من يبي يعرف ليش تركت الصيانة في الوكالة؟!
مرحبا شباب ... بقولكم سالفة صارت لي مع وكالة النصب
الكل كان يحذرني من الوكالة و إنهم بس يعملوا من الحبة قبة
لكن انا فرحان في سيارتي جديدة و خايف عليها والكلام الكثير
المهم انا قطعت علاقتي نهائياً مع الوكالة بعد صيانة الـ 80 ألف
و انا بقولكم الموقف و انتوا احكموا ....
طبعاً انا قبلها كنت عامل عندهم صيانة المسافات التالية
الألف كيلوا المجانية
الـ 5000
الـ 10000
الـ 20000
الـ 400000
و الآن جاء دور الـ 80ألف
حجزت موعد و حددوا لي بعد 10 أيام
و هنا نقطة مهمة حجز الموعد أنا واحد مو فاضي عندي جامعة و مشغول و ضغط
و ما أقدر كل يوم و الثاني أنطنط لهم و المفروض يستقبلوا السيارة اي وقت
المهم رحت الوكالة و استقبلني سعودي كأني أطر منه فلوس و قلت له بالحرف الواحد
(( بعطيك فلوس بس عدل أخلاقك معاي )) صار بيني و بينه ((توتش))
آخرتها رحت للهندي الي فعلاً بغيت إني أذبحه الي يسحبني ولد الوليد و عندي ملايين
على أقل شي يقولي هذا تبديل و كأني أهبل ما أفهم شي! تخيلوا نور السقف حرقان
يقولي هذا حساس و يبي له تبديل!؟!؟ الهرن واحد منهم فاصل يقولي الاثنين لازم تبديل
المهم سلمت السيارة الساعه 8:15 ... ركزوا على الوقت لأنه بيت القصيد
وصلت عند كوبري الـ DHL إلا الوكالة متصلين بي يقولوا سيارتك تكلف 2450ريال
قلت له بالحرف الواحد و اعذروني انتم أكرم و أعز منهم
((يا ك.. لو تعملوا شي في السيارة اليوم أعملك مصيبة في الوكالة))
و رحت الوكالة بدون أي تفاهم و سحبت السيارة بدون أي تفاهم
هذا مو قمة النصب و الإحتيال؟! استغلال؟! شفط و مص دم الشعب المسكين؟!
و بقولكم شيء ثاني ... تذكروا سالفة ماصورة الدركسون؟!
رحت لهم يوم طلعت السالفة و أعرف ناس غيروا الماصورة سيارات 2005
رحت لهم و كان وقتها سيارتي ماشية 27 ألف إلا يقولي الهندي الحقير بكل وقاحة
((هذا كلام فاضي و هذي إشاعات مطلعينها على هوندا و كل شي تمام)) اقتنعت!
وقتها كنت مخطط إني أترك الصيانة لأني أمشي بالسيارة كثيرة
و يعني ما أقدر أجمع فلوس الصيانة و أنا في الأسبوع يمكن اقطع ألف كيلوا!
لكن واحد قالي إنه صيانة الـ 40 ألف مهمة فيها بواجي و زيت الجير و شغلات ثانية
عملت الصيانة و أشوفه السعودي كاتب ((+ الماصورة)) فسألته شنو هذا ؟!
فقالي السالفة كلها و إنه هذا تتحمله الشركة
و هذي قصتي ليش قطعت العلاقة مع الوكالة الحرامية النصابية الغشاشين
للمعلومية أنا كرهت سيارتي بسبب الوكالة السخيفة و لكن يعلم الله
إني لما عرفت هذا المنتدى الرائع حبيت السيارة أكثر و أكثر
خصوصاً بسبب الأخ العزيز كوكو كورد :o
