بسم الله الرحمن الرحيم
جلد المرتبة في السياره مشكله صراحه
انا سيارتي جلد بيج وبعد فتره تغير لونه صار عليها سواد
ولو نروح نسوي تلميــــع للجلد برضوا ترجع المشكله.
ومن احد الحلول لها بعد من نلمعها او قبل لا يتغير لونها
نحط عليها قراطيس للمرتبه او تنجيد او البلا ستيك:
القارطيس:
لو نحط على المراتب قراطيس ونتركها على السياره بيجي يوم
نلقاها فجأه متشققه طبعا هي ما تتحمل مده طويله وبكل مكان نلقى
القراطيس بس الواحد يبي ينزل ويركب سيارته بدون قلق وخوف
على القراطيس لا تتقطع. وهذي مو حل كافي.
التنجيد:
التنجيد على الجلد مشكله انك تروح تنجد على جلد الوكاله
وش فايدة اجل انك تدفع زيادة علشان تاخذ السياره جلد وكاله
تبي تحس بمنظر جلد الوكاله، وبعض محلات التنجيد تنجيدهم
الله بالخير علشان كذا التنجيد بعد مو حل.
البلاستيك:
البلاستيك تحطه على المراتب وشفافه ما تبين ويبغى لها ناس
يركبونها صح وانا اقول ان هي الحل صراحه للمعانة هذي
علشان كذا مالنا الا هي ، بس وين نلقاها ونلقى ناس ومحل
يركبونها صح؟
حبيت اكتب الموضوع هذا لأسباب هي:
1- انها مشكله يعاني منها جميع اصحاب الجلد.
2- اتوقع فيه ناس عندهم حلول للمشكله هذي وحنى ما ندري عنها وياليت يفدونا بمعلوماتهم.
3- ان ما لقيت شي عن الموضوع هذا في قسم الكسسوارات.
<<<<<< يبي يسولف يمكن بعد.
(ياليت اللي عنده شي يقوله ويفيدنا)
