لما خطبت ابوي لامي ههههههه ...
كان ميشو شاب وسيم متواضع
وكان جميل الطلعه لانه دايم يطلع للبر .. لا اوصيكم اطلعو للبر تزدادون طخامه
الشقار والبياض والملح والسكر والضغط كللللللللش
المهم
وكان دائماَمتفائل مبتسم وكان اسمه الحقيقي مشعان
مو كني كثرت من كلمة كان كان
غيرت كان >>وحينئذا مبطي كان خاق عند امي
واراد ان بخطبها
وقال يا بنتي يا مصباح ترانى خاق عند امك ومستحي اروح وش رايك تخاويني تخطبيها لى
قلت ياهوووو يا المسؤليات اذا كبرو الابهات
ابلش عاد خطبه وسياره ووظيفه
بس يالله بروح معك يا دادي (بابا) يمكن يبان فيكم لا تزوجتو انت وامي وجبتوني
المهم لما رحت مع ابوي مشعان هذا عشان اخطبله امي
شرطت عليه انهم اذا جابونى يتممون لى خمس ذبايح قلتله قول تم
قال تم
قلت مشينا
ورحنا ودخلت على امى وهى مستحيه
حبيت راسها وقلت يا مامي
قالت ولعنه
قلت افا وانا جايه اخطبك
واصيح ان زواج مشعان من امي باطل
وتقوم تحب على راسي وتقول مادريت
قلت اجل اعقلي وخليكي حرمه سنعه
ترى ابوى يبغاكي تحليل
قالت وشو تحليل اجل انا مختبر يا الكمخه
قلت لالا وادق على ابوي جوال قلت وش يقولون
قال حليله له
قلت ايه يبغاكي حليلتن له
قالت عندي كلمة بقولها له شخصيا
قلت معصي ترقيم مافي قبل الملكه ما اعطيك رقمه لو تحبين كوعك
قالت لالا من ورى الشق
المهم وانادي ابوي
وقالت اسمع يا مشعان
مابدي منك شي وانت كامل والكامل الله
وان قلبي لا شفتك يقول طربق طربق
بس انا ما اخذك حتى تنفذلى طلبي
قال لها اطلبي وانا ابو مصباح الحريه<< انا
قالت تغير اسمك مشعان هذا
شو اقول لصاحباتي بالجامعه ولييييييييييييييي
اسم خطيبي مشعان معئووووول
وهو ينتفض من مكانه ولف بشته وقال معصى
مانى قالبه يعني ماني قالبه
رحت لامى وقلتلها تعوذي من ابليس يا بنيتي
الرجال مافيه عيب
ومشعان مشعان وش فيها
قالت نووووو نهيييييي <<< اخس والله تعرف لغات
قلت يمه تكفين علميني هندي اكشخ زييك
ماردت علي
امى واعرفها تحب المظااهر والصراحه كانو خاقين عند بعض
يبون بعض بس الشيطان شاطر بيفرق بينهم
والصراحه خفت امي تطلق واضيع انا ويضيع مستقبلي
قلت لازم ابحثو عن حلن مناسبن
واعبي طشت ماء واجمع شوي حصى واطلع على السطح واقعد تحت القمر واحذف حصى بالماء عشان احس بجو شاعرويجيني الالهام
واكتب قصيده اطلب فيها جدي يتدخل بينهم
وبينما انا احذف بالحصى ويجيني الالهام
قال وش تبين
قلت تكفى ابيك الهمني تكفى
قال الهمي تراك ملهوومه.. قلت شكرا
واكتب قصيده مطلعها
الناس نامت وانا عيني سهيره
____________ماغير اتقلب وكني ولد منيره
طلبتك يا جدي ان تفضها سيره
___________اما تحلها او تحرم علي الفطيره
وماصدقت ان العصافير تزقزق<< (ياكثر ما كتبتها بمواضيع التعبير وانا بالابتدائي كنت مستانسه عليها ياحبنيلي احب اتحرش) المهم العصافير تزقزق مغردتن تعلن عن الصبح
واروح لخيمة جدي واطق الباب
قال جدي على الطلاق ان تقلط
عيلة بايعتها بس تطلق خخخخخخخخخ بطرانه
المهم
وانا اصيح لااااااااااااااااااا تكفي يا جدي لا تطلق جدتى الله يرحمها خلها على ذمتك تكفى اطلبلها الرحمه بدل ما تطلقها
خفت على ابوي يضيع
واجلس جنب جدي واقوله مو كنك ناسي شي
قال وشو
قلت قم صبلي فنجان قهوتي
قال المعذره نسيت ضيافتك
ويصب فنجان واركده بالارض وارمي الهاند باق حقتى
قال افا وانا ابو مشعان
اشربي قهوتك وعيني من الله خير
وابشري باللى جيتي فيه
قلتله هع هع على مين
والله ما اشرب فنجالك واني لاصوره بلوتوث وافضحك بين العربان ان مالبيت طلبي
قال اخلصى لا اتوطى ببطنك
وانا اوقف على حيلي واقصد القصيده واقوم اصيح
انتفض وقال انا اخو جاكلين
فكر شوي وقال اجمعي فرسان القبيله وشيوخها
قلت سيارتي مابها بنزين عطنى سيارتك اصصصصصصصص البنزين غالي
واركب سيارته
وامر عليهم واقولهم جدي يبيكم
وشوى والا هم مجتمعين
وهو يحشرهم بحوض الددتسن ويروح لبيت جدي ابو امي
ويوقف عند بابه ويرفع كفرات السياره اللى قدام على الصبه
ويتدربوون كلهم من الحوض
ويدخلون مجلس جدي ابو امى
ويقوله الحديه يا فلان
قال ابو امي ابشر بالعطيه
والله لو انها ذبيحه ما عشتك
يااااااااو (يا دلي )ابك اطلب لا رحمت>> متابع قناة lbcالله يصلحه ويحلحله
قال طلبناك تزوج مشعان لبنتك وترى مالها الا طيبة الخاطر.
وتراه من اليوم اسمه ميشو >>> جدى يقزقز افلام لبنانيه بالستالايت
وانا اقول اقععععععد ياجدى منت سهل
واروح اركض لامى واقولها ابشري بميشوو عريس لك ايتها الحمصاء
وهى تدق على صدرها وتقول
مايجيبها الا نسوانها وانا شطه
قلت نعممممممممممممم
اسمك شطه
الحين معذبتنى سنه بتغيرين مشعان واسمك شطه
عاد معصى بعلم ابوي اخليه يرفض القوازه دى
وتذكرت انى بعيش بدون ام واب واهوون
وادق على الكوافيره
ونقيم الافراح
والليالي الملاح
وارقص بعرسهم
واوصيهم ينتبهون لبعض
واروح واخليهم
وبعد سنة امى جابتني
واديت رسالتى في الحياه
وقضيناااااااااااا الا من الله
ما يستفاد من القصه
لااااااااا تدخلون بخطبه ابوكم لامكم
