استهلاك البنزين ... أكورد 2008

السلام عليكم

أنا معي أكورد 2008 واعبيها بنزين 95 وماشية الان 17000

انا دايما اعبي فل و طريقة استخدامي للسيارة بحكم اني ساكن في جدة

دائما مشاوير داخل جدة والزحمة

ومشواير الجامعة كل يوم من شمال جدة إلى الجامعة حوالي 23 كيلو رايح و 23 كيلو جاي لمدة 5 أياام بسرعات مختلفة لأنه خط سريع 100 - 120 - 140 - 160 >>> لا يكثر :mad:

المهم تقريبا يمشيني البنزين 500 كيلو أ, 450 أ, 400 تقريبا

فما أدري هل هذا طبيعي ؟؟


لأني قاري في موضوع قبل كذا انه المفروض الأكورد تمشيك التانكي فل 600 كيلو


انتظر أرأئكم يا شباب وإلا سيارته تستهلك زي يقولي ؟؟

الشيء الثاني كيف افحص السيارة واعرف انها ما تستهلك عشان اطمئن ؟؟؟

أخوي , fouade .
طبعا و أكيد مثل ما تعرف إن السيارة تستهلك داخل المدينة بنزين أكثر من الطرق السريعة بمعدل يصل إلى الثلث أحياناً :eek: .
أنا مثلك بجدة يوميا أضرب مشوار للجامعة يقدر بـ 19 كيلومتر " بيتي قريب من التحلية " .
فأنا استهلاك سيارتي تقريبا نفس استهلاك سيارتك , و لا تنسى تانكي سيارتك جيد و يمشيك مسافة حلوة , يعني أنا يوميا أعبي بـ 10 ريال فقط , ما أحب أعطيها فل عشان لا تتشرب الطرمبة و تصير عندي مشاكل في تنظيم البنزين :) .

اقتباس:

---

المهم تقريبا يمشيني البنزين 500 كيلو أ, 450 أ, 400 تقريبا
فما أدري هل هذا طبيعي ؟؟

---

إيه هذا طبيعي على ما أعتقد , لأني نفس استهلاكك ;) .

و البنزين يستهلك على حسب سائق السيارة , و كل واحد و سواقته :d . يعني مثلا كوبري ولي العهد هذا يوميا أمشي فيه بسرعة لا تقل عن الـ 160 كلم / ساعة , و السبب إنه فاضي و نضيف , و أنطرب يوم أسمع صوت الإنتيك و الكنداسة و أنا فيه :cool: .

لا تخاف من البنزين استهلاكك جدا عادي و طبيعي بالنسبة للأكورد و مشاوير جدة , و لا تنسى إنك ساكن بالشمال و الجامعة بالجنوب .

حتى لو قلنا ان رجلك حاااااره ومع المكيف المفروض انها تمشيك اكثر من الـ 400 كلم

و الله أنا أشوفه طبيعي
لأنو سيارتي برضو تمشيني 400كيلو
و أحيانا أكثر بشوية إذا كنت معبي فل

اقتباس:

---

المشاركة الأصلية كتبت بواسطة accord 764

أخوي , fouade .
طبعا و أكيد مثل ما تعرف إن السيارة تستهلك داخل المدينة بنزين أكثر من الطرق السريعة بمعدل يصل إلى الثلث أحياناً :eek: .
أنا مثلك بجدة يوميا أضرب مشوار للجامعة يقدر بـ 19 كيلومتر " بيتي قريب من التحلية " .
فأنا استهلاك سيارتي تقريبا نفس استهلاك سيارتك , و لا تنسى تانكي سيارتك جيد و يمشيك مسافة حلوة , يعني أنا يوميا أعبي بـ 10 ريال فقط , ما أحب أعطيها فل عشان لا تتشرب الطرمبة و تصير عندي مشاكل في تنظيم البنزين :) .


إيه هذا طبيعي على ما أعتقد , لأني نفس استهلاكك ;) .

و البنزين يستهلك على حسب سائق السيارة , و كل واحد و سواقته :d . يعني مثلا كوبري ولي العهد هذا يوميا أمشي فيه بسرعة لا تقل عن الـ 160 كلم / ساعة , و السبب إنه فاضي و نضيف , و أنطرب يوم أسمع صوت الإنتيك و الكنداسة و أنا فيه :cool: .

لا تخاف من البنزين استهلاكك جدا عادي و طبيعي بالنسبة للأكورد و مشاوير جدة , و لا تنسى إنك ساكن بالشمال و الجامعة بالجنوب .

---

حبيبي لا تسرع ما دام انك في جامعتنا الموقرة فأكييد عاارف زحمة الخط السريع في الصباح .. تمشي و توقف 200 مرة

الحماس يجيك يوم تكون راجع من الجامعة تجيك السرعة

الله يستر علينا بس

بصراحة الموضوع طبيعي
وما احس انه في مشكلة
بس لو نزلت عن ال 400 في احتمال يكون في مشكلة
ولا هية عيارها من ال 400 إلى 550

اقتباس:

---

المشاركة الأصلية كتبت بواسطة accord 764

أخوي , fouade .
فأنا استهلاك سيارتي تقريبا نفس استهلاك سيارتك , و لا تنسى تانكي سيارتك جيد و يمشيك مسافة حلوة , يعني أنا يوميا أعبي بـ 10 ريال فقط , ما أحب أعطيها فل عشان لا تتشرب الطرمبة و تصير عندي مشاكل في تنظيم البنزين :) .


.

---

يعني اللي يعبي فل يمكن تتشرب عنده الطرمبه هذي جديده تحتاج توضيح اكثر

السلام عليكم

بالنسبة للبنزين عند الاعضاء حسب ماقريت الغالب منكم ما يوصله 500 كم

علشان كذا جربت احسب كم كيلو يمشيني البنزين في الخط او داخل المدينة ,,

والحمدلله يوصل 600 خارج المدينة و500 داخل المدينة حسب المشاوير ..
طبعا البنزين اللى استخدمه 91 ( الاخضر ) ..

عادي ياخوي صرفيتك حلوه تعتبر لا توسوس :)

وبعدين صرفية البنزين حسب السواق يعني في ناس تمشي السياره بريحة البنزين وفي ناس اذا الخط فاضي اعطاها القاز لين ماتسير قدامه سياره ويرفع رجله عن البنزين ويكبس فرامل ومايشيل رجله عن الفرامل الا واعطاها بنزين وطول الطريق وهو كذا هذا اكيد بتصرف معاه لكن لو سواقتك هاديه راح تكون صرفيتك حلوه

فلا توسوس معدل صرفيتك يعتبر حلو داخل المدينه