استفسارات ياحلوييين

السلام عليكم ورحمه الله وبركاته

شباب عندي كم استفسار بسيط

الموتر أكورد 2007 ماشي 27 ألف وبدخلها صيانه ال 30 ألف فوشو بيغيرون فيه ..؟ وكم تكلفه الصيانه كامله ..؟ علما بأني مغير فلتر الهوا يعني لا تدخولنها فى الحساب

ثانيا الفحمات والأقمسه شبه منتهيه ومحتاجه لتغير فكم سعرها الاماميه والخلفيه ..؟ وبكم يركبونها الوكاله ..؟ ووشو الأفضل اسويها داخل الوكاله او فى اي ورشه واوفر على

والسياره تحتاج لخرط هوبات فبتكون على الضمان ولا على حسابي ..؟ وكم تكلف لو على حسابي ..؟

وثالثا احس وانا ماشي بصوت تنسيم مو طبيعي لدرجه حتي وانا ماشي 100 الي اكلمه جوال يسمع صوت الشارع فتكفون وشو الحل ..؟

واخيرا بكم سعر صدام الاكورد الأمامي ..؟

ويعطيكم الف عافيه

تقبلو اجمل تحياتي

شباب مايصير وين الردود .!!!!!!!؟

معليش على التأخير في الرد , المهم :d ....

اقتباس:

---

صيانه ال 30 ألف

---

أعتقد رسوم الصيانة 450 ريال شاملا شغل يدهم و التشييك على السيارة .

اقتباس:

---

وكم تكلفه الصيانه كامله ..؟

---

يعتمد على استهلاكك للسيارة و القطع إللي راح تدخل في الصيانة و إللي راح تشتريها ;) .

اقتباس:

---

الفحمات والأقمشه شبه منتهيه ومحتاجه لتغير فكم سعرها الاماميه والخلفيه ..؟ وبكم يركبونها الوكاله ..؟ ووشو الأفضل اسويها داخل الوكاله او فى اي ورشه

---

الأقمشة الأامامية بـ 247 ريال و الخلفية بـ 190 ريال و هذا في شهر رمضان , و الوكالة يركبونها مع الخرط مدري بكم بس كله داخل في تكلفة الصيانة إللي هي 450 ريال . لكن أسعار الأقمشة ما تدخل في الـ 450 ريال :p .
و لو تسويها بورشة خارج الوكالة ما راح توفر , إلا الورش الخارجية بيطلبونك أقل شي 200 ريال لخرط الهوبات الـ 4 . و دام إن سيارتك على الضمان ودها الوكالة أحسن لك :rolleyes: .

اقتباس:

---

فبتكون على الضمان ولا على حسابي ..؟ وكم تكلف لو على حسابي ..؟

---

داخل الضمان طبعاً , و إذا على حسابك فالوكالة يخرطون بمخرطة ما يكلفهم الهوب الواحد إلا 30 ريال بس :eek: .

اقتباس:

---

احس وانا ماشي بصوت تنسيم مو طبيعي لدرجه حتي وانا ماشي 100 الي اكلمه جوال يسمع صوت الشارع فتكفون وشو الحل ..؟

---

يمكن الجلَد عندك ناشفة , و لا إني ما أتوقع لأن توه موترك جديد و ما مشى . شكلك توقف السيارة كثير بالشمس , و دام إنك على الضمان فأستقعد للوكالة فيها :mad: .

اقتباس:

---

واخيرا بكم سعر صدام الاكورد الأمامي ..؟

---

أعتقد بـ 750 ريال بدون رش . غالي مرة صح ! :confused: .

تحياتي لك ...

يعطيك ألف ألف ألف ألف عافيه حبيب قلبي

وتسلم والله ربي يخليك :o

بس سؤال ياشباب لو بغير جلد البيبان علشان صوت التنسيم بتكون على ضمان الوكاله يفيرونها ..؟ لأني بنشب لهم لو على الضمان

ويعطيكم العافيه

تفضل يالغالي

هذا موضوع كامل للصيانة

(( الصيانه الدورية لهوندا ))


وهذا الرد بخصوص صيانة الـ 30 ألف

#4

^ ^

أضغط على الرقم للإنتقال