عرض للطباعة
السلام عليكم ورحمة الله
ياناااااس ياهوووووه مدري وش فيه موتري فيه صوت غريب بالشنط يطقطق فتشت الشنطة ابي اعرف وش المشكلة ماعرفت خليت اخوي يسوق وانا طليت بالشنطة فيه صوت بس مدري وش المصدر يارييييت واحد من الاخوان يفيدني وانتوا ماراح تقصرون وهذا العشم فيكم ابي اعرف وش المشكلة هل فيه شيء يطق بالشنطة ول ايش لاني شيكت على كل شيء صار زين في محله:(
السلام عليكم
يا اخوي لا تشغل بالك هذا في اغلب السيارات الاكورد 2008 وهذا يجي الصوت بين المراتب اللي ورى والشنطه وهذا حتى لو تروح للوكاله ما راح يفيدونك بشي بس رح لها عشان يطمأن قلبك وانشاء يلاقون لها حل
فجعتني والله حسب المكينة ولا شي لاسمح الله
صوت في الشنطة إن شاء الله شي بسيط
مدري والله ايش الحل
إن شاء الله الشباب يفيدونك...
وعليكم السلام
رح للوكالة
وبيصلحونها لك ع الضمان ،،
انا صلحها في تشييك الـ 20 ألف ،،
اركب في الشنطة وقفل على نفسك وخل اخوك يسوق !!
هع هع امزح معك ولا عندي اي خبر ،،
لكن نصيحة للي سياراتهم على الضمان ،،، دامها على الضمان فك نفسك من كتابة موضوع وروح صلحها ببلاش على الضمان .
امل ارسال رقم جوالك ع الخاص ،، اخبرك تبي شبك نيكل ،، باقي اخر حبة بس <<<<سبب كتابة الرد :)
الحل عندي
إذا انت من اهل جدة
حط رجلك على الوكالة فرع المينا وسلمهم السيارة وحترجع لك زي العسل بدون صوت طقطقة في الخلف
انا سويت سيارتي عندهم صراحة شغل محترم
اقتباس:
المشاركة الأصلية كتبت بواسطة fouade
كلام مليان !!!!!!!!! وبس واسالني مجرب هالكلام وصارت السيارة 100%100
انا كان عندي نفس الصوت ورحت للوكالة وما عرفوا السبب والله حالة والصوت مرة ازعاج كأنك راكب ددسن 85 وقالوا روح جدة عندهم فنيين مختصين والله ودقيت مشوار 1200 كيلو لجدة وللأسف لقيت الوكالة مقفلة اخر يوم برمضان ولا راح تفتح الا سادس العيد المهم ما اطول عليكم كان عندي رقم المهندس فراس مدير الصيانة في فرع جدة واتصلت فيه وقالي عيب مصنعي وعلمني الحل
بسم الله نبدأ الشرحلما تفتحوا شنطة السيارة امامكم مباشرة مسمارين على اليمين واليسار خلف المقعدة مباشرة على زاوية فرشة الشنطة تفكوا المسمار وفيه صاجتين ملحمة فوق بعض توسع بين الصاجتين بسكرووب تسوي فراغ بسيط بينهم
وتحط سلقون أبيض بين الصاجتين وعلى الجوانب وترد المسمار مكانه وانتهت المشكلة وبلاش ازعاج وبلاش وجع راس وأنا مجربها والحمدلله راح الصوت وهدا رقم المهندس فراس لأي استفسار 0555003256
الف شكر لكم على الرد والله يكثر من امثالكم