لحد يلومني لو ابكي.......

بسم الله الرحمن الرحيم

السلام عليكم..........

يا ناس انا بحكي معاناتي مع الهنادي

كل يوم خراب مره دخلت في الصبات

ورجعناها زي الفول الحمدلله

ادور استبنه مالقيت كفرات في الوكاله قلنا بتجي وهي جايه قريب انشا الله

انكسر الكشاف اللي تحت قلنا ماشي بنركب غيره طبعا حصات في الخط كسرته

فجأه اسمع صوت شي يحك في الهوب ووديتها للورشه قال لي:

هذي الفحمة اللي ورا خلصت ويبي لك فحمة جديده.

قلت انا:

السياره جديد مالها 3 شهور و2008 مطلعها وكاله وتخلص الفحمات اللي ورا

كذا بسرعه ما اتوقع .

وش المشاكل هذي وليش الفحمه خلصت بالسرعه هذي

واللي ورا بعد؟

وفيه في باب الساق رجه وانا اسكر باب الساق وش المشكله؟

انا احب الهنادي بشكل ما تتصورونه بس جت علي ببلاوي كثيره

انا متأكد انها بسبب الحادث اللي صار لي بس ابي حل يرجع

سيارتي وكاله وتعيش معي

وانا اعترف رجلي ثقيله شوي على السياره

وش الحل؟؟؟؟؟؟؟

اشوف السياره تموت وانا اتفرج

تخرب واسكت

وبصراحه كلفتني كثير على فكره

ااااااااااه سيارتي انعدمت

تكفون على الاقل طمنوني:(

الله يكون بعونك والله قهر الله يعوضك يارب..

والله مادري وش اقولك الا قل"اللهم أجرني في مصيبتي هذه واخلفني خيرًا منها"..

تحياتي لك..:)

سلام احس ياخوي انا هذي عين الله يستر علينا وعليك بس انت لاتقهر نفسك ولا تعب نفسك
وشكرااااااااااااااا

اقرى عليها قرآن

ترا العين حق

ما تدري ونا اخوك

ان شاء الله يا رب ترجع الهنادي لك عافيه وسليمه ;)

الحمدلله على كل حال اخي العزيز
بالنسبه للفحمات انا سيارتيلها شهر وشوي معي والفحمات يطلعن اصوات اذا مسكت فرامل تقول خلصن بسرعه:eek:
الله يساعدك اخوي ويزقك خيراً منها..

أولا ..

الحمد لله على سلامتك والحمد لله انها بالحديد مو فيك ..

ثانيا ..

لاتنسى (( اللهم اجرني في مصيبتي واخلف لي خير منها )) .. ماسمعت بسالفة راعي اللكزس الي طلعها من الوكاله وقبل لايوصل البيت صدم فيها !! ورجعها وجلست كم يوم تصليح .. ويوم خلصت طلعها .. وهو رايح البيت صدم قبل لايوصل .. ورجعها وجلست كم يوم تصليح ويوم خلصت ارسل السواق يجيبها ( لأنه عافها ) وطلعها السواق وقبل لايوصل البيت انصدمت للمره الثالثه مع العلم انها ماطبت البيت من يوم شروها .. !!

(( المصدر : المســـافر :d ))

فأنت أحمد ربك ان مصيبتك هينه قدام مصيبة غيرك

وسالفة الكشافات فهذي بصراحه تقهر لكن ان شاء الله انها دفعة بلى عنك .. والباب فأتوقع من تأثيرات السمكره وياليت تراجع الوكاله يضبطونه لك ..

أما القماشات قهر والله تخلص ب 3 شهور :eek: عاد قلنا تستهلك بسرعه بس موكذا :eek: تأكد ان مافي احد من اخوانك ياخذها وانت غافل لاسمح الله ويلعب بالموتر ..!! <--- سبب فتنه ببيتهم :d

لكن روح للوكاله وانشب لهم وبيغيرونها على الضمان ..

والله يعينك وييسرها

ياخوي بقول لك شي ...


ترى السياره لما تجيها ضربه تعفس لك الحياه ...


لكن انت تابعها بدل ليها كل الي تحتاجه وانشالله ابشر بالخير وترى الهوندا مو مثل بافي السيارات ما عندها مشكله لو جبتها ضربه صاحبي انضربت سيارته ضربه قويه موديلها 2002 وليومك والسياره ماشيه معاه زي الحلاه بس لما تحتاج شي على طول يعطيها

يالغالي احرص على تشيكات الوكاله .. وقلهم عن الصوت ويغيرونها على الضمان

اجل وشوله معطينك ضمااان :mad:

الظاهر الشباب مايقرون

رح للوكالة وانشبلهم وووووووو.....

الرجال قالكم

خلنا نبدأ من آخر شيء :)

اقتباس:

---

متأكد انها بسبب الحادث اللي صار لي

---

حادث وطبيعي تكون فيه رجه إذا باب السواق مسمكر أو جاه شيء من الحادث هذا بخصوص الباب


أما الفحمات أنت قلتها

اقتباس:

---

وانا اعترف رجلي ثقيله شوي على السياره

---

وماتفرق 2008 أو 2003 الفحمات على استخدام الشخص



أما الكشاف و انكسر بسبب حجر هذا قضاء و قدر مب عيب مصنعي ولا عيب بالسيارة

و الحادث نفسه قضاء و قدر أنا سيارتي مسمكرة و الحمد لله ما فيها شيء غير تنسيم بعد تغير قزازة قدام


تقبل تحياتي :cool:

اخوي هذي عين ماصلة على النبي ، اخوي خذ لك ماء مقري فيه وامسح الصيارة من السدام إلى الصدام بمنشفة نظيفة ولاتخلي اي شيء من الماء ينزل على الارض هذي نصيحتي لك والله يعنيك ويصبرك على بلواك .

^^^^

و إذا نزل شوية ماء على الأرض...ايش يسير ؟؟؟

من جد بسأل، لأن عندي مشكلة العين نفس مشكلة الرجال الله يعينه..

اتوقــــــع قصـــــــده علشانهـــا مقري فيها ويبغى يكرمها

وانتم ما قصرتوا معي يا شباب شكوووووورين على المرور.................:cool::cool:

عزيزي ... اولا لاتيــأس بسرعه انت كـــبرتها شوي لان السياره غاليه على قلبــك وهذا شي طبيعي جدا جدا

تفـــائل وابــداها حبــه حبـــه ولاتفقد تركيزك ابدا بالفحمـــات والحمدلله الفحمات شي طبيعي ويتصلح ثم ابدا

بالباب وحاول تفهم بالضبط وشي مشكلته وابدا بحلها بافضل طريقه والكشاف الحمدلله غيره وان شاءالله ان مشكلتك انحلت

بس تفائل ومخمخ عليها والله يوفقك

مشكور على المرور.

وكلام مؤثر لي صراحه يا اكوردي...

اقتباس:

---

المشاركة الأصلية كتبت بواسطة اكوردي...

عزيزي ... اولا لاتيــأس بسرعه انت كـــبرتها شوي لان السياره غاليه على قلبــك وهذا شي طبيعي جدا جدا

تفـــائل وابــداها حبــه حبـــه ولاتفقد تركيزك ابدا بالفحمـــات والحمدلله الفحمات شي طبيعي ويتصلح ثم ابدا

بالباب وحاول تفهم بالضبط وشي مشكلته وابدا بحلها بافضل طريقه والكشاف الحمدلله غيره وان شاءالله ان مشكلتك انحلت

بس تفائل ومخمخ عليها والله يوفقك

---

ما ازيد كلام كثير كلام أخونا اكوردي مليااااان وبس خاصة ( تفائل ومخمخ عليها والله يوفقك)