بخصوص مشاكل وعيوب صنع الاكورد..وخصوصا لمبة السقف.
بسم الله الرحمن الرحيم
السلام عليكم ورحمة الله وبركاته
اخواني صراحه انا شفت موضوع عيوب الصنع في هذا القسم وشي يقهر والله اذا كانت هذه العيوب مازالت متواصله مع الاغلبيه حتى الى 2008 ولكن..
انا عندي اكورد فل 4 سلندر 2007 ماشية 35000كم (قولو ماشاءالله:d)
تاريخ الصنع اللي موجود في الباب 5/2007
اي قبل ثلاث شهور من صدور 2008 وهي المصونه اللي بالصوره :d
ولاحظت بعض المشاكل التي طرحت هنا ونطرحها وحده وحده:
بالنسبه لاهتزاز السياره في D او R حسب علمي انها طبيعيه مع اني مامريت بهالشي وان شاءالله ما امر فيه
بالنسبه لرجة الدركسون اذا هديت وانت مسرع فوق 120 هذي طبيعيه جدا انا عندي كابريس 2003 وموجوده هذي المشكله فيها
وصارت معي في الاكورد وسويت خرط هوبات والحمدلله اختفت ولا اقول انها اختفت بالكامل
بالنسبه للمبة السقف:: هذي كانت معاناة عندي لاني اول ماشريت السياره في شهورها الاربع الاولى غيرتها حول 3 مرات وبعدها طفت احدى هذه اللمبات وعيت تشتغل ابد واللمبه جديده << طولها مره :rolleyes:
المهم رحت اجرب فيها قمت فكيت اغطية لمبة السقف وان شاءالله راح انزل شرح لطريقة فك لمبة السقف كامله
واخذت مفك براغي ولفيت المسمار اليمين حتى انفك كامل وطفت اللمبات كلها وبعدين سويت باليسار نفس الشي بعدها قمت بسحب الجهاز كامل تبع لمبة السقف
ملاحظه: بينفك معاه حق اضاءة القير البرتقالي
ورحت سحبت الابيض اللي يشغل اللمبه ويطفيها وطلعته من مكانه وحطيت اللي في اليمين في اليسار لاني ياست ماعاد صلح ورجعته وفجاه اشتغلت اللمبه والحمدلله حتى الآن مر اكثر من 5شهور تقريبا ولا خربت اللمبه بعدها نهائيا
وان شاءالله انها الدائمه
---------------------------
بالنسبه لازرار الباب ماقد خربت علي ولله الحمد
بالنسبه للنور العالي: لم اعاني من هذه المشكله
بس في عندي انا مشكلة بسيطه وهي اذا جيت تضرب بوري تحس ان الدركسون قد انفك بحيث يطلع صوت او تحس بان الاير باق قد طلع ماادري هل هذا موجود عند الجميع
------------------------------
فقط اكثر المشاكل اللي عانيت منها لمبة السقف وانحلت والان الحمدلله مافي اي مشكله في السياره والاكورد مهما كانت عيوبها تظل ملكه
وفي النهايه اريد ان اسال سؤال
هل ممكن انهم تفادو المشاكل في الدفعه الاخيره يعني في سيارتي وشكرا للجميع واعذروني على الاطاله
وان شاءالله راح اشرح بالصور كيفية فك لمبة السقف
:cool:.....................:cool:
