سعر اللوحة الطويلة يقفز من 50 الى 100 ريال

اليوم وصيت نسيبي بالمرور يضبط لي لوحة وحده طويلة لموتري 2007 علشان اركبها قدام

المهم قالي ادفع وعطني صورة الأستمارة والوعد بعد أسبوعين قلت ماعليه

طبعآ الف شكر لأخوي ابو طلال7 في النادي هنا ماقصر صار في اتصال بيني وبينه وكان يبي يخدمني من عيونه جعل الله يوفقه ان شاءالله وماقصر والله لكن مشكلتي الدوام ماعتقد اني بروح للرياض علشان كذا قلت خلني اطلبها من الدمام

المهم مالكم بالطويلة قبل يومين سددت 50 ريال حق لوحة وحده

لكن اليوم دق علي النسيب وقالي ترى النظام تغير الحين

تدفع 100 ريال وبكيفك تبي لوحة ولا ثنتين ماعاد في 50 ريال

المهم وادخل للنت مع حبيبنا بنك الرياض وأسوي استعادة للمبلغ وأسدد من جديد الا طلع صحيح 100 ومايقبل 50

وبس .. وسلامتكم

السلام عليكم ..

يا هلا فيك أخوي ،،

هالنظام أتوقع موجود قبل ،،

لأنه واحد من ربعي لما جاء يطلّع اللوحة الطويلة قدام تقريباً قبل شهر ،،

قالوا له بـ 100 ريال ،،

لكن انا لما جيت اطلعها قبل 4 شهور ، على بالي انهم ثنتينهم 50 ريال ..

لكن لما جيت عنده قال لي انت مسدد بس 50 ريال لـ لوحة وحده ، روح سدد 50 ريال ثانية للوحة الثانيــة ،،

وهيك يعنيْ ،،

ومبروك عليك اللوحة الطويلة ، ^^

..

هلا بالغالي هلا

هذا طال عمرك يقولون اول اذا تبي ثنتين بـ 100 ريال ووحده بـ 50

الحين يقولون وحده ولا ثنتين بــ 100 ريال وتوه النظام لأني يوم أسدد قبل كم يوم طلع 50 الحين اشيك بالنت ببنك الرياض طلعت 100 وماطلعت ال50 ريال

لكن كله يهون لعيون اللوحة :eek: :d صار لها عيون خخخخخخخ

والله يبارك فيك يالغالي

:confused:الي اخبره ان كل لوحه بـ50

السلام عليكم

اخوي المباشر انا قبل يومين مسدد في الراجحي على دفعتين 50 ريال لكل لوحه .. واليوم رحت المرور وقدمت الاوراق وقالولي بعد اسبوعين .
يعني اللوحة الوحده بـ 50 ريال .

كل عام والجميع بخير ،،،،،

بــســلامتــهــم أنـــا عــطــيــت الــوكــاااااااالة 200 ريـــال يـنجــزلــي الــلــوحااات ثنتينهــم والإستمــارة

اقتباس:

---

المشاركة الأصلية كتبت بواسطة وافي

السلام عليكم

اخوي المباشر انا قبل يومين مسدد في الراجحي على دفعتين 50 ريال لكل لوحه .. واليوم رحت المرور وقدمت الاوراق وقالولي بعد اسبوعين .
يعني اللوحة الوحده بـ 50 ريال .

كل عام والجميع بخير ،،،،،

---

نعم .. كلامك سليم طال عمرك انت سددت 100 ريال للوحتين وحتى لو طلبت لوحة بيقولك 100 ريال

الحين يقولك تبي لوحة ولا لوحتين كلها بـ100 ريال اول اذا تبي لوحة وحده بـ 50 ريال :rolleyes:

انا قبل ثلاث اسابيع تقريبا قدمت على اللوحة الوحدة بـ 50 ريال
يعني النظام توه جديد
بس اللوحات لسة ما وصلت؟
اخاف اراجعهم يقولون ادفع حق النظام الجديد :(

اقتباس:

---

المشاركة الأصلية كتبت بواسطة اكوردياني

انا قبل ثلاث اسابيع تقريبا قدمت على اللوحة الوحدة بـ 50 ريال

يعني النظام توه جديد
بس اللوحات لسة ما وصلت؟

اخاف اراجعهم يقولون ادفع حق النظام الجديد :(

---

مااعتقد يطلبونك الفرق شكل اللوحات جاهزة وخالصة بس شكلة بريدهم النايم للحين ماطلع

انت قدمت وحده بس ؟؟

طيب يا حلوين

انا سيارتي ماخذها عن طريق بنك هل اقدر اني اقدم المعامله بنفسي لانه اصل ملكية السياره معهم وانا معي بس صورة منها بالاضافة الى اصل الاستماره
واذا اقدر كيف السداد راح يكون يعني ايش الرقم الا ادخله

وشكرا

اقتباس:

---

المشاركة الأصلية كتبت بواسطة goldin Accord

طيب يا حلوين

انا سيارتي ماخذها عن طريق بنك هل اقدر اني اقدم المعامله بنفسي لانه اصل ملكية السياره معهم وانا معي بس صورة منها بالاضافة الى اصل الاستماره
واذا اقدر كيف السداد راح يكون يعني ايش الرقم الا ادخله

وشكرا

---

هذا طال عمرك مايفيدك الا اهل المرور او اللي قدم قبل على اللوحات

وبخصوص السداد لازم تاخذ الرقم التسلسلي من المرور علشان تقدر تسدد

لو السيارة بأسمك كان انحلت سالفة الرقم التسلسلي برسالة

بس انت حاول تشوف رقم الحاسب لشركة عبدالله هاشم بالأستمارة

واكتب رقم اللوحة برسالة من جوالك مع رقم الحاسب وارسلة على 88905

مثلآ

ي ي ي 111 123456789

طبعآ مسافة بين رقم اللوحة وبين رقم الحاسب وبتجيك رسالة فيها المطلوب وسدد بالصراف وروح جرب حظك قدم بنفسك واذا عندك تفويض بقيادة السيارة مااعتقد بردونك

السلام عليكم ............
انا ياخوي قبل اسبوع مقدم على لوحتين طويله ودفعت على كل وحده 50 ............
يعني اللوحه بـ خمسين مش بـ 100 ....

اقتباس:

---

المشاركة الأصلية كتبت بواسطة civic 008

السلام عليكم ............
انا ياخوي قبل اسبوع مقدم على لوحتين طويله ودفعت على كل وحده 50 ............
يعني اللوحه بـ خمسين مش بـ 100 ....

---

وعليكم السلام ياهلا

كيف حالك عساك مبسوط بس

ياحبيب قلبي انا اقولك صحيح قبل انا بنفسي سددت 50 ريال ولكن بعد ماعلموني ان السعر تغير سويت استرجاع للمبلغ وكان في الرياض نت يقبل 50 للوحدة او 100 للثنتين

لكن بعد ماسويت استرجاع للمبلغ وجيت اسدد مره ثانية ماطلع الا 100 ريال يعني انسى موضوع 50 على لوحة وحده

عاد ماباقي الا واحد شغال بالمرور يجي ويعلمنا وش موضوع التغيير بالسعر علشان نتأكد مضبوط

يابو الشباب000
انا مطلع الاكورد من شهر12-2007
ومن يوم طلعتها قدمت على اللوحة الطويلة واخذوا 100 ريال000
يعني من اول هذا سعرها000الظاهر انت فاهم غلط

وكل عام وانتم بخير

وش فيكم شباب الظاهر الصيام مأثر...

إذا معك 50 ريال وتبغى لوحة وحدة مافيه...لازم تدفع 100 ريال سواء وحدة وإلا ثنتين...

هذي التسعيره جديدة...

الظاهر الكلام واضح..

اقتباس:

---

المشاركة الأصلية كتبت بواسطة simsim1

يابو الشباب000
انا مطلع الاكورد من شهر12-2007
ومن يوم طلعتها قدمت على اللوحة الطويلة واخذوا 100 ريال000
يعني من اول هذا سعرها000الظاهر انت فاهم غلط

وكل عام وانتم بخير

---

أشفيك معصب وانا أخوك

وانت بخير وصحة وسلامة يارب

وترى النظام ابو 100 ماهو من اول .. توه جديد

اقتباس:

---

المشاركة الأصلية كتبت بواسطة C I V I C 2006

وش فيكم شباب الظاهر الصيام مأثر...

إذا معك 50 ريال وتبغى لوحة وحدة مافيه...لازم تدفع 100 ريال سواء وحدة وإلا ثنتين...

هذي التسعيره جديدة...

الظاهر الكلام واضح..

---

يعطيك العافية يارب

كلامك صحيح وهذا اللي صار معي دفعت 50 بالرياض اون لاين وبعدها الربع في المرور قالوا تبي وحده ولا ثنتين ادفع 100 ريال قلت كيف السالفة 50 ريال مابي الا وحده وقالي ردد ياليل مااطولك ادفع 100 وبكيفك تبي عروسة ولا ثنتين لك الاختيار قلنا امرنا لله 100 وعروسة وحده بس

وسلامتكم.. خلوني اهذر شوي اضيع الوقت لين يقرب وقت الفطور :d

ليش أكثركم يقولون أنه يبغى لها
أسبوعيييين أنا يوم سويتها اللوحة حقت
سيارتي ما أستغرقت 24 ساعة

اقتباس:

---

المشاركة الأصلية كتبت بواسطة همام 2008

ليش أكثركم يقولون أنه يبغى لها

أسبوعيييين أنا يوم سويتها اللوحة حقت

سيارتي ما أستغرقت 24 ساعة

---

يارجال عندنا بالشرقية يرسلونها للرياض وتاخذ اسبوعين ويمكن اكثر بعض المرات بس اذا تسويها من الرياض تقدم الصباح والظهر تستلمها

مظلومين اهل الشرقيه ليش كل التأخير على لوحه :mad: