عرض للطباعة
السلام عليكم
السؤال اللي محيرني ليش الوكاله هذي اللي التشييك فيها بفلوس يعني كل ما رحت تشيك في الخمسه الاف يأخذون منك 200 ريال غير حق الزيت لا واذا جيت عند العشره الاف يأخذون منك 350ريال طبعا غير الزيت وغيرها وكل ما مشت سيارتك اكثر كثر فلوسك لهم تزيد ما تنقص ولا تثبت لا وغير شغل اليد اذا بغيت تغير الفحمات او غيرها
ليش هذي الوكاله بس مو مثل الوكالات الثانيه تشييك ببلاش ويدللونك اذا حطيت سيارتك عندهم انتر نت وبلياردو وعد وغلط بس هذي الوكاله قطعتين كنب وترمس شاهي وجريده حقة اليوم ويمكن ماتحصل شي .
وعليكم السلام ورحمة الله وبركاته
رجاءً ضع أسماء الوكالات الأخرى التي لاتأخذ نقوداً جراء فحص العشرة آلاف ومايليها وماتحمله من مميزات أخرى..
يا مهجدهم يا أبا المهند ..
اقول واضح انك تقصد وكاله - عبداللطيف جميل - طيب .. أنا أجيهم بلكزس مب تويوتا ..
وياخذون على في حدود 490 مهوب 350 يعني احمد ربك وخلك ساكت ..
صحيح - عبدالله هاشم - غالين .. بس مهوب ترا ذاك الغلا .. خصوصا من ناحية الزيت والفحمات ..
ولكن من ناحية .. الرش والسمكره والتركيب .. هالشي الصراحه أنا أبتعد عنهم من هالناحية ..
لأن سعر التركيب صراحة أغلى من القطعه نفسها .. وسمكرتهم ترا مب ذاك الزود ولا حتى الرش ..
وخالي مجربهم .. - 2007 V6 - سمكره فاشله و وزن فاشل .. وربك يسهل
السلام عليكم
انا اقصد عبداللطيف جميل يا ابومهند
بالنسبه للأخ civic 98 انا جربت وكاله عبداللطيف في سياره كامري مو لكزس وما فيها كلام في الصيانه والسمكره (افضل من عبدالله هاشم ) وترى سيارتي كامري وبالنسبه للكزس ما فيه افضل منه طبعا اللي في المرووج وعلى العموووم افضل وكاله لعبداللطيف اللي في المرووج
وبالنسبه للقطع ما فيه اغلى من هوندا شف الفحمات الاكووورد بكم والكامري بكم والفلتر الهوى والزيت بكم فرق في السعر
^^^^^^^^^^^^^^^^^
أخونا في الله .. مين قال قطع هوندا غالية .. والله كل شي رخيص فري متش ..
الفحمات 4 مع التركيب 405 ريال .. والصدام الأمامي 426 ريال ..
والزيت والسيفون .. 5 علب وسيفون 85 ريال ..
وين الغلا فيه بس .. ؟؟
اخوي اول شي هد اعصابك
وكلامك في الفحمات متى سعرها 405 ريال طبعا انا اتكلم عن الاكوووورد 600 ريال
وعلى القطع الثانيه السيفون الزيت كان بكم وهالحين بكم وفلتر الهوى بكم
انا اتكلم عن شي صار معي
الله يعطيك العافيه
والله ياشباب اكثر الوكالات تاخذ عليك قيمة التشيك ولوقلت وش شيكتو ايقولون كل شي تمام وبيني وبينكم مشيكو شي بس افتحو الكبوات ويناظر ويقول اكويس هذا الي عرفينه منهم
:confused:
والله أسعار قطع الغيار ناااااار أجل شمعه أماميه 650 وين رخيص معه
والفحمات أنا أركبها في ورش قدام وورا 430 والوكاله 600 والله غاليه
خلها على ربك
^^
صدقتَ
هوندا فحص الـ 50 الف وطالع بـ 550
نيسان فحص الـ 40 الف بـ 800 ريال
:)
وبعدين يالغالي الـ 550 هذا شغل اليد في شغلات اذا سويتها برا بياخذون عليك اكثر
ولاتنسا ان شغل الوكاله عليه ضمان
لذلك سألت من البداية، شركة عبد اللطيف جميل لاتقارن مع شركة عبد الله هاشم، للأسف هذه مشكلة يقع به كثيرون غيرك:
- أولاً شركة عبد اللطيف جميل أكبر برأس المال بأضعاف شركة عبد الله هاشم.
- شركة عبد اللطيف لديها أسهم في شركة تويوتا الأم.
- شركة عبد اللطيف جميل لاتكتفي بوكالة هوندا لتربح، ماشاء الله أنشطة شركات عبد اللطيف جميل لاتعد ولاتحصى.
- شركة عبد اللطيف جميل لو توقفت عن وكالة تويوتا فإنها ستبقى بقوتها بإذن الله (لأن لها الكثير من الشركات الأخرى)، يعني تيوتا مو إعتمادها الوحيد.
بعد ذلك لا أرى مجالاً للمقارنة بينهما أصلاً بأي شكل، لكن بإمكانك أن تجد لي وكيل آخر لا يأخذ أسعار على الفحص كما تقول ولديه خدمات البلياردو وما إلى ذلك! :),,
أنا عن نفسي جربت فعلاً ثلاثة وكلات أخرى غير هوندا ولم أجد الفرق الكبير، بل بعضها كان لها أسعار قطع أغلى من الهوندا وغير متوفر لا التجاري ولا الياباني، ولي إبن خالة عمل في الصيانة لدى أغلب وكلاء السيارات في السعودية وهو الآن في هوندا (مدير) وبالرغم من ذلك أكد لي أن جميع الزبائن يستمتعون بنقد الوكالات أياً كانت، ولم يجد إلا القليل المقتنعين بالخدمة، يعني ياصديقي الحال من بعضه :) لكن نتمنى لشركة عبد الله هاشم المزيد من التطور..