اسئله جديده حول سيارتي الاكورد 2008

انا الحمد لله امس وصلت سيارتي

طبعا عندي استفسار

حول كيف تدريب السياره الجديده

انتم تقولون لازم ماتسرع ولا تعدى 80 وبعضكم قال شغل المكيف والبعض قال لا تشغله

واخوياي

يقولون لازم تدعس عليها وتمشيها 160 عشان يقوا عزمها ولو ماتسرع عليها وتمشي 80
يقولون بعدين يجي مالها عزم؟؟ ويقولون لا تشغل المكيف الى لين تاصل 1000كيلو>>>>اقول في نفسي
كيف مااشغل المكيف بهاذا الجو البارد اقصد الحار وازيدك من الشعر بيت مراتب جلد كملت يعني

هل صيانه ال1000كيلو يعني لازم العداد يوصل 1000 وبس او عادي لو وصلت للصيانه والعداد 1100

ماهو نوع الزيت المفضل لها وان كان فيه زيت هوندا وفي الورشه مايجيبونه وش اسوي هل اصرفها باي زيت
لو اني في الرياض كان محلوله انا في مدينه ماتعرف الى تويوتا ونيسان>>>ااعداء ههههه
___________

المكيف ياحبيبي عادي تشغله الكلام ذا للسيارات الأوله.. انا موتري بالوكاله الموظف شغل السياره وقالي المكيف عادي تشغله بس لا تمشي فوق  80بالمكيف عشان السيور
والمكينه و بدون مكيف.100. اما صيانه الألف عادي لو تزيد شوي انا تعديتها بميتين ترا وهي تغير زيت وتشييك كامل..
اما عن التمرين اعذرني وانا اخوك انا مشيتها على راحتها الى 1000 وبعدها جلدتها على خط الشرقيه .. وانشا الله الشباب يفيدونك..
وبدون مكيف

طيب الكاتلوج مافيه اثبات على كلامك

لاني مافيه شي يثبت

وانا معك ومصدقك ومرتاح لكلام اكثر الاعضاء

تصدق انا كاني عندي كامري 2006 وبعد ماسقت الاكورد لقيت فرق
1_الكامري مرتفعه جدا مقارنه بالاكورد
2_الكامري كل شي بعيد عنك مسجل ووو اما الاكورد قالط عندك هههه
3_الاكورد نازله جدا تذكرني ب الاكسنت في السواقه هههههههههههه علي تشبيه مهوب صاحي

السلام عليكم

تراني انا واحساس ناشبين لك في كل مواضيعــِكْ P:

شسمه ؛ انا يطولي بعمرك قبل 1000 وصلت السرعة الى تقريباً 235 ،

فـ لا تحمل هالسرعة تشوفها بعد ما تغير زيت الـ 1000

راح تفصل عليك في 215 ،

وشسمه ؛ شغل المكيف على راحتــِكْ ،

أهم شيء لا تخلي الضغط يعدي الـ 3

وغير كِذا انا وديتها لهم لما مشت السيارة تقريباً حول 2000

عادي ما فيها مشكلةْ ،

ومبروك عليك السيارة

والله يعطيك من خيرها ويكفيك من شرها ( :

:rolleyes:

قصدك على المكيف؟

اقتباس:

---

المشاركة الأصلية كتبت بواسطة zeyad

طيب الكاتلوج مافيه اثبات على كلامك

لاني مافيه شي يثبت

وانا معك ومصدقك ومرتاح لكلام اكثر الاعضاء

تصدق انا كاني عندي كامري 2006 وبعد ماسقت الاكورد لقيت فرق
1_الكامري مرتفعه جدا مقارنه بالاكورد
2_الكامري كل شي بعيد عنك مسجل ووو اما الاكورد قالط عندك هههه
3_الاكورد نازله جدا تذكرني ب الاكسنت في السواقه هههههههههههه علي تشبيه مهوب صاحي

---

هاه نازلهْ :confused::confused:

بسوي نفسي ما سمعتْ ، :d

شسمه ؛ نفس اللي يبيع في المعرض قال لي شغّل المكيفْ ما فيها مشكلةْ ،

يعني حاطين لي الميف عشان اصوّر جمبهْ خخخ ، الا عشان اشغلهْ ،

واترك عنك التوسوس ، ارتفاعها حلوْ ،

تراها اكورد ما هيب كروزرْ ، ;)

وتتربى في عزّكْ ،

ولله يا الاكورد روقان

نااازله ازين من الكامري كنك راكب هايلوكس

والصراحه الفل كامل فخمه طريقه الاضائه حلوه مره

اخواني ماتلاحظون شي ان الشكل القديم

يصلح للي مايشوف زين او قليل النظر

كل شي فيه كبير هههههههههههه الطبلون عريض كتاباته والمسجل ازراره كبار

بس 2008 تفرق يالله تشوف فيها الى مجرب الشكل القديم والجديد بيتعقد

الله يبارك لك فيها ياارب


وهاا عاد ترى ناشبين لك انا وككاااكشي صن بكل موضوع لك يعني الله الله بالصور الحصريه :cool:


لاتبخل علينا بكم صووره لموترك الله يهنيك فيه يارب

يعطيك خيره ويكفيك شره يارب

استخدم السياره استخدام طبيعي وخلك من زود فلسفه الناس

اطلع في الليل والجو معتدل وامسك خط الييييييين ماتخلص الالف كيلو

وبعدين شغل المكيف < < انا كدا سويت رغم انو كثير قالولي شغل المكيف عادي

وبالنسبة للسرعه 120 كنت امشي في فترة التمرين :)


ع البركه والله يعطيك خيرها ويكفيك شرها

8
8
بالضبط .. ومبروك ياغالي:) ويعطيك خيرها ويكفيك شرها .. ماقلتنا شنو اللون .. ولاتنسى الصور
ع فكره عن قريب راح اطلع الهنادي .. مانستغني عن نصايحك .. بتصير خبير:d ياولد
دمت بود

مشكورين على ردودكم

ويازين الى ناشبين للواحد مهوب بعض المنتديات تحط موضوع وبعد 10ايام يرد واحد ويقول(يفيدونك الاعضاء)

السياره اكورد
النوع 4سلندر فل كامل
الون ذهبي<<<ترا الون هاذا والون الاسود ميزته هي ان الكروم بارز وهاذي ميزه والون الابيض والرمادي مايبين الكروم بقوه
زي الاسود والفيراني والذهبي

القياده مريحه وماتحس انك سايق سياره مثل المنافسين زي كامري التيما ولله فرق