شرائح Led للاصطبات الخلفية والاشاره 350 ريال فقط لحق

اخواني

السلام عليكم رحمة الله وبركاته

اليوم عندي زياره الغرابي كنت عند محل ابن الأمير للتنجيد الرياض الغرابي بجوار مؤسسة صل
هاتف 014040511
تفصيل شرائح ال دي للاسيارات اى نوع كان تريد تركيبها عليها صراحه
طبعا يفك الاصطبات الخلفيه حق سيارتك وصمم عليها صراحه عجبتنى الحركه بس قلت اركب او لا قلت بعدين عشان انا مش فاضي ولكن لزم نخدم الشباب تستاهلون كل خير اخواني
اتصل قبل ما تروح عشان ترتاح

يقول الاشاره + السكن + لمبات الريوس = 350 ريال بس ما كسرت راسه قلت برسل لك زباين يالغالي
قال خلاص اذا رحت قل جايك من طرف ابو حمد
اذا اتصل قول واين المهندس عدلي عشان تنفخه :) ويراعيك

بالله تكسر أصطب الوكاله عشان ليد ؟؟

في إصطبات تجي جاهزه فيها ليد من دون توليف ولا شي ,,

صحيح غاليه بس أشوفها أفضل

#يعطيك العافيه أبو خالد"

:)

اقتباس:

---

المشاركة الأصلية كتبت بواسطة MaLiK1987

بالله تكسر أصطب الوكاله عشان ليد ؟؟

في إصطبات تجي جاهزه فيها ليد من دون توليف ولا شي ,,

صحيح غاليه بس أشوفها أفضل

#يعطيك العافيه أبو خالد"

:)

---

ما ازيد على كلام مآلك ، فعلاً يا اخ بريق .. لا تتهور وتركبها نصيحه أخ لأخيه .. وانت تقول انها تفصيل
يعني يفك اصطب الوكاله ويقعد يرقع فيها .. والأدهى والأمر من كذا أصبر عليها شهر والله وانا اخوك تخرب ..
وتقعد تفصل وحده ورا الثانيه الى ان يصير شكلها بــآيخ جداُ أصلن بدون خراب او تفكيك .. شكلها واضح انه ترهيـم !
وخذها قاعده الأشياء الي فيها كهرباء وتفكيك وترهيم .. ما يجي سعرها رخيص إلا لأنها بخيسه وما تستاهل أي ريال ..
الي أبي اوصله لك .. لا تركبها لو بلاش .. وصدقني اصحاب الهوندا معروف دائماً لهم ذوق ونظره خاصه .. عكس غيرهم ..
وانت اكيـد منهم .. :o

حياك الله اخوي مالك وعمر :)

صراحه قلت عطيكم خبر تروح تشتري من التشليح او تجاري :cool: وترهم لها ايش قلت وتخلي حق الوكاله على جانب :)

فكره او ايش تقولون

'
'
'

وعليكم السلام ورحمة الله وبركاته

انا اشوف
مَن كان لديه رغبه في تركيبها
يشتريها جاهزهـ، مِن السوق افضل

1- لحفظ اسطب بلدها كما هو عليه
2- توفير على نفسه تعب التشليح والمبلغ اللي بيدفعه بيكلفه نفس مبلغ الاسطب الجاهز في السوق

دمــ تَ
بــ ود

لي تجربة مريرة مع ذا المحل ابن الامير ..

لا يركب لكم اي شي الا لين يعطيكم معلومات كاملة ووافية ..

قبل كم سنة على ايام احد الاكوردات اللي كانت معي:rolleyes:
واحد من اخوياي عطاني زينون مفكوك من BMW وكنت انسان ما اعرف وش مكاس الشمعة ولا نوع الشمعة ولا بطيخ ..
رحت عند ذا المحل (( آآة حنركبهولك )) <<<< احد فهم شي ؟ يعني اية نركبة لك ..

وانا مالي دخل قاعد اكلم جوال الا يقول لي وهو في نص الشغل ... طبعاً دي اللمبة مش نفس مقاس لمبات الوكالة ،، فركبتها لك بغرا (سيلكون) <<< طبعاً ركب الاولى وكلمني وهو في الثانية !!!:mad:
اقسم بالله حقدت علية ،، ليش ماعلمني قبل بداية الشغل ؟؟... بالعقل اذا فيها تركيب غرا وانا جاية العصر مافية امل تصير موزونة !!! خلاص طاح الفاس بالراس ،،، في الليل وحدة موزونة والثانية موجهة على الطيارات !!

3 ايام ورجعت لة يفكها ... وركبت لمبات حقت الوكالة وركب وحدة مضبوط والثانية صايرة مخلخلة ،،،

المحل جداً مشهور بالمصري اللي فية وان شغلة ممتاز وهذا اللحصل لي ..

احرصوا اللي بيركب اي شي في اي محل ياخد معلومات كاملة ووافية عن طريقة التركيب عشان لا ياخذ خابور مثلي ..

سبقنـي فيهآ برهوم ..
تشتري من والتشليح وتركب عند المحل تفصيل وترهم عليها .. وبالأخير تلقى نفسك دفعت مبلغ
اعلى من 1200 ريال الي هو سعر الاصطب Led بدون اي ترهيم وكأنها وكالها .. الأفضل برأيي ..
واسأل اخونا " الهنادي راس مالي " .. مركبها صح :)

عزيزي هذا مو اسمها ليد
هذي اسمها بربسه مالها داعي ^_^
نصحيه ياتركب شي مضبوط او لا تلعب في سيارتك

اقتباس:

---

المشاركة الأصلية كتبت بواسطة كوكو كورد

في الليل وحدة موزونة والثانية موجهة على الطيارات !!

---

:d :d

اقتباس:

---

المشاركة الأصلية كتبت بواسطة كوكو كورد

لي تجربة مريرة مع ذا المحل ابن الامير ..

لا يركب لكم اي شي الا لين يعطيكم معلومات كاملة ووافية ..

قبل كم سنة على ايام احد الاكوردات اللي كانت معي:rolleyes:
واحد من اخوياي عطاني زينون مفكوك من BMW وكنت انسان ما اعرف وش مكاس الشمعة ولا نوع الشمعة ولا بطيخ ..
رحت عند ذا المحل (( آآة حنركبهولك )) <<<< احد فهم شي ؟ يعني اية نركبة لك ..

وانا مالي دخل قاعد اكلم جوال الا يقول لي وهو في نص الشغل ... طبعاً دي اللمبة مش نفس مقاس لمبات الوكالة ،، فركبتها لك بغرا (سيلكون) <<< طبعاً ركب الاولى وكلمني وهو في الثانية !!!:mad:
اقسم بالله حقدت علية ،، ليش ماعلمني قبل بداية الشغل ؟؟... بالعقل اذا فيها تركيب غرا وانا جاية العصر مافية امل تصير موزونة !!! خلاص طاح الفاس بالراس ،،، في الليل وحدة موزونة والثانية موجهة على الطيارات !!

3 ايام ورجعت لة يفكها ... وركبت لمبات حقت الوكالة وركب وحدة مضبوط والثانية صايرة مخلخلة ،،،

المحل جداً مشهور بالمصري اللي فية وان شغلة ممتاز وهذا اللحصل لي ..

احرصوا اللي بيركب اي شي في اي محل ياخد معلومات كاملة ووافية عن طريقة التركيب عشان لا ياخذ خابور مثلي ..

---

الله يهديك يعنى قبل ما تقول على شئ تسأل الفضل وبعدين ما قلتنا الحذر من هذا المحل :)

انا قول لك قصه مع الجنوط والحركات

بعد ما بحث في المنتدى وعرفت الاصلي والتجاري وكم سعرها في الوكاله وغيرها
راحت للغرابي واخذت الجنوط الاصلي 1800 غالي بس شئ اصلي مقاس16 وكل بنشري يقول 2000 او 2500 وكلها صينى ولكن اخذنا الاصلي بس حلو
يقول بشتري الجنوطك قلت كم قال 400 ريال مع الطيس :eek: قال اقول ركبها الله يرضى عليك وتسلم ما قصرت
قال مش تستفيد منها قلت ما قصرت يلعب علي يعنى الواحد 100 ريال في الوكاله قيمه الحبه800
حتى نحطها زينه في البيت خله تقعد

بالعربي لازم تسأل قبل كل شئ مش تروح تشتري على طول يا حلو :) وهذاك تعلمت يالغالي

مادري يا شباب اشفيكم على الرجال

انتوا خلكم على شكل الوكالة و احنا خلونا على التعديل :cool:

أنا لي نية أركب ليد و يعطيك العافية أخوي :d

عزيزي Blk
بالعكس احنا مو ضد التعديل
لكن اللي نقصده فيه اسطبات ليد جاهزه وشكلها ليد فعلاً
اما سالفة تخريم الاسطب مع الخلف وتلزيق لمبات صغيره في الاسطب ( يقالك انها ليد )
ما انصح فيها ابداً
أولاً تتسرب المويه مع الغسيل
ثانياً بعد فتره تحترق كم لمبة صغيره ويطلع شكل السياره تحححفه
ثالثاً فيها لعب بكهربا السياره

وهذي النقاط شفتها بنفسي بعد ما سواها أحد الشباب ( لومينا 2005 )

اقتباس:

---

المشاركة الأصلية كتبت بواسطة blk

مادري يا شباب اشفيكم على الرجال

انتوا خلكم على شكل الوكالة و احنا خلونا على التعديل :cool:

أنا لي نية أركب ليد و يعطيك العافية أخوي :d

---

الله يرضى عليك اخوي ما قصرت بس الشباب خلهم يطلعون الا بخاطرهم :) لا ترص عليهم

عشان الواحد يستفيد من التجارب الاخرين ;)

تسلم ما قصرت على ردك يالغالي

اقتباس:

---

المشاركة الأصلية كتبت بواسطة أسد

عزيزي Blk
بالعكس احنا مو ضد التعديل
لكن اللي نقصده فيه اسطبات ليد جاهزه وشكلها ليد فعلاً
اما سالفة تخريم الاسطب مع الخلف وتلزيق لمبات صغيره في الاسطب ( يقالك انها ليد )
ما انصح فيها ابداً
أولاً تتسرب المويه مع الغسيل
ثانياً بعد فتره تحترق كم لمبة صغيره ويطلع شكل السياره تحححفه
ثالثاً فيها لعب بكهربا السياره

وهذي النقاط شفتها بنفسي بعد ما سواها أحد الشباب ( لومينا 2005 )

---

و أنا مو ضد كلامكم يا عزيزي

ترى اسطابات الليد الجاهزة هذي كلها تجارية !

و التخريم الي تتكلم عنه سواه كثير كثير من المعدلين على مستوى المملكة !

أما تجربة صاحبك فــهي تدل على إن المحل الي سواها فيه سيء جداً و المفروض يحاسبهم !

أو إنه سواها بنفسه و ما ضبطت !

في كل الحالتين هو الملام


و المعذرة على الإزعاج :)

اللي ماوده يضحي باسطب الوكالة اشتر اسطبات تجاريه ورهم عليها :)

يااخوان ترى اسطب الوكاله ارخص من التجاري وشريته بمبلغ " 243 " ريال فقط بعد الخصم :d

اقتباس:

---

المشاركة الأصلية كتبت بواسطة بوعبدالله

يااخوان ترى اسطب الوكاله ارخص من التجاري وشريته بمبلغ " 243 " ريال فقط بعد الخصم :d

---

يعنى تكلفت الاثنين بس 243+243=486 للسطبات +350=836

يعنى ارخص من 1200 ريال - 836= 364 توفير :) تسلم ما قصرت يالغالي

ممكن احد يسأل عن التجاري على كم يا شباب :) ونشتري ونرهم ونجرب عطوني خبر على كم يا شباب الرياض