فرصة للبيع .. اكورد 2007 6 سلندر
السلام عليكم جميعا
تحية لمنتدانا العطر
صح اني ادخل كثير بس اول مرة اكتب موضوع ..
وللاسف .. الموضوع يعلن انهاء علاقتي ( مؤقتا ) بهوندا !!!
:: للبيع سيارتي الاكورد ::
:: الموصفات ::
هوندا .. اكورد <<< لا ياشيخ !!
موديل 2007
اليون الخارجي أسود يللللمع ;) .. والداخلي بيج
فل اوبشن .. او فل كامل .. زي ماتبغى
:: فل كامل :: يعني مقاعد جلد .. جنوط 16 .. تحكم بالدركسون بالصوت ومثبت السرعة .. مقعدة السواق تحكم كهربائي .. ايش كمان...هذا اللي اذكره دحين
سبب البيع .. الابتعاث للخارج
بروح كندا .. اروح وارجع بالسلامة :o
السيارة بحالة ممتازة وزي الفل ..
كل 5 الاف صيانة وكالة .. الين صارو يقولولي تعال كل 10 الاف ..
مشيت 69900 تقريبا !! مشوار الجامعة بعيد ايش اسوي !!
طبعا الضمان خلص للاسف عند 60000 .. بس لسا ممكن توديها الوكالة للصيانة الدورية
:: الفضائح ::
صدمني واحد في الصدام الامامي .. وصلحتها في الوكالة
( طبعا .. مو على حسابي :d )
ومرة ثانية صدمني واحد صدمة خفيفة في الصدام الخلفي .. بس تحرك الصدام ... ايضا صرت وشرير وخليته يصلحها في الوكالة :cool::cool:
يعني كل الصدمتين في الوكالة ودحين احلى من اول
وعلى فكرة .. انا مضللها في كول زي العسل
بس السيارة سوداء .. يعني الحر موجود .. بس اخف:confused:
الكفرات على حظكم .. جدييييدة .. مشيت اظن 4000 او 5000 ماني متأكد .. غيرتها لان القديمة انسرقت وانا واقف قدام البيت !!!!
طبعا رحت الوكالة اخذت اسم الكفرات واخذت منهم الجنوط نفسها
احلى مافيها ال 6 سلندر والشكمانين اللي ورا .. كشخة :rolleyes:
ماعرف بكم اسومها .. بكم ابيعها ؟؟
والله مقهور عليها:(
بحاول ارفع الصور قريبا .. اذا ما اتباعت ;)
<< اشبهم ميتين على سيارتك !!!!
:d:d
