وكالة عبدالله هاشم يتصلون بزبائنهم [ غريبه ]
السلام عليكم ورحمه الله وبركاته ..
شخبــآركم شبـآب ، عسـآكم مرتـآحين ؟
الحقيقه موضوعي اليوم كتبته على السريـع ، وبما ان السالفه توها صارت لي الآن
قلت اطرحها وتستفيدون منهــآ ! .. قبل يومين سويت صيـآنه 20,000 كيلو لسيآرتي ،
وطبعاً كالعاده ، أعطي موظف الخدمه السريعه ، ملاحظاتي حول السياره وإذا فيه شي يحتاج إصلاح بسيط !
وديتها تقريباً الساعه 7,25 صباحاً ووصلتني رساله منهم بأن السياره جاهزه تقريباً الساعه 4,15 عصراً ..
أخذت السياره والحمد لله أغلب ملاحظاتي تم حلها ومنها .. البوري ، تربيط ، رجه خفيفه فوق الـ 120 ، فحمات ..
نوعاً ما بإعتقادي هالمشاكل بأغلب الأكورد الجديده ، !! ولله الحمد راضي رضا كبير على كل شي ..
http://ggc-directory.com/cp/upload/9106abdhashim.jpg
الي إستغربت منه ودعاني أكتب هالموضوع ، هو اليوم بعد مرور يومين على هالكلام .. جاني إتصال !!
رقم الوكاله !! غريبه ، الو مين ؟ قال الاخ عمر ، قلت نعم آمر اخوي ، قال معك موظف الصيانه السريعه .. الخ
انت سويت صيانه عندنا ، ما أدري عندك ملاحظات ؟؟ شلون خدمة الشباب معاك ؟ رأيك بالأسعار ؟؟
انا كان عندي صوت بالدركسون اذا لفيت يمين او يسار احس انه مع البرد طلع ، وصوت خفيف مره
غير كذا بعض المشاكل الصغيره ، ووعدني متى ما جيت أروح لنفس الموظف الي جيته لأنه راح يكتب
له ملاحظاتي ويوصيه يشوف حلهـــآ !!
ومن ضمن ما قاله كـ نقاط سريعه :
* اسعار الصيانه ما فيها أي تغير !
* اسعار السيارات لن تنخفض بل بالعكس سترتفع بنسبه 3 % تقريباً
* سيارات جديده سوف تطرح قريباً ، مثل الجاز والليجيند .. وسعر الليجيند تقريباً 160 الف !!!!
يعني هذي بعض اسألتي له حول الجديد لعبدالله هاشم ، والصراحه اسلوب الموظف راقي جداً
وواقعي .. خاصه حول الأزمه الإقتصاديه الي تمر فيها الشركات ونفى إن يكون هناك تأثير لديهم ..
،،،،،
الحقيقه ما توقعت اتصال الموظف وبعدين من متى عبدالله هاشم يهتمون برأي الزباين حَول الاسعار والخدمه !
هل لاحظو عزوف الزباين ، فـ ابتكرو طريقه لجذبهم ؟ أو إن هالاتصال شي عادي وقديم !!
حبيت اشوف ردودكم وآرائكم ،
عمر
