السلام عليكم ورحمة الله وبركاته
من شهر اشتريت هوندا اكورد 2008 سته اسلندر فول ابشن وقلت اجيب افضل حاجة وتكون كامله المواصفات علشان مشاكل السيارات الجديدة كتير ويمكن الكامله فول ما فيها مشاكل
وعايز اقول حاجة قبل اما ابدء فى سرد المشاكل اللى لمستها فى سيارتى الفضى السيارة ماشية 2500 كيلو فقط
1- صوت هواء فظيع اسمعه من الابواب على اقل سرعه لدرجة انى بنزل من السيارة راسى حتنفجر
2- حدفه يمين
3- رجفه فى السكان
على فكره انا مصرى مقيم بدوله الكويت اعمل مهندس فى شركة بترول
وكيل الهوندا فى الكويت المطوع والقاضى
مطولش عليكم رحت الوكالة اكثر من خمس مرات متتاليات معرفوش الحل للثلاث مشاكل
ولمعرفتى ب مدير الصيانه وهو مهندس مصرى زميل دراسة قلى بص انا حغير لك التواير كلها واركب لك تواير جديده خالص علشان موضوع الحدفه اليمين دى تروح والرجفه كمان
طبعا انا قلت سمعا وطاعا حاضر وبكره ان شاء الله حروح اغيرهم واشوف ايه اللى حيحصل
اما بقى موضوع الهواء اللى بسمعه من الابواب فده لم يجدوا له حل نهائى غيرو الربلات وعملو كل ما فى وسعهم وبالاخير قلولى السيارة كده نورمل خالص يعنى عادية ما فيها مشاكل طبعا انا ركبنى الف عفريت وقلت ازاى نورمل والصوت عور لى راسى وخلانى اخاف اركب السيارة قال البيه الصوت عادى خالص ومفهوش اى مشاكل قلت له خلاص اركب السيارة وجرب وحتصل على مهندس صاحبى معاه سيارة نفس السيارة بالضبط وشوف بنفسك بالفعل ركب البيه السيارة بتعتى ومشى بيها قال عادى ما فيها مشاكل كده هى طبيعيه
قلت له طيب انزل بقى يا بيه واركب السيارة دى وامشى بيها على سرعة 200 وشوف الفرق
ركب البية وانا بجوارة ومشى على سرعة 200 ما فى صوت نهائى
قلت له الان عرفت انا بقى المشكله
دحك المهندس وقلى ايه الفرق بقى قلت له سيارتى هوندا والسيارة التانى اللى ما فيها صوت كامرى
دحك بسخرية وقلى لا دى هوندا زى بتعتك بالضبط قلت له يمكن
نسيت ما اوضح حاجة بعد تغير الربل عملولى رفع لل 4 ابواب ولم تفلح
واقسم بالله العلى العظيم انى بحب هوندا اكثر من اللكزيس وبعشقها عش الجنون ودافع فيها 8000 دينار كويتى كاش وكان اقدر ادفعم مقدم لكزيس واقسط الباقى وانا مرتاح بس حبى للهوندا لا يقاوم
والمشاكل دى لم ولن تغير شئ فى حبى لها بس عايز حل ارجوكم انا بخاف اركب السيارة انزل منها مريض
احيانا بتصل بالشركة ترسل لى عربية اروح بيها الدوام بالسائق علشان ما امشى بالسيارة وراسى تعورنى
اشكركم
