عرض للطباعة
السلام عليكم
إخواني أعضاء المنتدى الأعزاء
جاء القدر وصدمت بسيارتي الأكورد 2007 :eek:مع الامام مع اليمين ورحت ووديتها الوكالة وقالي تغيير الصدام مع الرفرف الايمين مع السمكرة ورش البوية يجي قيمتها حوالي 3000 ريال مع الضمان لمدة سنة :o
شباب وش رايكم في السعر هل هو مناسب للسيارة؟ :confused:
وهل تنصحوني بالتصليح لدى الوكالة أو الورش؟:) طبعا ان ساكن غرب الرياض
وهل فيه ورش جيدة تنصحوني بها ؟ :)
اخوي .. الحمد لله على السلامة اولاً واخيراً ...
الله لا يهينك .. حط لي صورة للسيارة ..
وخلك من كلام الوكالة ..
ومالك الا اللي يخدمك ... انا حولك بغرب الرياض ..
بس حط صورة عشان اعرف مدى سوء الوضع ..
والله شووف يا غاالي
الوكاله نصب واحتياال
<<<ضربة دراهم وهي في النهايه <<< بيغيرونها لك تغير وبيعدلوونها لك
الاهم من هذا كله الي هو لون البويه يعني <<لو حطيتها برا دور لك واحد يضبط لك لون البوويه عشاان تصير متناسقه ولا تبين الصدمه
اما بالنسبه للوكاله انا اقوول غاليه عليها 3000<<< وهي تغير صدام ورفرف اطلع برا وشوف الورشات وعلى حسب كلام الشبااب
فيه ورشة الجنوب يمدحونها اكثر من واحد
هذه صور سيارتي
http://up.stop55.com/upfiles/Ew414598.jpg
http://up.stop55.com/upfiles/b9p14770.jpg
http://up.stop55.com/upfiles/z9Z15744.jpg
http://up.stop55.com/upfiles/YZd15803.jpg
وللمراسلة الفورية على الماسنجر هذا إيميلي sale7999@gmail.com
طيب كم ممكن تقدرون القيمة ؟
على هالصدمة كثير عليها 3000 نصابين هالوكالة :mad:
بالله ...هذي اللي يقولون 3000 !!
اسمع ... ارسل لي رقمك ع الخاص ...
الصدام تصليحة 50 ريال ويرحع وكالة ..
الرفرف اقل من 200 ريال ويرجع وكالة ..
ويبيلك ( مشقبية ) القطع هذي تربط الصدام في الرفرف .. اقل من 100 ريال وكالة ..
مع البوية والقطع وكل شي ... 500 ريال كحد اقصى في ورشة جيدة واعرفها ...
لابسيطه ان شاء الله
يعني ماتكلف عند الورش 500 - 1000 والله اعلم سمكره يعني
ومادري اذا بيطلب قطع :)
اذكر واحد صادم باب كامل حق الاوديسي حقتنا والباب كله خاش داخل وسويناه سمكره مع الصبغ بـ 600 ريال فقط
معروف اسعار الورش اقل بكثير من الوكالة اللي يدبلون السعر ثلاث مرات بإسم انك صلحت عند الوكالة ومن قدك ياعم ، لكن اخوي مالك غير الورش ، عندنا وكالة ماشاء الله سرق عيني عينك الرفرف طقطقة بسيطة خلف الرفرف من الداخل وراح تطلع الضربة على تلميع قوي وراح يختفي البياض الموجود على البويه الاصلية ، اما الصدام فتلميع على شوية تنقيط بويه وراح تكون عال العال يعني اضمن لك 80% موترك بعد كلامي هذا يضبط ويطلع اوكي يعني على كلامي هذا اللي يخاف الله راح يصلحها لك بــ100ريال ابالغ لو اقول لك 250ريال أما إذا مره مره حساس :dراح يكلفك بالكثير 1000ريال واكيد ضرب بويه مع فرن للصدام والرفرف شف لك ورشه اوكي وإن شاء الله راح توفر اقل شيء 2000ريال ، وماتشوف شر والحمدلله على سلامتك اولاً واخيراً .
تحياتي لك اخوك دحوم ،،،، ;)
والله نفس الصدمة اللي عندي نفس المكان واللون والموديل والسيارة بس تفرق حاجة الرفرف ماتشقق عندي وصلحتها تدري كم ؟؟
قالوا لي الوكالة 1500 تقريبا ..
ووديها لورشة صلحوها لي 30 ريال بس وقلت لهم عشرين ووافقوا ترى الدعوى كلها مسمار كبس للصدام وتظبط الامور
والبوية اللي على السيارة مسحوها بمزيل عندهم وتلقاه عند مغاسل السيارات .
بقولك حاجة حتى لو بان على البوية انها متقشعة ترى عادي لاتشيل هم الا اذا بغيت تبيع بس ؟
اما اذا كانت لك وللزمن فما عليك من كلام الناس الفلوس انت والاهل اولى بها من النصابين ..
الحمد لله دخلتها لورشة وقالوا لي 800 ريال ولله الحمد ولاقالوا يحتاج تغيير الصدام أو الرفرف مثل ماقالو الوكالة
لكن ياخوان الشكل ممكن يرجع زي ماكانت قبل الصدمة ولا يبين؟
والله اعتقد على حسب فن السمكري اذا فنان ما يبان ولا شي واذا مهو فنان الله يعينك ...:cool:
لو تشوفون سيارتي والصدمه الي كانت فيها .. ماتصدقون ..
بلا مبالغه أهون من صدمة الأخ أكورد 2007 بألف مره .. وحتى لو ماصلحتها ماتبين الا بالتدقيق ..
والله العظيم اني صلحتها بالوكاله ب 6990 ريال :eek:
لكن مال عمك لايهمك :p
أسمع يالغالي الرفرف إذا تبي موترك كأنه جديدأشتره من التشليح نفس اللون
والصدام صلحه عند الفيبر و(رشه) في ورشه وأنا أعرفلك ورشه في الشفاء شغل مضبوط أسمها ((الجرفين))
بما ان الموضوع على وشك الانتهاء ...
في شي بخاطري ودي اقولة ..
ممكن تركب الطيس !!
اول شي الحمد لله على سلامتك والحمد لله انها ضبطت..اقتباس:
المشاركة الأصلية كتبت بواسطة كوكو كورد
ثاني شي من جد ليتك تركب الطيس..<<ناس ملقوفة..:d
اقتباس:
المشاركة الأصلية كتبت بواسطة كوكو كورد
ياحبيب قلبي سيارتي جنوط مو طيس
وأبشركم طلعت سيارتي والحمد لله من ناحية الشكل رجعت على زي أول
السلام عليكم ورحمة الله
كل عام وانتم بخير
حصل معي اقل من مشكلتك بشوي
حصل لي مثل ماحصل لصدامك من سنتين على اكورد 2006
بعد ما طلعتها بشهرين وابد مريت اقرب ورشة وشديتها بمسمار والى يومك ولله الحمد تمام 100% ولا رشيته رغم ان اللون ابيض وانصحك سو الرفرف والصدام لاتغيره اذا فيه مثل اللون حط علية والرائ لك
اللهم اجعلها اخر الحوادث لك و لجميع اعضاء المنتدى
الحمدلله على سلامتك
عارف إنو ردي مررررررررة متأخر
بس توي شفت الموضوع
سارتلي نفس هذي الصدمة
أختها بس من جهة السواق و رحت الوكالة قالولي
الصدام ب 740 ريال و
الرشة ب 700 ريال:confused:
وديتها عند واحد سمكري و سوتها ب 500 ريال
و أصرف من الوكالة ب60 مرة
اللي أبغى أقلك هوا
زين إنك ما صلحتها في الوكالة
و ربي يجعلها آخر الأحزان:d
شكرا لكل من شارك بالموضوع