أكورد 2007 ماتشتغل فزعتكم

السلام عليكم ورحمة الله وبركاته
عندي أكورد 2007 جيت اشغلها مااشتغلت لما أدق سلف يطلع صوت زي صوت المروحة
والبطارية توها جديدة والانوار والبوري والمسجل كلها شغالة
بس أمس غيرت نوع البنزين من95 الى 91 معقولة يكون هوه سبب المشكلة

وعليكم السلام ورحمة الله وبركاته ,,

غير معقول أبدا ان يكون السبب هو تغيير البنزين من 95 الى 91 .. لكن المشكله بصراحه غريبه وانا اتوقع انها بسيطه جدا لكن ما انبتهت لها ,,

ان شاء الله تتيسر امورك وتنحل المشكله بأسرع وقت .,

حسب كلامك انك تسمع صوت مثل المروحة وقت التشغيل هذا اعتقد عندك السلف يدور لحالة مايلقم

اكورداوي والمباشر

مشكورين على التفاعل

طيب وش الحل يا اخ المباشر اذا كانت المشكلة بالسلف؟

و وين ممكن أصلحه؟

ممكن طرمبة البنزين ..

هل فيه صوت ( ززززززززززز ) عند تشغيل السويتش ..

إذا فيه فهو الطرمبة ممتازة ..


ولو مافيه ادخل تحت السيارة وحاول تضرب تانكي البنزين بعصى لعله يفيد
>> مجرب معاي يوكون 98م بسبب البنزين الخايس الجديد:mad:

تأكد إن القـير في الوضـع P

:)

هلا ابو عزوز

فيه صوت اذا اشتغل السويتش


just 4 you

القير على d

دلوني على ورشه ممتازة في الرياض

مشكورين

^^^^^^^^^


أنا صارت لي نفس مشكلتك ب 2008 لاكن انا كنت جالس أركب على سياره جهاز vsd حق زيادة الكهرباء

وحرق بعض الأشياء:d ووديتها الوكالة بسطحه وبدلولي فيوزات أساسية قيمتها في حدود 400 ريال

حبيبي جيب لك كهربائي ممتاز وشغله نظيف وخله يشوف السيارة ويشيك على الفيوزات مثل ماقال اخوي سراج ويشيك السلف وبيعطيك الخبر الأكيد

انا كان عندي جراند ماركيز صار لي مثل هالحركة وجبت كهربائي ورفع السيارة عند البيت وفك السلف واخذه للمحل وضبطه ورجعنا وركبه لي وكل شي تمام ..

طبعآ مادري المشكلة عندك بتكون من السلف ولا من غيره والأفضل مثل ماقلت لك تجيب كهربائي وتخليه يشوف المشكلة وش هي

طبعآ راح يكلفك شوي بسبب انك طلعته من المحل واذا ماأشتغل على السيارة لاتدفع له شي

قد تكون فحمات السلف :)
لأنه صارت لي نفس مشكلتك وغيرت فحمات السلف وظبطت 100%

تحصل الموضوع اللي طرحت فيه المشكله وحلها من ضمن مواضيعي ابحث عنه لاهنت .