يا اخوان من عنده علم على استخدام قلم البوية لازالة الخدوش او اخفائها !! جنني
السلام عليكم ورحمة الله وبركاته
كيف حالكم ياشباب
اخواني بغيت اسالكم عن كيفية استخدام قلم البويه
لان حصلت للسياره دحشه من الخلف من واحد غشيم :mad:
بس الحمدلله جات سلامات وشوية خدوش
بعدما خلص الفلم والرجال معلش وما معلش
الحين الدحشه او الخدش او المشخ اختر اي من الكلمات المناسبه :d
المهم واضحه من الخلف ... واحد صاحبي كان معاه قلم بويه فقال انا ما احتاجه خذه
لاني ماقد استخدمته بس تاكد من رقم البويه على نفس العلبه تكون مطابقه للون سيارتك
ولما رجعت تاكدت من مطابقة اللون حق السياره لنفس قلم البويه
ومكتوب في التعليمات بالانجليزي نظف مكان الخدش
والان رج العلبه وبعدها ضع منه على مكان الالم
اخوكم مسيكين متأثر بالتعليمات واتبعها هبه هبه ( حبه حبه ) :o
اجي احط على الخدش طبعا السياره لونها لؤلؤي والخدش طلع اسود
اجي احط على الخدش الاسود... اللون او البويه يجي عليه باهت !!! ازيد ارج العلبه مافي فايده:confused:
زدنا الجرعه على الخدش مره اثنين ثلاثه ومافي اللون بااااااااااهت والخدش واااااااضح بس باين ان محطوط عليه بويا باهته :eek: :mad:
للعلم قلم البويه مكتوب عليه بالانجليزي TOUCH-UP PAINT
وتاكدت من مطابقة اللون من الباب على نفس العلبه
فما ادري يا اخوان كيف الطريقه !! حتى بعد يومين انتظرت ينشف وسويت مره ثانيه بويا ونفس الحكايه نفس البهتان :mad:
