اش احسن 6سلندر و إلا 4 سلندر

سلام ....

اش احسن 6سلندر و إلا 4 سلندر ؟
اش اوفر بنزين ؟
هل في جناح خلفي وانوار زينون في 6 سلندر ؟

النصائح من المجربين :(:)

وش السيارة اكورد 2008

والا ؟

طبعا السته سلندر حلوة من ناحية الممشا وفيها مواصفات احلى من الاربعه
والاربعه توفير بالبنزين وبرضو ماعليها كلام

اما اجناح مافيه جناح ومو حلو شكلها بالجناح

والزينون فيه زينون بالسته سلندر

تبي نصيحة اخوك عليك بالاربعه ولا تشاور

الافضل وبكل تأكيد (( الـــفـــل كــــامــــل ))

من اهم مواصفات v6 موديل 2008 نظراً لا نك ما تكلمت عن الموديل :

- ايرباقات اكثر اظن 6 وهذا افضل من ناحية الامان بعد الله سبحانة .
- نظام مانع انزلاق يساعدك اثناء العومل الحرجة في الطريق
- بالنسبة للتوفير محرك v6 يحتوي على ميزة ايقاف السلندرات الزائدة ... يعني حق داخل المدينة وحق السفر الطويل ليش تستخدم 6 سلندرات وانت بحاجة 3 او 4 سلندرات فقط !! فيوقف اللي مالها لزمة ويستخدم الكافي ... وقت الدعس والحرق يشغل لك كل الـ6 سلندرات واستمتع بالقوة ..
- خلفية الـ v6 احلى بكثير مع الشكمان الاضافي ..
- الستة سلندر فيها زينون شد بلد .
الجناح واي شي اخر كالحسسات والشبك والزوائد كلها تركبها وتدفع فلوسها من جيبك :)

وزيادة فوق كلامك اخوي كوكو كورد :

1- نظام VSA (المثبت للسيارة اثناء الإنعطاف بعد الله)
2- الزينون (وسمعت انه يستشعر الظلام ويشتغل لحاله)
3- المحرك الجبار 3.5لتر و271حصان الصافي والإجمالي 298حصان .
4- سبع سماعات .
5-رشاشات ماء للشمعات الأمامية .
6-خاصية منع الضجيج الخارجي (اتوقع متوفرة) .
7- المكيف الخلفي في التكاية الأمامية من الخلف .
8- زائد المواصفات اللي قالها كوكو كورد:d.

وتحياتي لك ،،،;)

الشباب ماقصرو بالمواصفات

لكن بغض النظر عنها

السته سلندر افضل من الاربعه سلندر في اي سياره كانت

ياخي يكفي صوت السته اذا دعست عليها

غير القوه متى ما احتجتها

الصرفيه اكيد لصالح الاربعه بس ما احس انها تفرق بالاكورد خصوصاً مع وجود نظام التحكم بالسلندرات

وما اعتقد انك بتتضايق من صرفية السته بالعكس ما تصرف اذا تمشي بهداوه وبالخط مساويه تقريباً للأربعه

والبنزين عندنا رخيص والمفروض نترك الكلام عن الصرفيه لغيرنا

والله يديم النعمه علينا