زيارتي لصيانة البسامي..وردهم علي..

بسم الله الرحمن الرحيم

السلام عليكم ورحمة الله وبركاته

اخواني ابي شوركم في الموضوع
انا رحت الوكاله اليوم العصر ورجعت منهم وضغطي مرتفع وكتبت هالموضوع

صراحه شي يقهر اول ماتجي تبي تشترري السياره يشيلونك لو بعيونهم وبعدها دور لهالدلع
المهم الموضوع:
رحت اليوم صيانة 40000 كم وقال شغل اليد 550 من غير قطع الغيار للي تحتاج تغيير قلت ماشي مافي مشكله
بعدين علمتهم بالمشكلتين اللي سمعت انها عالضمان
1/ الهوبات 2/ تقشر الدركسون

وفاجاؤوني بالرد: احنا مانسوي اي شي عالضمان

رحت وكلمت وكالة جده وردو علي ماندري لانه موزع البسامي وليس وكيل

فبطلت اسوي الصيانه فتكفون دلوني الهوبات جننتني لما اسحب فرامل انواع الاصوات تقول حديد في حديد وبكل بروده يقولون مايغيرها الضمان عندنا رح جيزان او جده << لاني في ابها
فما ادري وش اسوي شوروني.انتظركم:(:(

ماحد رد للحين:mad:
طيب عندي سؤال ثاني عشان ماافتح موضوع جديد
دبة الاكورد 03-04-05 تركب على 07 والا لا:(

والله انا اشوف انك لو تاخذهم بالسياسه !! احس احسن ،، يعني تاخذهم حبه حبه وتقولهم المفروض هذي عالضمان و و و و

ماتقولهم كانه شيء الزامي :confused:

بعدين اتوقع الهوبات عندك مافيها شيء،، يبغالك تغير اقشمه << مثل حالتي

والاقمشه تاخذها بحسابك

تحياتي

اقتباس:

---

المشاركة الأصلية كتبت بواسطة أسير المشاعر

والله انا اشوف انك لو تاخذهم بالسياسه !! احس احسن ،، يعني تاخذهم حبه حبه وتقولهم المفروض هذي عالضمان و و و و

ماتقولهم كانه شيء الزامي :confused:

بعدين اتوقع الهوبات عندك مافيها شيء،، يبغالك تغير اقشمه << مثل حالتي

والاقمشه تاخذها بحسابك

تحياتي

---

يعطيك العافيه اسير عالرد
وابداء رايك
ماتنفع معاهم السياسه ماينفع الا العين الحمرا :mad:
بالنسبه للاقمشه جديده انا مغيرها في شهر ثمانيه وخارط الهوبات بعد ولما شاف الاقمشه قال باقي جديده
يعني مو السبب الاقمشه ومشكور

تبي تركب دبة 2005 على 2007 ؟ :)

اذا ناوي كذا خلينا نبدل أنا وياك ولا تعب نفسك وتشتري :d

اقتباس:

---

المشاركة الأصلية كتبت بواسطة MaLiK1987

تبي تركب دبة 2005 على 2007 ؟ :)

اذا ناوي كذا خلينا نبدل أنا وياك ولا تعب نفسك وتشتري :d

---

ههههههههههه

انا مجرد سؤال سالت ومو القصه اركبها القصه بس هل تشبهها والا في اختلاف طبعا بابادلك بس بدون قطعة النكيل:d لانها ب 280 ريال :(

يالله مشكور بس هل تشبهها والا لا

دبة الاكورد 2003 الى 2007 نفس الشكل والحجم بالضبط ... اللي يختلف النيكل بس

بالنسبة لمشكلة الصيانة ... اتوقع شي اكيد ان (موزع) ما يسو شي ع الضمان .... الضمان من الوكالة ... فـ الله يعينك وتشوف اقرب وكالة عبدالله هاشم وتروح تشوف السالفة معاهم ...

اقتباس:

---

المشاركة الأصلية كتبت بواسطة محجوب

دبة الاكورد 2003 الى 2007 نفس الشكل والحجم بالضبط ... اللي يختلف النيكل بس

بالنسبة لمشكلة الصيانة ... اتوقع شي اكيد ان (موزع) ما يسو شي ع الضمان .... الضمان من الوكالة ... فـ الله يعينك وتشوف اقرب وكالة عبدالله هاشم وتروح تشوف السالفة معاهم ...

---

يعطيك الف عافيه يالغالي لاني فريت التشاليح اللي عندنا كلها مافيه الا 2005 فقط وانا ابي اركبها يسار لان اللي مركبها اول مو جايه تمام اللي يشوفها يبين الاختلاف ويعطيك العافيه;)

وعليكم السلام
فعلاً نفس المشكله عندي
احتكاك حديد بحديد وخاصة اذا انا ماشي خفيف يعني 10 او 20 تسمع صوت زكزكة (احتكاك) حديد بالفعل
هذه من احد المشاكل المصنعيه في الأكورد الله يعين عليها .

رجعت لكم بعد الاجازه وباسئلتي اللي تغث :(

انا كلمت وكالة عبدالله هاشم في جيزان بخصوص الدركسون وقالو لازم تغيره انت يمكنك كاب عليه عطر والا ماده منظفه ولعبت فيه
وجحدوني وش اسوي فيهم
الدركسون شكله يفشل والله :mad:

والله انا سيارتي لسا جديده واسمع صوت في الفرامل العيب من الأكورد نفسها وانا اعرف واحد غير الهوبات على الضمان في المدينه المنوره

الله يعينك اخوي ..

غريبة والله .. انا رحت لهم عشان مشكلة الحذفة .. وطلع معاي الفني ..

مع ان ما عندهم سالفة ,, إلا انه ما رفض يصلحها عالضمان ,, والزبدة ان الحذفه لا زالت .. :confused:

..

وترى فرع جيزان اخيس واخيس .. إذا نويت تروح وكالة .. اطلع جده افضل لك .. ولا الرياض فرع خريص ..

..

تحيتي ..

بخصوص تقشر الدركسون الاعضاء اللي صارت لهم غيروة على الضمان في وكالة الرياض وجدة ..

ياخوان الي عندهم الحدفه على اليمين لا يوديها الوكاله لأنها طبيعيه كل الاكوردات فيها الحدفه وصوت الفرامل
وجميع السيارات الجديده تقريبا فيها الحدفه والله انا سمعت انها من السلامه انها تحدف يمين

اقتباس:

---

المشاركة الأصلية كتبت بواسطة Acoord2009

ياخوان الي عندهم الحدفه على اليمين لا يوديها الوكاله لأنها طبيعيه كل الاكوردات فيها الحدفه وصوت الفرامل
وجميع السيارات الجديده تقريبا فيها الحدفه والله انا سمعت انها من السلامه انها تحدف يمين

---

^^ امممممم يعني من السلامة اذا فكيت الطارة اخش في اقرب عمود ؟ ^^


جاري التحميل ،،،




جاري التحميل ،،،




عقلي يقول : system error

طيب اخوي كوكو كورد كيف تفيدني للحدفه وصوت الفرامل (صفير)

اقتباس:

---

^^ امممممم يعني من السلامة اذا فكيت الطارة اخش في اقرب عمود ؟ ^^


جاري التحميل ،،،




جاري التحميل ،،،




عقلي يقول : system error

---

:rolleyes:

طيب وش اقول للوكاله عشان يغيرونه لي وربي شكلها يفشل
تقول لها عشر سنوات معي :mad:
اروح اتهاوش وياهم يعني
بعدين اروح الرياض او جده والله تعرف مشغول في الدراسه ويالله اني اروح الوكاله هنا باقي اطلع جده :(
يعطيكم العافيه