الى الخبراء بالاكورد؟؟؟؟؟
السلام عليكم .....
اولا انا عندي اكورد 2007ومشت الى الان 68000كم خلال سنه وشهرين تقريبا
وحبيت اوجه لكم عدة استفسارات عنها:
الاول يخص الكفرات
الكفرات اثناء المشي تطلع صوت كخخخخ كذا تقريبا
المطلوب هل هذا الصوت يروح اذا غيرت الكفرات وماهي النوعيه الجيده للهوندا هل ميشلان اللي تجي معها كويسه
ولا فيه احسن
ثانيا بخصوص الزيت
انا غيرت الزيت عند الوكاله اول خمسه الاف بعدين قالي واحد عن زيت موبيل ون اغيره كل 15 الف كم العلبه بخمسه وثلاثين واللي قالي هالشي مهندس بترول وهو نفسه يجربه معه لكزس ولايغير الاهو
المطلوب هل طريقتي بتغيير الزيت تظر السياره اللي هي 15 الف واغير مع السيفون
ثالثا فيه واحد من اصحاب الهوندا قاللي فيه اشياء لازم تغيرها على ستين الف ياليت تعلموني وش الاشياء لان السياره لها سنه ولاغيرت الا الزيت والفحمات الخلفيه والاماميه وفلتر الهواء مره وحده بس ياليت كان فيه اشياء مثل زيت القير والسير علموني ياهل الخبره
رابعا
قبل كم يوم شغلت السياره كان فيه واحد واقف وراها يقول طلع من الشكمان دخان اسود ودي اعرف وش السبب
اخيرا
اذا شغلت المكيف يطلع ريح غريب اول ماشغله
مع العم اني منظف الفلتر حق المكيف ومعطره بس ماستفدت احس فيه زي الغبار عطوني الحل
عذرا على الاطاله وكثر الاسئله وارجو انكم تفيدوني ياهل الخبره
