السلام عليكم ورحمة الله وبركاته ...العشر مباركه عليكم ..يا شباب انا عندي أكورد 2003 والريموت انكسر وطلع المفتاح والبطارية طلعت ..المهم وش أسوي أشتري جديد ؟؟ ولا أروح للمحلات حقين المفاتيح ولا إيش العمل ؟؟ شاكرا للجميع المساعده
عرض للطباعة
السلام عليكم ورحمة الله وبركاته ...العشر مباركه عليكم ..يا شباب انا عندي أكورد 2003 والريموت انكسر وطلع المفتاح والبطارية طلعت ..المهم وش أسوي أشتري جديد ؟؟ ولا أروح للمحلات حقين المفاتيح ولا إيش العمل ؟؟ شاكرا للجميع المساعده
اقتباس:
المشاركة الأصلية كتبت بواسطة بروكسي
وعليكم السلام ورحمه الله وبركاته
انا نفس المشكله عندي انكسر الغلاف الخارجي للمفتاح وصار حالتي حاله ،،،لاكن الحل انك تروح لاقرب محل مفاتيح وتشتري من عنده مفتاح جديد ويقصه لك ويبرمجه ويركب لك ريموت القديم في المفتاح الجديد ،،اتمنى تكون فهمتني ،،انا حصلت لي محل بيضبطه لي ب120 ريال فقط لاغير ،
شكرا لك ..المشكلة وانا أخوك الريموت الحين تولع لمبته بس ما يفتح والبنقالي يقول عندي ريموت جديد ب 850 أعطيك اياه قلت سلامات !! المشكلة مدري هم يبيعون بالنت ريموتات ولا لا ؟؟؟
اقتباس:
المشاركة الأصلية كتبت بواسطة بروكسي
لا يلعب عليك ابو هنود ،وريموتك يبي له برمجه بس على العموم اذا كنت من الرياض ابوصف لك محل وان شاء الله بيضبطك وبسعر زين ...
اشتري واحد من التشليح وبرمجه على سيارتك وشيل الفتاح اللي هو الحديد اللي يشغل وروح عند محل مفاتيح خليه يركبه لك:cool:
حرامي حق المفتايح بس 850 تضرب راسه الله لا يعطيه عافيه والمفتاح قيمة 20 ريال :) ولكن السرقه :mad:
طريقه البرمجه شوف اكثر من محل وابحث عن محلات المفاتيح عسى تلقى احد رخيص
ياخوان واحد من المنتدى ينقذنا ونشتري كمية مفاتيح " جملة" :cool: ونوزعها على اعضاء المنتدى بسعر رمزي معقول
تحياتي
رح لاي محل مفاتيح ومالك من البنغالي لف اكثر من محل وان شاء الله بتلقى ناس فاهمه هناك
انا امس كنت بمحلات الزينه وشفت مفاتيح كثيره بس والله ماسألت بكم
ونصحي لاحد ياخذ ريموتات مفاتيح من النت لان اللي من برا تجي برمجتها غير عن اللي عندنا هنا
شكرا لكم جميعا وبصراحة أنا خربت الرموت يوم جيت أفكه ما أدري وش السالفه ، المهم رحت لمحل مفاتيح شباب سعوديين فيه حاولوا في الرموت قالوا مالك إلا جديد وجابوا لي رموت بس من دون شريحة التشغيل وركبوا الرموت الجديد وشريحتي القديمة ومفتاح من عندهم وبرمجوه ب 500 ريال ..بس بيني وبينكم أنا ما تنبهت عن الشريحة أحس إنهم لعبوا علي لأن شريحتي القديمة شغاله ما جابوا لي شريحة جديده ورحت أمس للوكالة ولقيتهم مسكرين ..بليز طمنوني لا يصيرون لعبوا علي راح أقلبها هوشه معاهم:mad: