الطرق الذهبية لتلميع الكفرات والجنوط ....
السلام عليكم ورحمة الله وبركاته
كيف حالكم شباب إن شاء الله طيبين .. دوووم إن شاء الله ...
حبيت في هذا الموضوع تعليم البعض بالطرق الذهبيه لتلميع الجنوط والكفرات :
1- رش الكفر مع الجنط بالماء الحلو الفاتر النظيف .
2- وضع فيري في سطل ويكون فيه ماء حلو فاتر وكل ماكثرت الفيري كثرت اللمعه .
3- شراء اسفنجه كبيرة والهدف منها غسيل الجنوط والكفرات .
4- للي معهم جنوط 17 غط الاسفنجة في السطل ودخلها داخل فتحات الجنط وحاول تمررها ع الجنط كاملا من الداخل .
5- الي معه جنط 16 يحاول يسوي هالطريقة اذا كان يمديه يدخل الاسفنجة .
6- بعد مايغسل الجنط من جواء ( هالطريقة تغنيك وترييحك من فك الكفر عشان تنظف الجنط من جواء ) غسل الجنط الخارجي .
7- غسل الكفر بالفيري وبعدين ع طول جب الي حق الموية ورش الكفر كاملاً .. لانك اذا تركته حتى تكمل الباقي راح يلزق الوصخ وماراح تستفيد شي .
8- بعد الانتهاء من جميع الكفرات والجنوط وبنفس الطريقة انتظر فترة 10 دقائق ع الاقل حتى تنشف الموية .
9- جب اسفنجة ثانيه غير الاولة تكون صغيرة ..
10- حط ع الاسفنجة الملمع حق الكفرات الي تحب تستخدمه (( فيه نوع رغوة وفيه نوع سائل اسعارها الرغوة ب 15 وصراحة جربته يخرب لمعة الجنط لانه يطلع ع الجنط وبعض الاحيان يطلع ع البودي حق السيارة .. افضل الشي السائل وفيه منه نوعين ولونه اصفر ومكتوب عليه استوب واسعاره ب 5 الصغير و 10 الكبير )) وبعدين اذا حطيت الملمع ع الاسفنجة ادعك به الكفر لين تحس انه يسيح من اللمعة .
11- بعد الانتهاء من تلمميع الكفرات كاملة .. جب خرقة صغيرة مبللة ع خفيف بالماء ومسح الجنوط فقط ..
وبها الطريقة تحصل ع افضل لمعة للجنوط والكفرات معاً .. عند النقل أتمنى ذكر أسم الكاتب والموقع ..
وحقوق الكتابة محفوظة .. وشباب الي جرب هالطريقة يعطيني راية بصراحة فيها وسلامتكم ..
.
