السلام عليكم ورحمة الله وبركاته
اليوم سجلت بالمنتدى لأني اصبحت من اصحاب الهوندا ;) وحاب افيد واستفيد من خبراتكم
تجربتي اللي تمثلت في البحث عن المعرض الأفضل والسعر الأرخص والاكسسوارات والتضبيط كانت طويلة الين وصلت الى نتائج احس انها مرضية لي
اخذتها ولله الحمد بسعر رخيص عن الوكالة بأكثر من ألفين ريال معرض الملحم بمخرج 15 بالرياض طبعا
وركبت لها جنوط (16 سبشل) من محل بالغرابي أصلية بمبلغ ارخص من الوكالة بفرق كبير (النوع اللي شريته ستنادر - سياحية -)
وسويت تخشيبة لمكان القير والاكواب (اللي في الوسط بين السواق والراكب) برضه بالغرابي
وتعاقدت مع مركز عناية (تظليل الزجاج بالكامل+حماية خارجية+حماية داخلية+حماية الوجهية)وبمبلغ اعتبره هو الأفضل بالسوق اسمه (كار كير اكسبرس)بشارع الشافعي بحي المنار
والحمد لله احس اني راضي كل الرضى عما تحقق:cool:
واحب اقول للاخوة اعضاء المنتدى في حال رغبوا الاستفادة من المحلات اللي تعاملت معها التواصل معي حتى ارسلهم للموظفين اللي قدموا لي حتى يستفيدوا مثلي سواء في المعرض أو التخشيب أو الجنوط أو العناية لأني كل ما رحت لواحد علطول شبكته وأغريته اني باجيب له زباين بس بشرط انه يخفض لهم زيادة عن تخفيضي :d
اتمنى من الأخوة اعضاء المنتدى افادتي عن الاكورد وعن مميزاتها وعيوبها لاني اول مرة في حياتي اسوقها
وتجاربي السابقة كانت ما بين التويوتا (هايلوكس وكامري)والفورد (جراند ماركيز96 و جراند ماركيز 99)وها المرة غيرت وان شالله انها للافضل :aa_cup:
