اغتنمو الفرصه كفرالميشلان بقيمة 475 عند الجفالي

السلام عليكم كيف الحال اكيد طيبون ادري اني مسوي دعايه بس وش اسوي ابو يمن قاهريني من كثر ماينصبون على العالم:d


ياشباب اليوم رحت للجفالي وشفت الكفرات عندهم وسئلت عن الاسعار وطلعت الاسعار رخيصه فاغتنمت الفرصه وطقمت اربع كفرات للكورد بقيمة 1900 ريال صناعه اللمانيه وظمان مدى الحياه

فالي يبي يركب يركب الحين لنهم مسوين عرض على الاسعار وقيمة الكفر حق الاكورد 550 قبل الخصم وبعد الخصم 475 فاللي يبي يركب يركب الحين قبل مايغلا السعر لني قعدت اسولف مع واحد من الموظفين وانا اغير الكفرات قالي الحين شركة ميشلان خسرانه 5 مليار بسبب ارتفاع سعر الخام اللي هو البترول وكلها فتره وبترتفع اسعار الكفرات بس الشركه مأخره رفع الاسعار عشان الشركات الثانيه والحين هم مسوين خطه تسويقيه قبل مايرفعون الاسعار فاللي بياخذ ياخذ الحين

كلا مك صحيح اخوي اكورد 2006 :cool:

اسعاركفرات الميشلان متوقع لها مع بداية السنة الميلادية ان ترتفع بنسبة 2.5 % وذلك بسب ارتفاع مشتقات البترول وكذلك ارتفاع تكاليف الشحن .
للأسف فاتني العرض لاني قبل كم شهر غيرت طقم كفرات لموتري وطلع علي الكفر الواحد من وكالة ميشلان بــ 550 ريال :o ( طبعآ الماني )
يعطيك اللللللللللف عافية اخوي اكورد 2006 عالاخبار الحلوة .... صدق من قال كل تاخيرة فيها خيرة :d
ومبروك عليك الكفرات والله يعطيك خيرها ويكفيك شرها .
على فكرة عطوك هدية مع الكفرات ;) ؟

هلا وغلا بمشرفنا
لا انت كذا تبي تقهرني بالهديه لاتحدني اروح الحين اشتري اطلق معيار اللكتروني واجلس اصوره واسدح ابو الصور بالمنتدى:d هههههههههههههه

واما بالنسبه للهديه والله نسيت ماسئلت بس ماتوقع مع هالخصم راح يعطونك هديه يكفي ان شركة ميشلان خسرانه الحين

اقتباس:

---

المشاركة الأصلية كتبت بواسطة اكورد 2006

هلا وغلا بمشرفنا
لا انت كذا تبي تقهرني بالهديه لاتحدني اروح الحين اشتري اطلق معيار معيار اللكتروني واجلس اصوره واسدح ابو الصور بالمنتدى:d هههههههههههههه

واما بالنسبه للهديه والله نسيت ماسئلت بس ماتوقع مع هالخصم راح يعطونك هديه يكفي ان شركة ميشلان خسرانه الحين

---

هلا بيك يالقاطع وينك فيه كل هالمدة :mad: :) :d
وبعدين الله يسامحك.... انا موقصدي اقهرك .... قصدي اذكرك بالهدية .... خفت تكون نسيتها عندهم أو ماعطوك ايها ;) >>> عشان ترجعلهم وتتفاهم معاهم بطريقتك :d

على كل حال الهدية قيمتها 300 ريال وهم خصمولك 300 ريال :confused:
انا عن نفسي :rolleyes: افضل الخصم على الهدية :d

تحياتي لك

هلا وغلا ..

مشكور اخوي ع الخبرية بالنسبة لي صراحة كفرات ميشلان ماتصلحلي والسبب انها مع الوقت ومع كثرة المشي تزيد قساوتها لكن صراحة هي محترمه من ناحية انها تكد سنيين ..

افضل كفر عندي هو تويو صراحة جربت جميع الانواع ومالقيت كفر مثل التويو راحة وعدم ازعاج وليونه مطبات وكفر يعيش ولمعه عند التستيب وسعر حلوو مثل التويو لاتاخذ ...

.

مو شرط ان كفرات الوكالة ميشلان يعني خلاص مانغير لا هي :)

فية كفرات ارخص وكويسة بعد غير الميشلان ..

السلام

اتش اي والله صادق هم خصمو قيمة المعيار

ابو عابد شوف يالغالي انا حاط الموضوع عشان اللي بيركب كفرات ميشلان ينتبهون لنصب البناشر لنهم يعطونك كفرات مخزنه تخزين سيئ وبسعر غالي وترصيص فاشل واما مثل ما تفضلت كفرات تويو افضل ماظن انه افضل للكورد لان النقشه اذا فرقت بتفرق الرساوه حقة السياره

Blue Love شوف يالغالي انا من واقع تجربه بالسيارات عرفت ان كفرات الوكاله مافي زيها من ناحية الرساوه والراحه وانت تسوق انا كان معي كابرس 2000 عليه كفرات برجيستون قمت غيرت الكفرات وركبت كفرات يوكوهما فرقت معي الرساوه فرق والسياره احس انها تلعب وبعدها رجعت لكفرات الوكاله وراحه لا يعلى عليها
وبرضو كان معي مازدا كان عليها كفرات الوكاله ناسي وش اسمها غيرتها وركبت فايرستون ونفس الشي الرساوه فرقت معي احس ان السياره صايره خفيفه