أشتري ولا ما أشتري بســــــــــــرعة تكفون

السلام عليكم ورحمة الله وبركاته

يا شباب أنا استشيركم في السعر

معروضة علي هوندا أكورد موديل 2003 فل أوبش نظيفة

بسعر 42000 وش رايكم هل السعر مناسب أو أنه كثير لأن الموديل قديم شوي والشكل تغير مرتين

علمونا تكفون بأسرع وقت


واشكركم على اهتمامكم

وعليكم السلام ورحمةُ الله وبركآتة

والله ما ادري يا خوي

كل اللي اعرف ان هوندا سعرها ثابت في السوق

فـ أتوقع ان السعو اوكي يعنيْ ،

خاصة لما تكون نظيفة ،

والله يكتب لك اللي فيه الخير ( :

موفق عزيزي ،

احسها غاليه حبتين لوتكون ب40 او39
تكون احسن

مصدومه من قبل لو لا ,, أو انرش فيها شي ,, وكم ممشاها ؟؟
---
بس أنا اشوفها غاليه على موديل :eek:2003

وكيف حال المكينه ؟؟

غاليه 2003 ...... يمكن اذا 2004

والله اخوي احس انها غالية كم الف يعني انا اشوف ان السعر المناسب لها مايتجاوز 40الف بالكثير حتى لو كانت نظيفة ، لكن في ظل عدم توفر الاكورد هذي الايام في المعارض والله يدور عليها يتعذب كم شهر عشان يلاقي وعساه يلاقي شيء كويس ونظيف بعد ، فأكيد الرجال عنده خبر ان اسعار الاكورد رايحه فوق عشان كذا رفع السعر كم الف ، وبالنسبة لي اقول يناسبها 38000ريال ماتزيد والسبب ان الشكل تغير مرتين و2009 على الابواب ومهما كان المشي شوي اكيد فوق 50الف ، ناهيك لو مايكون لونها لؤلؤي وفيها صدمة اكيد السعر تحت اللي ذكرته down down .

والله يكتب لك اللي فيه الخير ;)

تحياتي اخوك دحوم .

كثيره يالغالي لكن النظيف حقه فيه ;)

عارف والله إنها كثيرة لكن تعبت والله حتى لقيت وحدة نظيفة عشان كذا استشرتكم وعلى فكرة الموتر نظيف والمكينة ممتازة والممشى معقول والسيارة فل أوبشن يعني لو زادت شوي ما يضرها عموما أنا بحاول على 41 وعسى الله يبارك

كثيرة والله لو تكون ب40 الف ونظيفة تنبلع:cool:

لاتشتري شف لك موديل اجدد بتحصله تقريبا بنفس السعر