عرض للطباعة
تحياتي للجميع
بصراحة ياشباب أنا من يوم ماشريت السيارة وأنا ناوي أظلل السيارة (أكورد2008) عازل حراري وعبدالله هاشم ماقصر عطاني خصم من محل بجوار الحمراني في شارع العليا وقال أن التظليل 1650 ريال سعودي بعد الخصم :confused: قلت ماصار هذا خصم ؟؟
المهم لقيت عرض عند العليان في طريق خريص بـ1100 والضمان مدى الحياة وهذا العرض لفترة , ماأدري وإيش رايكم في شغلهم فيه أحد قد تعامل معهم في تظليل أو أكسسورات , وإيش رايكم في التظليل العازل هل فعلا أحس بفرق مع شمس الرياض :mad:
وين الردود ياشباب وإلا الموضوع مايستاهل
حبيبي خلك من العليان ..
بصراحه العليان اكسسوارت اووكيه لكن تظليل مااتضمن انه اوكي ..
رح لك وحدهـ من هالشركات الكبيره ..
عندك اواكس كوول >> غالين بقووه وبكف :d
للومار سعرهم زين وماشي حالهم لكن ماادري عن جودهـ التظليل وعزله لللحراره ..
في كووول :o احسن شركه بالعالم كله :d لا والله الحق حق ..
موتري اسود وجلد وظللت من عندهم امامي شفاف ولعلمك الشفاف اللي عندهم احسن من كل الموجود عند الشركات .. لا زيبارت ولا اواكس كول ولا لومار .. العزل فيه فوق 70 بالميه.. وانا مجربه بصراحه فررق كبير بالعزل ..
والقزاز الباقي اسود خفيف بس عززل صح والله .. وامريكي التظليل ..
واسعارهم حلووه يعني موب غاليه زي زيبارت واواكس كوول فوق الالفين ريال :confused: ..
في كول اتذكر كانت ب 1500 تقريبا ..
وبصراحه اذا انت ناوي .. لاتبعد عن وحدهـ من ثنتين .. في كوول << الشباب بالمنتدى اكثرهم مركبين منها ..
ولومار >> ماادري عن الجودهـ فيها لكن اشوف الكثير يمدحها وسعرها مقارب للفي كوول ..
هذي نصيحتي .:d
والله شف وأنا أخوك لاتظلل إلا من شي موثوق منه ومجرب من ناس واجد
يعني الشركات المعروفة مثل( في كول)صحيح غالين لكن تركب وأنت مرتاح
وعلى فكرة الضمان تقريبا 5 سنين <<<<ماني متذكر بالضبط
والله يوفقك
اخوي انصحك بــv-cool والخيار الثاني Zebrat وإذا كنت تبي تظليل رخيص نوعاً ما يعني 700ريال إلى 850ريال إن كثرت في محل اسمه Sun-x على طريق العروبة وتظليل حلو وعنده عازل كوري وامريكي .
نصيحة مجرب
لومار بـ1450 ريال
الجودة جيدة جدا
ضمان 10 سنوات:cool:
شغلهم حلو ونظيف
^^^^^^^^^
حاليا لومار بـ 999 ريال اي لون واي درجه
وبصراحه اذا انت ناوي .. لاتبعد عن وحدهـ من ثنتين .. في كوول << الشباب بالمنتدى اكثرهم مركبين منها ..
تقدر تعطيني رقم التلفون أو أحد فروع الرياض
مع خالص الشكر والتقدير
لو تكرمت أكتب رقم التلفون أو موقع الفرع بالرياضاقتباس:
المشاركة الأصلية كتبت بواسطة pink Dream
012936969
هذا يالغالي رقم فرع في كوول الرياض .
كل الشكر لك يا أغلى
والله يا خوي عندك
زيبارت مره حلو لكن غالي
لكن شغلهم مزبوط و معليه ضمان
اهلين
أنا مجرب زيبارت ما عليها كلام
وبالنسبة إذا كان يفرق نعم يفرق وبقوة
وأنصحك بعدها تضلل عازل عند محلات الزينة للسيارات
ويكون خارجي لكي لا يخرب التضليل الأصلي الداخلي
وأعرف لك محل شغله أوكيه (زينة للسيارة)
وتقبل مروري