنتو

طبعا ما يشمل
اللي يشمل الضمان الهوبات الامامية ( اذا قلت للوكالة فيه رجه اذا مسكت فرامل يغيرون لك الهوبات الامامية مجانا وياخذون طبعا القديمة )

هذا شي

الشي الثاني

الخرط شرايكم فيه :confused:

اخرط والا اخليها على وضعها

السلام عليكم جميعا
انا كان معي اكورد موديل 93 وقعدت معي سبع سنوات ما اشتكيت من الفرامل ابدا بالعكس كنت اغير الفحمات بدون مبالغة كل سنة مرة وحدة واذ كنت كارف امها كل 9 شهور تقريبا بس اللي لاحظتة ان العيب من الجنط مو من الحرارة او الشمس لان مشكلة الفحماتطلعت من موديل 2003 ولاحظ من الموديلات اللي قبلها ماكان يشتكون اصحابها من الفحمات عشان اوضح لكم السبب اتوقع انه من الجنوط لان فتحاتها كبيرة يدخل معها الماء والرمل بسرعة لو تلاحظون الكليبر واضح من السهل انه يدخل الماء والرمل بين الهوب والفحمات عشان كذا يتاكل بسرعة
والله اعلم

يا اخي الكريم الفرامل تجلس معنا سنة ونص حقت شد البلد اذا كانت مكروفة
وحقت الوكالة تجلس سنة اذا كانت بعد مكروفة
بس اللي نتكلم عنه هنا ليش اللي بالوكالة ما تطول
واللي بشد البلد يطول
راجع القصة اللي اول الموضوع وراح تعرف قصدي

وبعدين الهوندا من موديل 2003 وفوق توب التوب ولا فيه ولا عيب ينقصها بالعكس ونآسه ولا فيها ولا مشكلة


آرق التحآيآ

:)

ما شاء الله مشتك كذا انا سيارتي 2007 مشتني لحد الحين 25 الف >> من الوكاله بس الحين يطلعلي صوت ونا ارجع

صوت الفحمات الخلفيه كان احد يحك الهوب >> الصراحه خفت وشريت الفحمات الجديده ب493 :eek: الخلفيه ولاماميه

ويقولي اصلي اصلي

طبعا بدوون التركيب
بروح العصر اركبها وقولك رايي فيهم