مشكلتي مع الاريباقات

السلام عليكم يامنتدى محبي هوندا :cool:
انا شريت هوندا سيفك 2005 من الوكاله تقريبا وقت نزولها والسياره ماشاء الله ابد ما خربت معااي ولا اشتكت ابدا ;)
المشكله ومافيه قبل اسبوع نورت علي لمبه الايرباق حقت السايق بدون سبب :eek:
وديتها للوكاله اللي بالدمام وقالو لي يمكن البرمجه فيها مشكله راح نبرمجها لك ب150 ريال
انا هنا فرحت وقلت الحمد لله المشكله ماهي كبيره .((لكن تاخذ يومين عندهم ليه !!!))
دقوا علي اليوم الا ويقولي المهندس الهندي الحساسات خربانه :( وقيمتها 2600:confused::confused:
لا والقطعه بيطلبونها من جده !!! مهي متوفره بالشرقيه ابدا .
بصراحه شكيت بنزاهه الوكاله واحس انهم نصابين .
السياره محافظه عليها تقول كانها توها طالعه من الوكاله وقعدت معاي 3 سنوات وتخرب حساسات الايرباقات !
وازيدكم بيت شعر كنت ناوي اشتري اكورد 2009 ذي الايام لكن نفسي عافت من عبدالله هاشم واسعاره اللي زي خشته :p
والله الحين محتار وش اسوي اصلحها عندهم ولا لا !
وتكفون اذا احد يعرف ورشه محترم ووممتازه بالخبر ولا الدمام ولا بالظهران تكون تخصصها هوندا وتعامل معهم يعلمني تكفون محتاج مساعدتكم :(.

up:(

:(:(:(

الله يعينك

وان شاء الله الشباب يفيدونك

وعليكم السلام ورحمة الله وبركاته

الحساسات قطع الكترونية واذا خربت مالها حل الا التغيير
واذا ما ودك تدفع قيمة الجديدة الله يعينك تدور في التشاليح

ماقصرتوا ياشباب
كلمتهم اليوم وبالموت ردوا علي
قلتهم بيغيرونها قالي بس يبيلها 5 او 6 ايام علشان نخلصها وتجي القطع !!!
قبل كم يوم قايلنلي 4 ايام !!
الله يعني على مرمطت عبدالله هاشم !:mad:

اخوي شيك على فيوزات الايرباقات انا مره اشتغلت عندى نور الايرباق علشان فيوز

تحياتي لك

:( الله يستر من موتري اجل :(

انا ناوي اشتري اكورد 2009 سبشل يا ابيض او ذهبي قبل نهايه رمضان او اني اشتري كامري 2009 فل بدون فتحه وبصراحه بعد المشكله ذي صغرت الهوندا في عيني اجل 3 سنوات وتخرب الحساسات وسعرها غالي مره مقارنه بقيمه السياره !!! والقطعه مو موجوده في الشرقيه !!!
الله يعين كنت قبل ما تخرب علي الحساسات اميل للكورد وبقوه مع انه سعرها نار بس الحين اميل للكامري بسبب توفر قطع الغيار ورخصها .
ولكن نهايه الامر الوالد مصمم ياباني يعني الاكورد ودايما يقولها اهم شي تعش عمر طويل .
نشوف وش بيصر اشتري كامري ولا اكورد واقولكم :d.

الله يكون في العون والله ويساعدك بس يمكن الفيوز ولا شي من ولا من شيك احسن لك
:(

انشاءالله يركبون الحساسات الجديده ولاتضبط معهم وتطلع من الفيوز علشان اتوطى ببطنهم واطالبهم بتعويض لانهم عطلوا اشغالي 5 ايام :d:d:d:d

والله كلمتهم اليوم على انهم مخلصين واخذ السياره
قالوا لي القطعه ما وصلت من جده :eek:!!!! (( ياعيال اللذين تقولون لي 5 ايام بالكثير والسياره عندكم اسبوع ومعطليني عن اشغالي:( الله لا يوفقكم رد علي وقال التركيب ما ياخذ الا يوم واحد))
عاد انا بكره ابكلمه واذا قالوا ما وصلت بكلم مدير الصانه:mad: ولاسمعه كلام ما سمعه بحياته :dلانها موصله عندي لين خشمي ويمكن اخذ السياره بدون ما يصلحونها لو انهم ماطلوا اكثر

الله يعينك وبتبي تاخذ كامري عاد عبد الطيف جميل والله من الزقاقه

تلقا القطعه عندهم لا يركبونها إلى بعد أسبوع خذ ددسن أحسن لك:cool:

:d:d:d

شووف يا غالي

انا مره من المراات اشتغلت علي لمبة الارباق <<< المهم قلت خلها ولا راحت ويجي ذاك اليوم واشووف الفيوزات الا القى واحد محترق واغيره سريع سريع <<< وطفت اللمبه
ومره ثاانيه ولعت اللمبه شفت الفيوزات لقيتها سلييمه<<< المهم كنت وقتها توني ملمع تلميع داخلي

وفاكين المراتب<<< واثرهم ما شبكوو السلك حق المرااتب حق الحزام <<< شيك علييه يوم شبكته وطفيت السياره وشغلتها الا طلع ولا احسن منه <<<وطفت اللمبه اقول قبل لا تصلحها شوف الي قلت لك علييه <<< ممكن الفيوزات شيكوو عليها الوكاله <<< بس السلك الي تحت المراتب هو الي يبيله تشبييك عليه

لا ياخوك الكامري سبوها لي سب ووكيلها طلع ازحف من عبدالله هاشم وشكلي ابطلع اكورد سبشل 2009
وبالنسبه للايرباقات كلمت الوكاله وقالوا انهم شيكوا على الفيوز وهو مو سبب الخراب ويقولون انه بالكمبيوتر لقوا انه الحساسات خربانه !!
وتصدقون سيارتي عندهم لها اكثر من اسبوع وكل يوم يقولون القطعه ما وصلت من جده !!!!
والله ما ادري وش اسوي فيهم :mad:

ابشركم طلعت السياره اليوم بعد ما ماطلوني اسبوع ويومين :mad:
وغيرو القطعه unit assy .srs
,والله يعيني :d

طيب الحمد لله

بس والله لطعه

الحمد لله انهم بس اسبوع ويومين :d

تحياتي لك ;)

خلاص ياشباب طلعت اكورد 2009 لولوي سبشل

على البركة اخوي عزيز يعطيك خيرها ويكفيك شرها

على البركه والله يعطيك من خيرها ويكفيك شرها