أستبيان: عن مركز صيانة هوندا لدى الوكيل عبد الله هاشم / شارك تربح أكورد هنقلين

السلام عليكم ورحمة الله وبركاته

تحية طيبة للجميع ورمضان مبارك على الجميع

بهذا الموضوع حبيت أشوف خبراتكم يا مجربين الأكورد ومركز الصيانة لدى الوكيل الهاشم من أول يوم أستلمت السيارة وحتى فل نقل حتى 100.000 كلم قطعت بها هذة المسافة على الأمورة الأكورد في هذة الفترة وخلال هذة المدة وأنت تملك الاكورد هناك عدة تساؤلات تحيرني ولا أعرف لها جواب بحكم أني أول مرة أمتلك أكورد وكانت موديل2006 جديدة التساؤلات هي :

1- هل أحتجت للضمان في عطل أو خطاء مصنعي أو ميكنيكي خلال فترة الضمان والتي هي 3 سنوات أو 60 الف كيلو أيهما يسبق ؟

2- هل عملت صيانة الـ1000 كلم الأولى لدى الوكيل خصوصاً أنة يقال أنة يسقط الضمان لو لم تذهب بها لمركز الصيانة لدى الوكيل ؟ اذا كان الجواب بنعم ماذا فعلت الوكالة من صيانة خلال الـ1000 كيلو متر الاولى وكم كانت الفاتورة ؟

3- هل عملت صيانة الـ5000 كلم لسيارتك لدى مركز الصيانة وماذا فعلو للسيارة وكم جلست لدى الوكيل وكم كانت الفاتورة .

4- نفس النقطة ( 3 ) ولاكن بجميع المسافات المقطوعة بجدول الصيانة حتى 60.000كلم وما فوق.

5- ماهو تقييمك لمركز الصيانة لدى الوكيل عبد الله هاشم هل تنصح متابعة سيارتك لدية أم لا .

6- هل تحتاج الأكورد للكلام الفاضي من ضمان و جدول صيانة لدى الوكيل وصقع فلوس على ضهرك أم أقرب بنشر يفي بذلك .

أتمنى أن تكون هناك مشاركات صادقة من الجميع حتى يعم النفع على كل من يمتلك هوند اكورد وحتى يطال هذاالنفع كل من يتجول بمنتدانا الغالي ويقراْ مواضيعنا فل تكن مثمرة وحتى نرى مدى فاعلية الوكيل ومدى أهمية مركز الصيانة لدية بجد وصدق .

تقبلو تحيات النادي السعودي ورمضان مبارك على جميع أعضاء المنتدى لمحبي نادي هوندا.

1- لحد الآن الحمدلله لا ...

2- نعم عملت صيانة الألف في الوكالة ... بس قبل سنة كأني أذكر إنها تبديل زيت و فلتر زيت فقط و كلفني يمكن 80 ريال والله ما أذكر بالضبط ...

3- للأسف لم أذهب لصيانة ال 5000 لأني كنت أحتاج السيارة ( دوام ) + لازم تقعد عندهم يومين فبدلت زيت برة الوكالة و مشيت إلى يومك ...

4- ناوي إن شاء الله أوديها صيانة ال 30000 ... و أرد لك خبر وش سويت فيها :) ...

5- إذا رحت الصيانة القادمة راح أقولك ....

6- نفس كلام الي فوق ....


و أتمنى أكون أفدتك .. لأن خبرتي بالوكالة قليلة خخخخخ

احتجت الضمان حتى يصلحوا الدرج اللي قدم القير صار مايتقفل وصلحوه على الضمان :cool:

هذا وسيارتي 2006 وماكملت 14 الف كيلو

فحص 1000 كيلو عملته بالوكالة وكلفني 65 ريال قيمة الزيت والفلتر

وفحص 5000 كيلو استغرق ساعتين فقط من العصر الى قبل العشاء

وفحص 10000 كيلو قالوا استلم السيارة بنفس اليوم لكن عشان عندي الدرج خربان استلمتها باليوم الثاني

وانا من الناس اللي يوصي بالصيانه بالوكاله وحريص عليها لاني احب امشي بالجانب السليم بكره يمكن يصير اي عطل بالسياره فاندم اني ماكنت اراجع الصيانه الدوريه او يروح علي الضمان

الوكاله حبايب بس فيه مشكلة الزحمه وعدم وجود مواقف كافيه داخل الصيانه >>>>(فرع طريق خريص)

حقدت على الوكاله في فحص 10000 كيلو استلمت السياره واكتشفت بعدها بيومين انه غطاء مجرى الهواء مفقود ورجعت للوكاله عشانهم هم اللي ضيعوه ولا استفدت شي واشتريته بفلوسي >>> ومع ذلك فحص 20000 باسويه بالوكاله ان شاء الله

انا انصحك بــ صيانه هوندا والله ماذكر متى اول مره فحصتها لاكن قبل 10 ايام وديتها لفحص 60.000 كيلو وجلست مايقارب يومين
والله الحين الموتر نفس الوكاله ماشالله عليه

شكراً لمرورك مشرفنا والاخطبوط وحياتي كلها اكورد
بالنسبة للأخطبوط كيف الحال وش الاخبار ووش سالفة غطاء الهوء اللي ضيعوة الله يضيع روسهم وين مكانة ذى الغطى

بنسبه لي أنا شاري السيارة وكانت ماشيه 40 الف والي قبلي ما سوالها صيانة الا 1000 فقط وانا شريتها وجها صدمه مع الرفرف اليسار ومن اثارها انكسر كرسي المكينه الخلفي قيمته 800 والكرسي هذا نادر ما ينكسر . وسألوني السيارة مصدومه :( صرفتهم قلت وش دخل الصدمه بكرسي المكينه الخلفي :d ومشوها على الضمان مع أنني لو قالولي لازم تدفع دفعت . لان كان في السيارة نفضه بسيطه .
فقط هذا الي صار معي عقب التشييك 40 الف مااااعتبت عليهم وسيارتي موديل 2002

انا ماامشي كثير بالسيارة , مع ذلك ماعمري دخلتها الصيانة الى الان مع انها جديدة ...

صيانة الالف كيلو .... 3 ايام احاول عشان الموعد اخر شي طنشت ...

صيانة ال 5 الاف كيلو ,,, بغيت اخذ موعد قالو لي بعد 3 اسابيع قلت لهم خير ان شالله !!!
قالي المهندس جبها على ال 10 الاف احسن ..

بشكل عام انا مااحب الصيانة في الوكالات كثير ... لانهم ينصبون بحجة الضمان ..

أقول ..

خذ كلام مجرب :

أنا سيارتي اخذتها ماشيه 14000 كم ..

صاحبها الأول ماسوى صيانه الا 1000 كم .. وجاك أكورداوي وسحب على الصيانه كمان والحين السياره ماشيه 48000 كم .. والحمد لله ماشفت من السياره الا كل خير ..

بس غيرت عندهم زيت قير وبواجي .. وبالنسبه لغيار زيت الماكينه أغيره برا لكن بزيت هوندا الأصلي ..

هلا والله اخوي النادي السعودي saudi club

الحمد لله انا بخير مع اني مزكم وكحه (الجو اليومين هاذي مايساعد ابدا):mad: >> يبيلي صيانه عند عبدالله هاشم:d بس لايضيعوا خشمي:d

ضيعوا الغطاء حق مجرى الهواء وبالاخير شريته ب 48 ريال
هذا الموضوع نزلته وفيه صورة الغطاء
http://www.hondaarabia.com/club/showthread.php?t=894

هلا والله بالجميع

شاكر مروركم

بالنسبة للأخطبوط ما تشوف باس والشر ما يجيك والكحة والجيوب الانفية عندي من شهرين عيت تروح انصحك بزيت زيتون مب زيت مكينة بعود اذان منقع بزيت دخلة بخشمك وزيت خشمك وانا صاز وخل المضادات تولي.
بالنسبة لبلو لوف : انا اول مرة ادري ان الصيانة بالحجز يعني لو اطب عليهم دون موعد مسبق يطنشوني ؟ ولا يسوون صيانة لموتري للألف كيلو ؟
انا بروح لهم بنهاية رمضان لصيانة الألف كيلو انشاء الله .
بالنسبة لـ k363k والله انك ذيب اجل وش دخل الصدمة بكرسي المكينة بس زين صلحوها .

سسسلآم عليكم

اخواني ][ انا موضف بشركه هوندا بالصيـآنه واللي عنده استفسار

يراسلني ...) وانآ اطلعلكم الفضـآيح ....)

^^^^^^^^^^^^^^
جيب كل اللي عندك من فضايح
خلينا نتسلى >>>> مصائب قوم عند قوم فوائد

بالنسبه للموضوع

1- اي نعم .. احتجت للضمان لما بدلت الهوب ... كان يرج مع البريك على سرعات عاليه

2- الالف الاولى مجانيه لدى وكيل الكويت ... اكيد رحت له ... و سيارتك تخلص و انت واقف

3- الـ 5000 مجانيه بعد .... وديت السياره و خلصوها لي بس ما اذكر اذا كانت بساعه و لا ساعتين

4- العشر الاف ايضا مجانيه لدى وكيل الكويت
الـ 15 الف ... دخلت السياره و تكلفتها حول ال 20 دينار او 254 ريال
العشرين الف .. غاليه الله ياخذهم ..... حول 98 دينار او 1250 ريال
الخمس و عشرين الف رخيصه و زي ال15 الف
و بعد الفين كيلو السياره تكمل الـ 30 الف و اوديها انشالله

5- وكيلنا المطوع و القاضي
احسن صيانه بنظري
يستقبلون منك السياره .... تروح تقعد باالاستراحه ... الانترنت متوفر مع الكمبيوترات ببلاش
الاكل باسعار رمزيه ... ارخص من اي مكان ثاني بالكويت .. ينادون عليك بالمكرفون لما تخلص سيارتك ... طبعا يغسلون لك السياره لما يخلصون من صيانتها

6- بصراحه تحتاج الاكورد الى ذلك
انا عندي مشكله مع الهوب ... يرج مع البرك ..... يحتاج تبديل .... و طبعا على ظهر الوكيل و الضمان

اقتباس:

---

03-10-2006

---

ماقول الا الله يخلف عليكم !!

شوف التاريخ :d

لا والمصيبه عقيلوووهــ مستانس وجالس يجاوب بعد :p

و الله اول مره يمر علي الموضوع
و قلت اتسلى اكتب كلمتين
ما ادري انه مغبر

والله قديم هالموضوع كيف طلع فوق

وفجاة طلع الموضوع !!

1- هل أحتجت للضمان في عطل أو خطاء مصنعي أو ميكنيكي خلال فترة الضمان والتي هي 3 سنوات أو 60 الف كيلو أيهما يسبق ؟

اية نعم ... غيرت مشغل السيديات 6 اسطوانات على الضمان والسيارة كانت ما مشت 5300 كيلو .


2- هل عملت صيانة الـ1000 كلم الأولى لدى الوكيل خصوصاً أنة يقال أنة يسقط الضمان لو لم تذهب بها لمركز الصيانة لدى الوكيل ؟ اذا كان الجواب بنعم ماذا فعلت الوكالة من صيانة خلال الـ1000 كيلو متر الاولى وكم كانت الفاتورة ؟

سويتها وما اذكر كم كلفت .. وما ادري اذا كانت تسقط الضمان ولا لا ..


3- هل عملت صيانة الـ5000 كلم لسيارتك لدى مركز الصيانة وماذا فعلو للسيارة وكم جلست لدى الوكيل وكم كانت الفاتورة .

كل صياناتي حتى 60.000 ما تاخذ الايوم عمل واحد ... يعني من الصباح الباكر لين اخر الدوام وهي جاهزة .... او 24 ساعة فقط .... اذكر مرة كانت صيانة وبوية للصدامين .. خذت 3 ايام .

4- نفس النقطة ( 3 ) ولاكن بجميع المسافات المقطوعة بجدول الصيانة حتى 60.000كلم وما فوق.

نفس الكلاام ..


5- ماهو تقييمك لمركز الصيانة لدى الوكيل عبد الله هاشم هل تنصح متابعة سيارتك لدية أم لا .


والله هي كويسة ... تطلع السيارة منة كنك مطلعها من الوكالة خاصة اذا سواقتك عفشة شوي ... لكن ... انصح انها تكون كل 30.000 مش كل 10.000


6- هل تحتاج الأكورد للكلام الفاضي من ضمان و جدول صيانة لدى الوكيل وصقع فلوس على ضهرك أم أقرب بنشر يفي بذلك .

كل 30.000 اوكي تحتاج ... غير كذا ... على حسب سواقتك وعفاشتك ..

أهلا حبيبي وشاكر لك في البداية على هذا الموضوع الحساس الذي لو اطلع عليه الوكيل من الممكن أن يقوم بتغيير سياسته من ناحية الصيانة وقطع الغيار .

في إجابة عن التساؤلات التي طرحتها ..........
1- أنا احتجت الضمان في مشكلة ليات الدريكسون و مشكلة فيوز مضخة البنزين و أيضا أقفال الأبواب الأمامية .
2- سويت الصيانة هذي وكلفتني أعتقد 55 ريال أو 65 ريال ما أذكر بالضبط لكن الضمان لايسقط إذا ماوديت سيارتك الصيانة .
3- صيانة الـ 5000 حسب معرفتي وكلام أحد موظفي الصيانة وهو صاحبي قال إن صيانة 5000 هي مجرد تغيير زيت وفلتر لا يكلف في الوكالة أكثر من 80 ريال في الخدمة السريعة أما إذا طلبت لها صيانة حياخذوا منك 250 ريال فأنا ماسويتها .
4- الصيانات إللي سويتها :
1000 كلفتني 65 ريال .
10000 كلفتني 350 ريال .
20000 لم أقم بعملها والسبب أني أدخلت السيارة صيانة الـ 10000 وكانت ماشية 16500 فقالولي وأنا بأستلم السيارة لاتجيبها صيانة 20000 وحتى لما وديتها صيانة 20000 وأنا قاعد على المكتب أمام المهندس وهو يراجع سجل سيارتي على الكومبيوتر فقال لي سيارتك مافيها شي أتوكل .
30000 كلفتني 515 ريال وفيها قمت بتغيير الأقمشة الخلفية .
40000 كلفتني 1700 ريال ( تقريبا ) وأعتبرها أهم صيانة للسيارة لأنه كان فيها تربيط كامل للسيارة و تغيير فلتر المكيف ( تصور ياخذون على تركيبه 300 ريال وحتى دقيقة ماياخذ ) وغير أيضا الأقمشة الأمامية وطبعا البواجي وتنظيف البخاخات يعني السيارة ماشالله رجعت جديدة .
50000 ماكان فيها شي مهم يتغير كانت مجرد تشييك لا أكثر ولا أقل .
60000 حاليا السيارة في الوكالة و بكرة يوم الإستلام وكلفت السيارة حتى الآن 930 ريال وطلبت فيها تغيير المساعدات الخلفية لأنها بدأت تطلع أصوات وتغيير الأقمشة الأمامية والخلفية مع الهوبات و وزن السيارة بالكومبيوتر بسبب الحذفة وطبعا هم يشيكون تشييك كامل على السيارة جزاهم الله خير .
5- أنا أعطيه جيد جدا و لو إنهم غاليين شوي لكن السيارة تستاهل خصوصا إذا إنت راعي خطوط و خصوصا إن سواقتي فيها شوية دعس و إنشالله بأكمل معاهم بس كل 20000 كلم .
6- و الله أنا عن نفسي إقتنعت إن سيارتي مايعرف لها إلا من صنعها لأني تعبت و تعبت السيارة من شغل الورش الخارجية إللي يتعلمون على سيارات الناس ويصلحون شي ويخربون ألف شي عشين كذا حتى لو كانت التكلفة غالية فالأغلى هي سلامتك بالسيارة .

شاكر لك مرة أخرى إثارتك لهذا الموضوع وإنشالله بنستفيد من خبرات بعضنا .
تحياتي لك
أخوك : خالد .

^^^^^^^^^^^^^
وش رايك للي يدخلها كل 5 الاف :d

^^^^^^^^^^^^^

ذكرتني ياعقيل والله بسيارتي اول ماطلعت ...

كنت اداوم في كلية الجبيل .. قريبه منكم :p
وكنت اروح البيت وارجع يوميا ... وساعات اروح وارجع مرتين في نفس اليوم :d

اول اسبوع لها والله رجعت من الكلية يوم الاربعاء ووديتها صيانه 5000 الاف :eek:


وبعدها تعبت مو كل 5 الاف اعمل لها صيانه .. صرت كل 10 الاف فقط !!

إنشاء الله أكون عنصر حيوي وفعال في الهوندا الاكورد معاكم
لأني من عشاقها
أنا معاي وحدة 2007 فل كامل
وبيكم حبيت الموقع
وشكرا لكم بإستضافتكم لي

ترى يا شباب صيانه هوندا تعد من أفضل ثلاث صيانات على مستوى المملكه
الأولى لكزس
الثانية تويوتا
وحنا الثالثه من جميع النواحي ترى
أكيد إنكم تعرفوا أنها لها صيانه مجانيه:cool: سنويه
ومع ذلك على القطع خصم 20% في تلك الصيانه


هذا وأزيدكم من الشعر قصر
روحوا أسألوا الرنج روفر أفندي كم غيار زيته - ولا اقولكم الظاهر محد حيروح إسأل
لاكن أنا حأجبركم وبالحقيقه
قيمته 1250 ريال
بس تمام عافين ليه؟
لأنهم بيغيروا معاه الفلتر الهوا والمكيف , والعامل وهو إغير الزيت إحطلك خرقه على الرفرف علشان ما تتوسخ السيارة وتزعلوا
تعرفوا انه ما اتحمل ملابس المهندس, هو ما إتحمل الا التراب والغبار

وبكرة اقولكم عن ساماكو
وبعده عن الناغي
وبعده اسويلكم دراسه حتحبوها عن الهوندا وتويوتا
وعن الاكورد وعن الكامري
يعني بالمفيد من الحين لنهاية الترم حنكون ختمنا المنهج الدراسي لهوندا وشكرا لكم
وللإستفسار الإتصال على

اقتباس:

---

المشاركة الأصلية كتبت بواسطة boody11

سسسلآم عليكم

اخواني ][ انا موضف بشركه هوندا بالصيـآنه واللي عنده استفسار

يراسلني ...) وانآ اطلعلكم الفضـآيح ....)

---

تم نسخ ردك في موضوع جديد بقسم التعارف حتى تلقى الترحيب اللي يليق بك
http://www.hondaarabia.com/club/thread6129.html

اقتباس:

---

المشاركة الأصلية كتبت بواسطة nasa_city

إنشاء الله أكون عنصر حيوي وفعال في الهوندا الاكورد معاكم
لأني من عشاقها
أنا معاي وحدة 2007 فل كامل
وبيكم حبيت الموقع
وشكرا لكم بإستضافتكم لي

---

تم نسخ ردك في موضوع جديد بقسم التعارف حتى تلقى الترحيب اللي يليق بك
http://www.hondaarabia.com/club/thread6130.html