اكورد 2002 سبشل

ياجماعة الخير مشكلتي صارلها 3 سنوات وانه مب عارف الحل، أرجو من الأعضاء المساعدة

المشكلة هي الرجة في السيارة، تكون الرجه موجودة لما تكون السياره في الـ n أو الـ p ،، آنه مب عارف هل الكراسي ولا المشكلة كهربائية؟؟؟ لأن أمبير الـ Rpm (الضغط) لما تكون السيارة في الـ n أو الـ p يلعب فوق و تحت (ينزل عن الواحد و يرجع يصعد له)؟؟!!!! و لما تكون السياره في نفس هذي النمر و تكون الرجه موجوده وقمت آنه و ضغطت على البنزين لمده ثانيه او ثانيتين و شلت رجلي (تقوم السياره تطفي!!!؟؟؟؟؟)..

فيا جماعة الخير في أحد صادفته هالمشكلة، لاتبخلون علي بالرد

ألف شكر

شباب الي عنده أكورد من سنة 1998 إلى 2002
يقدر يرد علي لأني أعتقد نفس الشي

اللي اعرفه ان الرجه يكون السبب كراسي المكينه :)

مرحبا . . . أنا بالنسبة لي ما عندي خبرة كبيرة في السيارات . . . بس مرة واجهة مشكلة أمبير الضغط لما يلعب فوق وتحت والسيارة وهي واقفه . . . حتى كانت بعض الأحيان أحسن بدفة بسيطة وهي تمشي على خفيف يعني تحت 60 . . . ولما رحت وديتها للورشة شفته راح وطلّع قطعة كهربائية في الجهة الخلفية من المكينة . . . أعتقد كان اسمها (منظم الهواء) بس شاله ونظفه من الغبار . . . لأني بصراحة هالك السيارة على الخط رايح جاي . . .

هذا الي أعرفه . . . لكن الإخوان أكيد راح يفيدوك أكثر . . . :)

شكرا للي ردو علي،، آنه قالي الهندي الي فالورشه يمكن فلتر الهوى!! بس مادش مخي الكلام الي قاله، بس الحين أنت أكدتلي الموضوع، فبرجع له عشان يتأكد،،

عالعموم الي عنده أعتقاد ولا أقتراح لايتردد و قوله

قد صارت لي بس نسيت وش الحل ..
المهم لاتنسى

البواجي + تنظيف فلتر هوا او تغييره + لاتنسى تروح لاكثر من ميكانيكي وكهربائي وطباخ
لاتروح لواحد يتعلم على سيارتكـ

عفيا عليك يامحمد يوم أحتجناها نسيتها :cool:

بس سمحولي يا شباب يعني شنو "البواجي" :o قولوها بالبحريني عشان أفهمها

شمعات احتراق = البواجي

وبرضو زي ماقالو الشباب منظم الهواء>>يبيله تشييكـ

البواجي نسميها بالبحريني
"البلكات"

:)

انت برياض يابعدي اذا برياض تعال لي برايفت وبرسلك لـ باكستاني شغلته بس الاكورد الي من الـ 98 الى 2002 انا وربي جربته بـ الحساسات ومره جربته بـ تسسسرب المويه من المكينه شوف منت خسران شي اذا برياض تعال لي برايفت اعطيك جواله

شوف حبيبي انا معي اكورد2002 وصارتلي نفس المشكله ورحت غيرت بواجي وسويت تنظيف بخاخات وغيرت فلتر البنزين الي موجود وسط التانكي ونظفلي التانكي ورجع الموتر وكاله <<<<هذا كله تسويه اذا انك متاكد ان الكهرباء ما فيها شي والله اعلم

أمممم، أنزين هل تنظيف الفلتر الي فالتانكي صعب ولا سهل، يعني يكلف؟ يطول؟

آنه الحين أبي أغير بعض الأمور مثل :

Timing Belt
2- Balance Belt
3- Tensional Bearing
4- Balance Bearing
5- Coil Seal
6- Crank Seal
7- Oil Pump Seal
8- Cooleut

لأن قالي الي بالوكالة أن هالأمور لازم تتبدل بعد 80 أو ال100 ألف
فشرايكم يا شباب ، هل كلامة صحيح، و هل هالأشياء هي الي مسببة المشكلة؟؟