تفتيش على نهاية الجسر

السلام عليكم

نبارك لكم هذه الليالي العطره وهذا الشهر الكريم جعلنا الله من الموفقين لصيامه وقيامه وعتقائه من النار

القصه ومافيها أن Accord-se حصل على قسيمة إشتراك أو مايسمى مخالفه

وإليكم التفاصيل

ياطويلين العمر وانا راجع من الدوام وعلى الساعه 1 بعد منتصف الليل ولم يبقى من المشوار غير 14 دقيقه لأصل للبيت

وإذا بنقطة تفتيش على نهاية الجسر الجديد الذي يربط بين كرنيش القطيف مع جزيرة تاروت

لاتوجد وسيله للفرار السيارات من خلفك و العسكري من أمامك ولا يوجد اي مخرج

إلى ان وصلة عند النقطه المشؤومه وإذا به يقول الرخصه والإستماره

تفضل

وقف على جنب

ذهبة للعسكري راعي الكوريلا السودا (عدادها كان 3,460 كيلو جديده) وإذا به جالس يكتب المخالفه

سلامات:eek:

يقول مركب انوار زينون

اقول بس في سيارات وكاله فيها زينون :confused:

يقول انوار الزينون مخالفه ... (قول تبي تخلص الدفتر):mad:

كانت نهاية تعيسه ليوم جميل فهذا الجسر ليست المره الأولى يكون فيه نقطة تفتيش ولاكن هذه المره الأولى بالنسبه لي يجيك واحد ويقولك مخالفه زينون

يعني عمري ما أخذت مخالفه لاقطع إشاره لا سرعه لا هروب من نقطة تفتيش لا عدم حمل رخصه لا تضليل لا ركوب فوق رصيف وفي النهايه يجيك العبقري ويخرب الدعوه

فا نناشد أهل الفزعات وجمعية الدفاع عن الزينون بحذف المخالفه وللحصول على رقمها راح ارسلها على الخاص

الصراحه أواسيك من كل قلبي يا accord-se

ذكرتني زمان كنت نظامي والماضي عندي نظيف الا ان جاء اليوم اللي اخذت فيه مخالفة عدم تجديد الفحص الدوري >>>> يعني اصوم اصوم وافطر على بصله :mad:

بعدها خربت الدعوه لان الماضي خلاص فيه نقطه سوداء وماعاد تفرق بعدها :(

الحين انواع المخالفات بجميع الانواع >>>> بس توها ماجتني مخالفة الزينون :d

الله يعينك

من جد المخالفه ذي مصخرررررررررررررررره بقوه ومثل ماقلت يبي يخلص الدفتر عشان ياخذ اجازه


ودي اخدمك من عيوني و والله لو اعرف احد بالمرور ماقصرت معك لاكن للاسف وانشالله اعضاء هوندا يسنعونك

الاخطبوط .. حياتي كلها اكورد

يعطيكم العافيه والله يبعد عنكم شر المخالفات :rolleyes:

ويكفي تواجدكم بالموضوع

هلا وغلا ...


الله يعينك اخوي بس هل المخالفة غريبة ...


بعدين عندي سؤال كم قيمة المخالفة وردلي ولا عليك امر ؟؟

.

الله يكفينا شر هالمخالفات :(

أجل لما يخلص الدفتر يعطوه إجازة هاه ؟؟

وانا قبلك accord se عطوني مخالفه على الزنون وموجوده عندي الى الحين واللا انا بالعاده اذا اخذت مخالفه اشقها قدامهم <<<<<<< وش عنده القوي بكره بتطيح في واحد قلق