وش المطلوب اغيره في صيانة الـ 100000 الف

السلام عليكم ورحمة الله وبركاته ...

انا وصلت الحين لـ 100000 الف وماني عارف وش اغير

ابي احد فيكم يفيدني وش اغير في صيانة السيارة

يارجال مشت 111000 ولا سويتلها صيانه

وأنا أنت ملزم على الصيانه رح للوكاله وقلهم صيانة 100000

انا ما ابي اروح الوكالة والله بيدحوني ذبح بس ودي واحد يقولي حاجات اساسية مثل السيور والبواجي ومثل هذي الاشياء اتمنى منكم الافادة

للرفع

وعليكم السلام ورحمة الله وبركاته

اخوي لو كلفت نفسك شوي وفتحت دليل المالك حق السيارة كان لقيت كل اللي تبيه
لكن مشكلة الشعب السعودي انه ما يقرا !!

:rolleyes:

المهم هذي اهم الاشياء اللي يبيلك تغيرها او تفحصها كل 100 الف كيلو :

تغيير زيت المكينة + الفلتر
تغيير فلتر الهواء
تغيير فلتر البنزين
تغيير البواجي
وزن البلوف
تنظيف البخاخات
تغيير سير المكينة (لمحركات V6 فقط)
فحص طرمبة المويه (لمحركات V6 فقط)
فحص السير الخارجي وتغييره ان لزم
فحص موية الراديتر
تغيير زيت القير
فحص فحمات الفرامل الامامية والخلفية وتغييرها ان لزم
تبديل الكفرات بشكل X

وسلامتك

^^^

اذا مريت على الشغلات هذي وضبطت كل شي
ان شاء الله ترجع سيارتك مثل الجديدة

;)

يسلمووووو هذا الكلام اللى نبيه

حبيبي يمكن تهرب المكينة زيت عاادي , لان صوفة المكينة لازم تغيرها , فقط ب30ريال , والتركيب ب200 ريال

أنا يوم مشت الاكورد مائة الف هربت المكينة , وعلى فكرة الاشياء الي فوق قبل المائة الف مثل زيت القير وفلتر البنزين يعني 70او 60 والبواجي 40 والسير(السيور) لازم تغيره.

سلام