بودي السيارة والزجاج والاسطبات صار ملمسهم خشن..ابي الحل؟

السلام عليكم...

شباب اللي عنده الحل حق مشكلتي يتفضل الله لا يهينه ويساعدني

انا وديت سيارتي ورشة علشان ارش الصدام الخلفي
لانه جتي فيه حكه

وبعد ما اخذت السيار من عندهم وغسلتها
لاحظت ان معظم البودي الخارجي للسياره صار ملمسه خشن لدرجه انك لو تلمس بيدك يطلع لك صوت:p
غير كذا الزجاج الخلفي والامامي للسياره صار لهم نفس الشي ملمس خشن وعليهم غشاوه بسيطه تشوفها
اذا سطع نور الشمس عليها<<جربت منظف الزجاج وما راح
وغير كذا الاسطبات الاماميه صار فيها نفس الشي.....

ممكن تساعدوني وتقولون لي ويش اسوي
وكيف ارجع ملمس السياره مثل قبل...
وهل التلميع الخارجي راح يفيد حق البودي والزجاج والاسطبات...و وين احسن مكان اسويها فيه..؟؟
انتظر منكم الرد وشكرا.....:)

^^^^

اخوي عادي !! انا يوم اطلعها من الورشه صار لي نفس المشكله !! لان البويه جات على السياره كلها !!


وافض طريقه التلميع الخارجي وراح ترجع السياره احسن من الجديده والملمس ناعم مررره >> طبعا على حسب المحل :d


ممكن تقول لنا موقعك >> من وين

على شان نقولك افضل محل ;)

تحياتي لك

شكرا لك يا اخوي Just accord
والله انك ريحت باللي وطمنتني..
انا من الشرقية وساكن في الخبر....
طيب التلميع الخارجي راح يضبط لي كل شي
البودي والزجاج والاسطبات
لان حتى التنده بعد صارت خشنه :p

بأنتظار ردك بأسرع وقت وشكرا

888

ايه ياغالي .. لان التلميع يمر على كل شي بالسيارهـ من الخارج ..

وبالنسبه لافضل مكان ماادري والله .. لو انك بالرياض كان افدتكـ ..

بس ان شاء لله يردون عليك ناس من اهل الشرقيهـ

:d هذا الي على السيار لكر يمكن

شوف سوي ليها تلميع زي ماقالولك الشباب

:) تلميع الانوار مع الداخل والسيارة مع الخارج :)
http://upload.wikimedia.org/wikipedi...Arabia.svg.png

فقط تلميع خارجي وتنتهى المشكله

مشكلة سيارتك انه تحتاج تلميع خارجي


انا اشوف افضل محل في الخبر هو شايني لاند:cool:

شكرا لكم يا اعضاء...
وبالفعل رحت حق شايني لاند بس للاسف
قالي مافي مواعيد الا بعد العيد.....
ونفس الشي رحت حق ماي كار وقالوا لي نفس الكلام
بعد العيد:(

اللي يعرف مكان تلميع جيد في الخبر
يا ريت يفيدنا

^^^
اخوي انا من سكان الأحساء !!:d

يعني حياك الأحساء ولمع سيارتك وتاخذ لها يوم كامل !! انا ملمع سيارتي بعد ما طلعتها للورشه وطلعها اووكي :cool:

ونفس مشكلتك كذا !!

وتكلفه كلها التلميع من برا وداخل 350 ريال !! :d

اذا ودك اوصفلك المحل تحياتي لك

بخصوص الزجاج تحتاج تمسحة بـ ( التنر ) مع قطنه بس حاول مايصيد الربلات او البلاستيك وبعدها غسل السيارة

( 2تعريف :. البقع الناتجة عن دهان الحوائط أزيلها بـ (الـتِنَر)، وهي مادة تخفيف تباع في محلات بيع دهانات الحوائط. )

وبعدين ودها لتلميع للبدي

وبالتوفيق يارب

just accord:
شكرا لك
وانا اصلي من الاحساء بس ساكن بالخبر
ممكن تدلني على المكان لاني اليوم احتمال اني انزل الاحساء


المباشر..:
مشكور على الرد واتوقع هذا اللي راح يصير

لاني البارح رجعت حق راعي الورشه وزفيته زف
فقام واحد فلبيني واستخدم التنر على الزجاج وبالفعل راح
وجاء واحد ثاني وسوا تلميع بالقطن حق الكبوت والشنطه على السريع
وتقدر تقول ان ملمسهم بدأ يتحسن
فقلت يلا خلاص مالي الا اني ادخلها تلميع
بس المشكله معظم المحلات اللي في الخبر فل الفل.....

فاليوم بنزل الاحساء منها اشوف الربع
ومنها ادور لي على محل

شاكر لكم جميعا....:)

اقتباس:

---

المشاركة الأصلية كتبت بواسطة just Accord

^^^
اخوي انا من سكان الأحساء !!:d

يعني حياك الأحساء ولمع سيارتك وتاخذ لها يوم كامل !! انا ملمع سيارتي بعد ما طلعتها للورشه وطلعها اووكي :cool:

ونفس مشكلتك كذا !!

وتكلفه كلها التلميع من برا وداخل 350 ريال !! :d

اذا ودك اوصفلك المحل تحياتي لك

---

ياخوي ياريت توصف لنا محل التلميع اذا هو اوكي اوتقول لنا اسم المحل

^^

اسم المحل كارس المحل مقابل السجن العام >> معروف ما يحتاج توصيف زياده !!


بس ان شاء الله تلحقون عليه قبل العيد !!

تحياتي لكم;)

طيب يا شباب انا توني مطلعها من الورشة واللة الشغل تمام بس عندي نفس المشكلة ودي اعرف من وين جاء ولية جاء اللكر وهل ينفع اني المعها بنفسي مثل الطريقة المشروحة لاحدى الشباب في المنتدى ولا لازم اوديها للمحل التلميع

السلام عليكم
انا محمد شغال فى ابوظبى مهندس مدنى وبطبيعة شغلى المواقع كلها تراب ولاحظت ان فى رمل موجود على السيارة ومش عايز يطلغ حتى مع غسيل السيارة رحت للوكيل قالولى دة من الموقع والشمس ومشكورين نظفولى السيارونصحونى بحاجة اسمها ماكس جارد والسيارة بقت جميلة جدا .حاجة كمان كان عندى مشكلة الجة مع الفرامل غيرولى الديسك على الضمان بردة .بس حظى كدة اليومين دول الموضوع اتكرر تانى والحاجة الى مجننانى انى حاسس لمل غيروا الدسك السيارة بقى سحبها فظيع ودة الى خلانى احس انو مشكلة السحب ليها علاقة بالفرامل انها تكون معشقة على العجل وياريت حد يفدنى واسف على الاطالة