عرض للطباعة
السلام عليكم
اخواني ياليت تساعدوني بهالشي
انا ان شاء الله الاسبوع الجاي سيارتي طالعه فل كامل 2009 لؤلؤي 4 سلندر
طبعا طلبتها بدون لوحات
سؤالي من وين اطلع اللوحات .. طبعا الوكاله بيعطوني البطاقه الجمركيه وانا اروح اطلع اللوحات
سؤالي من وين وكم السعر وكيف الطريقه بالضبط
وكيف الطريقه بعد لو ابيها ملكيه ( طويله ) ؟
وكم تاخذ وقت علشان استلمها ؟؟
بالتوفيق للجميع
يفيدوك الأعضاء أنشاء الله :)
اقتباس:
المشاركة الأصلية كتبت بواسطة gif
وعليكم السلام
الله يعطيك خيرها ويكفيك شرهااقتباس:
المشاركة الأصلية كتبت بواسطة gif
اقتباس:
المشاركة الأصلية كتبت بواسطة gif
تروح للمرور و تقدم لهم طلبك
اقتباس:
المشاركة الأصلية كتبت بواسطة gif
100 ريال للوحة الوحده
تقدم على اللوحة الطويلة عند المروراقتباس:
المشاركة الأصلية كتبت بواسطة gif
بالكثير سبوعاقتباس:
المشاركة الأصلية كتبت بواسطة gif
يعطيك خيرها ويكفيك شرها انشاء الله
ومبروووووووك
نفس ماقل اخوي بس اذا تعرف احد راح يرتبك برقم مميز
يعطيكم العافيه على تفاعلكم معي
لكن وين اي مرور ؟؟ يعني انا بالرياض ياليت تقولي روح مرور مثلا شرق الرياض الي في شارع الستين خلف مستشفى قوى الامن
يعني مثل كذا وهل هالمرور الي في شرق الرياض يستخرجون لوحات
ثاني شي هل اسدد الرسوم عن طريق الراجحي قبل ؟؟ واسددها برقم الهويه ؟؟
وبالنسبه للوحات المميزه هل هي في نفس المكان الي بطلع منه اللوحات العاديه يعني اول شي بطلع اللوحات العاديه بعد ماانتهي وتطلع اروح ابدلها بلوحات طويله من وين ؟؟ في نفس المكان ؟؟
شكرا لكم
^^ مرور شرق الرياض اللي قلت عنة عند قوى الامن يطلعون لوحات ^^
الله يعينك .. تراة زحمة واللي فية تقول مغصوبين على الشغل !!
وانت عندهم ( ما ادري كيف طريقة تسديد الرسوم ) اسئلهم لان بيعطونك اللوحات قصيرة .. (اسئلهم كيف تجي طويلة مرة وحدة )
^^ عشان لا يعطونك اياها قصيرة وتدفع رسوم ثانية وتروح مكان ثاني _ عليشة - قسم التموين _ عشان تطلع لوحات طويلة .
هذا اللي اقدر افيدك فية .. واعذرني ما افدتك بشكل كامل ..
لكن تدري ... رح لقسم التموين في عليشة ... ازين شي بهالقسم ان فية كل شي واضح .. كل الاجراءات واضحة ..
مشكووور وما قصرت كوكو كورد كفا ووفا
على البركه نفس مقالوا الشباب
ويعطيك خيرها وكافيك شرها
يعطيكم العافيه شباب
وان شاء الله اول مااستلم البطاقه الجمركيه بروح لقسم التموين في عليشه على طول واطلعها الصغيره والطويله من هناك ونفتك :)
بديت اشيل هم القروشه من الحين ههههههههههههههه\الله يعين
يعطيكم العافيه جميعا وان شاء الله اذا طلعتها راح اكتب موضوع اشرح فيه وش سويت بالضبط وكيف سددت وهالكلام كله :)
شكرا للجميع
السلام عليكم
اخوي انا توي مطلع لوحاتي قبل يومين واللي سويته اني سددت بصراف الراجحي برقم بطاقة الاحوال بـ250
واخذت البطاقة الجمركية وعلى طول للمرور واول شي سويته صورة بطاقتي الاحوال وسويت تأمين من التعاونية بـ 375 ريال وصورته وحطيتها بملف شفاف وبعد ما استلمت اللوحات رحت لم مرور عليشه وعطيتهم بطاقة الاحوال الاصل وقلت ابي لوحات طويله بس رحت الصباح الساعه 10 وقالي تجي الساعه 2.30 الظهر وتستلمها واللوحات بـ100ريال وسويتها عند واحد من اللي يسددون بالشارع واخذ علي 50ريال على كل لوحه 25 (يعني في عليشه تدفع 150 ريال) وركبتها بس سويت شي ما ادري الصراحه قالي اللي يركب اللوحه لازم تخريم بالدريل علشان تضبط اللوحه تمام الصراحه ان اللوحه ضبطت ماشاء الله وبدون تخريم الدريل راح يكون المسمار بنص اللوحه وانا المسمار صاير على الجنب يعني ما شاء الله تمام التمام
والظاهر اني قلت كل اللي سويته بالتفصيل الممل وتستاهل اكثر واذا فيه شي تامر امر من عيوني:d:d:d:d:d
مثل ماقال أخوووي قرعه وترى اللزق أحسن أنه أفضل من التخريم والدريل وطقته..
وشووفه هذي صورة موتر باللزق M3 لون أحمر تشتري من ساكو 22 ريال وأنا اللي مركبها اليوم العصر
http://up5.m5zn.com/photos/00228/xmaasl4mrlcw.jpg
مبروك الله يعطيك خيرها ويكفيك شرها
واللوحات مثل ما قالو الشباب
بس انا ابقول لك وش سويت
اول شي سددت 250 طبعا التامين جاء من صاحب المعرض سوا لي التامين انا جيت حصلت كل شي جاهز
رحت لمرور النصريه واخذت اللوحه بس طبعا بعد ما تكون اورااقك كلها جاهزه (صوره بطاقة احوال+صوره البطاقه الجمركيه+تعبيه النموذج الي عندهم+صوره التامين) ما ادري ان كان في شي نااقص او لا
طلعوها في ساعه
وثاني يوم رحت لمرور عليشه الصباح بعد ما رحت للصراف ودفعت 100 ريال واخذو مني اللوحه وقال تعال بعد الظهر وجيتهم بعد الظهر خلصوها
بس في تعقيب عن تلزيق اللوحه بدون مسامير ما تخاف انها تنسرق الحين بالمسامير الاولى وتنسرق والحين نقول ان شاء الله لا
تجي وتسهل الطريقه للحرامي بس يجي يسحبها ويمشي؟؟؟؟؟؟؟؟؟؟؟؟؟
ومعليش على الفلسفه الزايده:d:d:d
يعطيكم العافيه جميعا والله ماقصرتووووو بيض الله وجيهكم
بس والله نبهتوني على شي مهم الي هو التأمين
انا ابغى أأمن شامل هل أأمن قبل تطلع اللوحات ؟؟ شلون ؟؟ لاني اشوف انكم تقدمون على التأمين قبل ماتقدم على اللوحه ؟؟
ياليت احد يوضح لي هالنقطه ولاتنسون انا ابي تأمين شامل يعني مو تامين سند
هل أأمن قبل مااروح للمرور اطلع اللوحه ؟؟؟؟؟؟ ولا المرور بيطلعون لي اللوحه عادي بدون التأمين وبعد مااخذ اللوحات أأمن؟؟
بإنتظار ارائكم
والله يعطيكم العافيه
لا ياخوي فيه بمرور الشرق تأمين التعاونية ولازم التأمين قبل تقدم اوراقك واذا ما امنت ما راح يقبلون اوراقك ابد لازم التأمين قبل كل شي والتأمين على رقم الهيكل ;);););););) الله يوفقك يارب وتطلع السياره