عرض للطباعة
السلام عليكم اخواني اعضاء المنتدى
جاتني مشكلة غريبه علي
اول ما صحيت من النوم بروح الدوام كان الجو بارد جداً في الدمام
رحت اشغل السيارة
طبعاً شغلت السيارة وحميتها
ولكن المفاجئه!!!
اني ابي اعشق القير مو راضي يتعشق حاولت
طبعا السياره اتوماتيك ومخليها على P :mad:
طبعا ً انا الحين اواجه هذه المشكلة امهاوش ويا القير حسبي الله عليه
في رئيكم شنو المشكلة وشنو حلها ؟؟؟؟
طبعاً هاذي اول مشاركة لي في هذا المنتدى الراقي
وارجو اني ما طولت عليكم :d
هذي مشكله في العصا نفسها مصلّبه ,, وبسيطه حلها لأن لها طريقه ثانيه تحركها لكن بصراحه ماجربتها من قبل عشان كذا ماني عارف طريقتها في الأكورد ..
ان شاء الله يدخل أحد عارف لها ,
مشكور اخوي اكورداوي
على تجاوبك معاي
بردت قلبي اشوي بس ننتظر احد يعرف للمشكلة اكثر ويعلمنا الحل :)
في طريقة حاول تجربها و إنشالله تضبط معاك ...
يمكن عصا القير صح مصلبة لكن الفاصل حق القير يتحرك و لا لأ ؟
المهم : في بجنب القير على اليسار و في نفس المربع الأسود حق الفير فتحة صغيرة لتأمين القير , تقدر تجيب منديل أو منشفة ناعمة و تفتحها بمفك عشان لا يتجرح الديكور .
المهم بعد ما تفتحها , أدخل فيها مفتاح السيارة و أتركه فترة كدا حق دقيقة .
بعدين خرج المفتاح و شغل السيارة و حاول تحرك القير و إنشالله تضبط معاك .
بانتظار ردك بعد تجربة الطريقة .
مشكور اخوي اكورد على المعلومة اذا رحت البيت راح اجرب الطريقة وانشاء الله راح ارد الخبر مباشرة
:)
^^ اضغط فرامل ،، واضغط زر القير ودفة على قدام جهة الدرج ثم حركة عادي للـR ولا D ^^
واذا ماضبطت جرب الشرح بالفيديو خصيصاً لك ،،
http://www.youtube.com/watch?v=5wBUs22YMyE
^^ بيشتغل الفيديو بعد 10 دقاذق تقريباً توة مرفوع ع اليوتوب ،، ^^
تحياتي / واحد طفشان ،،
^^^^^^^^^^^^^^^^^^
انت كذا:cool::cool:
^^ الطفش ياصديقي الطففففففففففففش وما يسوي يخليك تسوي اللي ما يتسوا <<< جبت مثل بعد !!
اخوي احتمال يكون الفيوز عندك انحرق لأنو صارت لواحد من الشباب عشان مركب كشافات ولاعب شويا في الكهربا
ههههههههههه
ياجماعة شكل السياره ماخذه برد
ابشركم اول ما رحت البيت سميت بالله وشغلت السياره وحركت القير بشويش
والحمد لله استعدلت
انشاء الله ما تاخذ برد مره ثانية :d
يا اخ كوكو كورد سؤال .؟
كيف فكيت الديكون بهذه السهولة ؟!
وطيب ايش فايدة القطيعة الصغيرة الي بجنب القير ؟ اظنها توديك الى نفس الزر الي انت ضاغطنه.!
اخوي صاحب الموضوع ,, انا من سكان الظهران ومعايا اكورد 2006 واليوم الساعه 6 الصباح نفس المشكله صارت معايا
القير مو راضي يعشق :(
مادري ياشباب هل هي مشكله او عيب في السياره ؟؟ احد يفيدنا
يا جماعة انا واجهتني هذي المشكلة مرتين هذا الاسبوع
الصباح ما اقدر اعشق القير
سيارتي اكورد 2006
الرجاء افادتنا بالحل
وشكررا
ياشباب هاذي المشكلة واجهتني لازم يكون معاك سكين عشان تضغط زر الامان وراح يعشق معاك والمشكلة راح تحصله من حساس منظم الهواء قيمته 370 ريال والسلام
مشكور اخوي على ردك
ابسالك وين اغير حساس منظم الهواء ؟ في الوكاله ولا فيه ورشه كويسه في الرياض اقدر اغير عندهم الحساس؟
فديتك انا الهوى شرقي يعني من الشرقية اصلا بالوكالة ماراح تحصله يباع لحاله لازم مع القطعة كاملة عشان كذا حاول تحصل ورش خاصة بالهوندا عندكم وراح تحصله عندكم