عرض للطباعة
/////////////////
السلآم عليكم
شباب كيف اموركم .. ان شاء الله بخير
كل عام وانتم بخير وصحة وسلامة
المهم ///////
يا إخوان انا نويت اركب بواجي رياضية + هدرز
بس ياااااااااااليت من كل قلبي توضحون لي وين ممكن احصلها في [ جدة ] .. ؟
وكم سعرها
وهل تضر بالمكينة والا لا
لا تبخلوا علينا بالاجابة الشافية
وللعلم اخترت هذا الموقع لأن عشقي أكورد
ولتجميع المعلومات اكثر وبتركيز اكبر
شاكر لكم وقتكم
هلا اخوي
بالنسبة لمكان البيع في جدة فانا ما عندي خبرة الصراحة لاني من الشرقية
لكن بالنسبة لمضار الهيدرز انه اذا ما تركب عدل ( صار فيه تنسيم ) راح يقل من عزم السيارة و بيطلع منه صوت غبي
اما اضرار البواجي اذا ركبت بواجي ما تتحملهم المكينة او اذا تركبوا غلط راح تودع جير سيارتك ( عن تجربة )
انصحك بعدم تركيب البواجي الصراحة لان حتى بتركيبهم ما راح يفرق العزم شي يذكر و بتبقى على اعصابك منهم
اما الهيدرز فانصحك به و لو يكون سيستم كامل يكون افضل
القرار الاخير لك
تحياتي ;)
أهلين حبيبي ...
كل عام و انت بخير و ينعاد علينا و عليك بالصحة و العافية :) .
أما موضوعك و استفساراتك .
بالنسبة للبواجي أنسى موضوعها :( , فما راح تفرق معاك كثير بالعزم و إذا اتركبت غلط راح تسويك مشاكل منها القير و يمكن تدمر لك البلوك حق المكينة هذا غير الأجزاء إللي داخل المكينة إللي راح تودع , فالأحسن أبعد عنه و هو ما راح يفرق إلا على الـ 6 سلندر و انت طالع أما الـ 4 سلندر فالفرق ضئيل و يكاد لايذكر .
بالنسبة للهيدرز , فأنا مثلك و للآن بأبحث عن محل يبيع هيدرز ممتاز للأكورد في جدة لكن للأسف ما في كل المحلات لما تسألهم عن الأكورد يقولك في فيابر و في شمعات و من هذي الحاجات :mad: ...... فاهتمام المحلات عندنا بالنسبة للأكورد مجمله على الشكل الخارجي للسيارة فقط :( .
الهيدرز بالنسبة للأكورد 4 سلندر يجي تفصيله على طريقة 1-2-4 و هذه الأرقام تعني :
4 مخارج من المحرك , 2 ( مخرجين ) من الأربع مخارج أو مايسمى برقبة الهيدرز أو الكُوع , 1 المخرج الأخير للإكزوز ( و هو موجود فقط في الهيدرز اللونج و هذه القطعة من الهيدرز هي التي تحل محل دبة الرصاص ) .
جميع الهيدرزات في جدة شورت و ليست لونج :( .
الهيدرز بيعطيك قوة تقدر بين الـ 15 و الـ 20 حصان بدون مبالغة لأنه فعلا أقوى قطعة في التعديل بالنسبة للمرحلة الأولى :cool: .
فوائده :
يريح المكينة و يرفع عنها الضغط إللي كان موجود من الهيدرز القديم و من دبة الرصاص فراح تشوف السيارة تفلت معاك خصوصا في الخط .
مضاره :
ما في مضار تذكر على الهيدرز لكن يمكن إذا أتركب غلط راح ينفك اللحام تبعه و يصر العزم تعبان و راح تلاحظ تغير في صوت السيارة .
بالنسبة لك ...
إذا إن سيارتك أكورد 4 سلندر موديلات 03 - 07 فسوي الأشياء التالية ( مثلي ) و راح تنبسط إلين نشوف هيدرز محترم و كويس :) .
ركب إنتيك و فلتر و هذا ينباع في جدة عند محل يوسف ( بلاك لاين ) في حي النهضة و اشتري منه الإنتيك بس و لاتاخذ الفلتر و سعر الإنتيك بـ 250 ريال فقط :cool: .
روح بعدها للسيارة الرياضة إللي في مركز الحفني بالتحلية أو محل 3C عند تقاطع شارع صاري مع طريق المدينة و خذ منهم الفلتر الرياضي K&N بمقاس الفتحة 2.5 إنش و سعره 350 ريال :cool: .
إذا لقيت مروحة التورنيدو ركبها , أنا ركبت النوع الأمريكي منها و فرق معاي فرق حلو ( أقل شي 3 أحصنة ) و سعرها بـ 150 ريال بس نادرا إذا حصلتها :d .
كنداسة رياضية و أنصحك بالـ MAGNAFLOW رائعة و صوتها رايق و نفس شكل كنداسة الوكالة بس نيكل :d . و سعرها أعتقد إنه بـ 750 ريال و في عندنا إثنين مركبينهم على أكورد 2005 و 2008 لهم يمكن 6 شهور و مرتاحين معها :) .
ركب الحاجات هذي إلين نلاقي حل مع الهيدرز , في محلات تفصل مثل ورشة FOX بالصناعية لكن أسعارهم غالية :( , يعني أنا سألتهم و قالولي يكلفك إكزوز مع هيدرز 4800 ريال مع التركيب و الكنداسة :eek: و الله غالي و ما يسوى لكن , حمزة تيربو يسويها بـ 3500 ريال لكن للأسف ورشته مقفلة اللحين :( .
شوف أنا عندي أكورد 2006 , مركب إنتيك SPW شورت و فلتر الـ K&N و كنداسة رياضية DNX و مروحة التورنيدو الأمريكية و كل هذ الشغلات أعطتني تقريبا ( حسب ما قرأت و حسب أصحاب المحلات )
الإنتيك مع الفلتر 7 أحصنة و الكنداسة 5 أحصنة و المروحة 4 أحصنة يعني الشغلة كلها بـ 16 حصان زيادة :cool: .
إجمالا يعني قوة سيارتي حاليا 187 + 16 حصان حق القطع = 203 أحصنة , خليها 200 حصان . ما هي حلوة ؟ :d .
و الصافي , قوة السيارة 174 حصان + 16 حصان حق القطع = 190 حصان :cool: .
للعلم أمس متقاوم مع أكورد 2008 مركب إنتيك فلتر و هو أول أكورد مسوي هالشغلات و في القومة مع بعض لكن أول ما شبكت الثاني بدأت أطلع عليه ;) .
أتمنى ما أكون طولت عليك و تكون إنشالله فهمت علي .
^^^^
ماشاء الله عليك :cool:
والله حمستني من جد :)
Accord 08
أشكرك جداً ع ردك وما قصرت .. !!
ـــــــــــــــــــــــــــــــ
ACCORD 764
بيض الله وجهك وما قصرت .. وبإذن الله اسأل عن هذي القطع في المحلات الي ذكرتها .. !
بس متخووف جداً من مسألة الفلتر .. ) :
شكراً لك
ــــــــــــــــــــــــــــــ
Pink Dream
حياك بمرورك .. ( ؛
والله ياخوي انا انصحك بالفلتر لانو راح تفرق معاك السياره وماراح انشالله يضر بالمكينه لانه مجرد دخول للهواء وخذ كلام من مجرب والاتنيك ركب على اكوردات من 2005 الين 2008 وكلهم مبسوطين عليه ومافي احد ماقال انو مافيه فرق وخصوصا ترى الصوت حمااااس:cool:واي استفسار رساله على اخونا خالد وانشالله راح يفيدك
بالنسبة للهيدرز نسيت أوضح شغلة مهمة ...
الهيدرز المصنوع من السيراميك أفضل من المصنوع من الستانلي ستيل ;) .
السبب :
السيراميك يعزل حرارة أكثر من الستانلي ستيل و بالتالي عزم أفضل و حرارة أقل . و الأفضل لو تشتري الـ RAP إللي هو عازل الحرارة عن الهيدرز و يكفي للأكورد لفة واحدة و سعرها بـ 150 ريال :cool: .
.
.
.
مشغوووووووووووووووول صح :mad:
ابغى افضى يوم واحد بس ,,,, واروح اشتري الفلتر والانتيك ,,,
معزم ,, معزم ,, الله لا يعوق بشر
ميدو مشاكل :
يوم تفضى بس أعطيني ألو , أنا فاضي من الساعة 10 إلين الفجر ما عندك مشاكل ;) .
و شغلة الإنتيك , إذا جيتني و معاك الفلتر فأنا أضمن لك إن الشغلة ما راح تاخذ حتى ساعة واحدة بس :) .