عندي مشكله بالشنط فيها صوت وازعجني

عندش مشكله بالشنطه ازعجني ياليت احد يفيدني احد عنده ذا الصوت اكورد 2008

انا اسمع هالصوت يطلع اذا جيت بمطبات او امشي ع مطينه
ياليت اللي عنده خبر او حل يتفضل يفيدنا
وتسلم اخوي ع طرحك للموضوع

هلا اخوي

افتح الشنطه وشوف يمكن في شي مو ثابت في مكانه

العفريته ولا شي ثاني اتاكد يا خوي ولا توسوس

المشكله من حامل السماعات الحديدي

هذي المشكله موجودة في الاكورد 2008 و كثيرين يعانون منها
وانا عندي انت ودها للوكاله وهم يعرفون شغلهم

اشكرك على الموضوع لأنه نفس الصوت عندي
والله انها تصدع الواحد والله قلق بس بوديها الصيانة ونشوف ايش عندهم

يعطيكم العافيه على ردودكم ومشارركتم
يامبراطور الاكورد وش حامل السماعات الحديده لان من جد ازعجني

وأنا نفس الحال من جهة اليسار

ياريت من الشباب إلي حل مشكلت الحامل الحديدي يفيدنا بطريقه

انا عندي نفس المشكله ، لكن وديتها الوكاله طبعاً مع تشييك 10,000 كم
وخف الصوت ( ولكن لم يختفي تماماً !!! )

انا عندي الدفعه الثانيه ولا فيها اي شي ولا صوت

وتئكد ان علبه طفايه الحريق مثبته زين اخاف هي سبب الصوت

لا مو من طفايه الحريق !!

المشكله بالديكور الي عند السماعات الخلفيه .. صوت صرير حديد وبلاستيك
ولا يطلع الا مع المطبات سواء خفيفه او قويه .. !!!!

:(

يعتبر عيب خلقي للأكود 2009-2008 بعد استخدامها تقريبآ 6 شهور ويزداد تدريجيآ

:cool:يعطيكم العافيه انا رحت الوكاله سويت لهم قروشه وقلت مابي لا صيانه ولا شي ابي الصوت ياروح وفعلا خليتها عندهم يوم واخذتها والحمد الله مافي صوت مره صح كان خفيف الصوت بعد ماخذتها من عندهم بس اللحين اختفلى والحمد الله وقال الخلل من الديكور الخلفي فعلا وانا شاء الله اني افدكم بالعلم يالاخوان الكرام

انا رايح رايح الله لا يعوق بشر .. :@

واللة من جد قروشنا الصوت تكفون شفو حل:eek:

ابشركم ،، اليوم رحت الوكــاله وتناقشت مع المهندس ( عمر فاروق ) هندي الجنسيه - فرع خريص -

طبعاً بالصيانه السريعه .. قلت له يا عمر يا سميي صيانة الـ 10 الالاف واخذتو مني 416 ريال ما قلت شي ..

لكن إني انبه عليك عن مشكله - الصوت - ولا راح !! هذا غير مقبول ( ما فيه كويس كذا ) :d

قال ابشر يا طويل العمر ما يصير خاطرك الا طيب وفالك المليون :d هههه

قلت والله ونعم ابو فاروق نشمي وعند وعدك إن شاء الله .. وابشركم من استلمت سيارتي والصوت مختفي تماماً ..

وللمعلوميه : مو أول حاله اجيه ياما صارت لناس قبلي الظاهر انها عيب مصنعي للدفعه الأولى .. وترى تصليحها على الضمان ;)

انا كان عندي نفس الصوت ورحت للوكالة وما عرفوا السبب والله حالة والصوت مرة ازعاج كأنك راكب ددسن 85 وقالوا روح جدة عندهم فنيين مختصين والله ودقيت مشوار 1200 كيلو لجدة وللأسف لقيت الوكالة مقفلة اخر يوم برمضان ولا راح تفتح الا سادس العيد المهم ما اطول عليكم كان عندي رقم المهندس فراس مدير الصيانة في فرع جدة واتصلت فيه وقالي عيب مصنعي وعلمني الحل

بسم الله نبدأ الشرح

لما تفتحوا شنطة السيارة امامكم مباشرة مسمارين على اليمين واليسار خلف المقعدة مباشرة على زاوية فرشة الشنطة تفكوا المسمار وفيه صاجتين ملحمة فوق بعض توسع بين الصاجتين بسكرووب تسوي فراغ بسيط بينهم
وتحط سلقون أبيض بين الصاجتين وعلى الجوانب وترد المسمار مكانه وانتهت المشكلة وبلاش ازعاج وبلاش وجع راس وأنا مجربها والحمدلله راح الصوت وهدا رقم المهندس فراس لأي استفسار 0555003256