للجميع بلا استثناء خيال أم واقع !!!
السلام عليكم ورحمة الله وبركاته ،،،
بركة الشهر على الجميع الله يعينا على صيامه وقيامه ...
واسف على الانقطاع لكن غصب عني :(....
الموقف:
في هذا الصباح الباكر المليئ بالحيوية والنشاط .... صحيت كالعادة الساعه7.20 قمت اغسل وجهي واطلع اشغل السيارة وارجع البس الثوب والشماغ واشيل عفشي اقصد الاب توب والبوك وجوالين :d زين & الاتصالات ...
وانا ماشي بالسيارة شيكت على الجوال الا فيه رساله :confused: ياهوه الرجال ذا عزيز وغالي وش الي خلاه يرسلي ذا الوقت :eek: قلت خير ونفذت الي في الرسالة (اول ماتصحى دق علي) دقيت عليه ...
انا: السلام عليكم
الرجال: وعليكم السلام
انا: اخبارك يا الغالي عساك طيب وين الناس
الرجال: والله موجودين انت كيفك
انا: تمام
انا: امر وش تبي لمن ارسلت ؟؟
الرجال: والله سلامتك بس انت متى تفضى ...
انا: ؟؟!!!
انا: عادي يا الغالي بطلع الساعه 1 من الدوام وبعدها فاضي الى الساعه 4 ...
الرجال: اوك متى مافضيت دق علي
انا: ابشر...
وانا في الدوام والله العظيم انشغل بالي قلت ياولد لايكون يوم دخلت مقهى نت نسيت مامسحت الملفات واحد دخل المنتدى باسمي وكتب شي شين !!!! لا لا يمكن في احد زعلان علي والرجال يبي يصلح >> في بالي شخصين عزيزين غير هذا الشخص الي كلمني ...
المهم الساعة 1 بنشت وطلعت ..
اتصل مرتين او ثلاث مارد !!؟؟؟
رحت انام الى الساعه 4 العصر واصحى واصلي والبس واتمشى الى الدوام قبل ادخل قلت خلني ادق ..
دقيت رد :d
انا: سلام وين الناس
الرجال: ههههه شكلي اشغلتك يوم قلت ابيك في سالفة ههه
انا: اي والله اني افكر فيك ..
الرجال: بعدين اكلمك
انا: اوك
امممم وانا في الدوام وانواع الازعاج ومكان مافيه ارسال بس دق الجوال >>اتكلم جد :eek:
الا وانا في هذا الرجال :d ...
وجلست اكلمه الين جيت مكان فيه ارسال وضح صوته ..
الرجال: وينك ؟؟
انا: في الدوام
انا: اقول تراك اشغلتن :d اختصر وش تبي >>>منشدة اعصابي
الرجال: انا في الخميس
انا: وش الخميس :confused:
الرجال: ههههه انا عندكم في الخميس
انا: اقول بلا بكش عطني العلم
الرجال: والله اني في الخميس وابي اقابلك قبل امشي لاني زرت جدي هنا تعبان وبمشي
انا: حدد موقعك
الرجال: مستشفى القوات المسلحه ... عطني وصف مكانك واجيك
انا: (انلحست ومكذب وحسيت اني موسوس) من غبائي اعطيته الوصف:mad:
الرجال: طيب بجيك
انا: تعبان من ظهري وتوي ماخذ علاج وشافني المشرف :d قلت يولد العذر ياطويل العمر انا ظهري يؤلمني :d بروح ارتاح قالي الدكتور كذا وش رايك ؟؟ قال المشرف خذ راحتك بس لاتنسى الدوام بكرة ترى بيتغير عشانه رمضان قلت ابشر ...
وامشي مليون الى السيارة واتصل على الرجال :d ..
انا: وينك؟؟
الرجال: باقي توي طالع من المستشفى ..
انا: جايك خلك مكانك
الرجال: ياولد الدوام لاتجي بجيك يمين يسار
انا: جايك جايك اصلا ماقمنت اطلع
وادززززز 140 الى 160 الى 180 على حسب اتوقع ثلث ساعة وانا عنده او اكثر شوي
جاني اتصال اشوف الا وهو الرجال :d
انا: هلا
الرجال: وينك ؟؟
انا: قريب منك
الرجال: انا عند مطعم السنارة ومكتبة العبيكان
انا: جايك يابويه
وصلت المكان الا على طول شفت الؤلؤه الثمينه ( بسم الله ماشاء الله )
نزلت ونزل ونزل واحد ثاني معه الا بديت احس ان الوضع كذب *كذب !!!!!!!!!!؟؟؟؟؟؟؟؟
طلع الثاني اخوه اسمه سعد بس يعجبكم لكن ماهو حق خرابيط على قولته :p يقصد (النت)
واسلم عليه قسم با الله ماني مصدق لكن الرجال مستعجل مررررررره الله يوصله بالسلامه
ونمشي ابي ادلهم على طريق بيشه وتعبتهم معي وعلى الطريق وقفنا عند كشك وجلسنا شوي واخذنا والله ما ادري وش اسمه لكن قسم با الله ان ذوق الرجال رووووعه لكن اخوه راعي كامري ماعليه شرهه خذا نوع ثاني :p هوت دوق :d >>> امزح الله يستر لا اتصفق منك ياسعد
وكملنا مسيرتنا ابي اطلعهم من زحمة الناس والغثى الي يطق النفس ...
لكن ياخسارة ضعت حتى انا بس الحمدالله اندليت بسرعه :d
وصلنا للطريق المقصود وقفو وسلمنا على بعض :(
قسم با الله اني ماقد حزنت على احد مثلهم :( لا الوالد ولا اخوي ولا اي انسان الا هو وخوه بالرغم ان جلستنا ماطالت اتوقع لو جمعنا الوقت كله بيجي 30 دقيقه او اقل بعد
ومسكو الخط رايحين جده عشان ينزل سعد وبعد يكمل محمد لينبع :( الله يوصلكم بالسلامه يا الغالين ..
وسامحوني على الطمير لكن ماني مصدق واعصابي مشدودة الى درجة اني حسيت اني بنجلط من جد والله :(
هذي السالفة الليلة صارت مع الغالي B Unique والغالي سعد شقيق B Unique :(
وبعد ماراحو ماستوعبت الا لمن وصلت البيت واستهديت با الله :(
يا الا هذي السالفة صارت واتمنى اني وفقت في نقلها على اكمل وجه ...
الله يجمعنا على خير وفرصة احسن وبيض الله وجهك والله انك وفي يا بو حميد تنازلت ودقيت علي بالرغم انك مستعجل ما اقول الا الله يحفظكم بحفظه :( ...
accord05
