هوندا اكور 2010

السلام عليكم
جميعا
حبيت اسأل هل بتغير هوند اكورد 2010 او لا؟
لاني بصراحه بشتري هوندا اكورد 2009 وسمعت من بعض الشباب انها بتغير فى 2010
هل هذا صحيح
نرجو الافاده
وشكرااااااااااااااااااااااااا

وعليكم السلام ورحمة الله وبركاته

والله يالغالي انا سمعت وواحد من الشباب سمع الخبر , , ,

وبعدين بالآخير الخبر غير صحيح أتضح انه إشاعه

---------

وإذا تبي تشتري خذ لك أكورد 2009 وانت مغمض

وتوكل على الله

وإذا طلع الخبر صحيح بيع الأكورد 2009 وزيد عليها وخذ الجديده 2010

وممكن ماتعجبك مين يدري , , , الله أعلم

-------

بالتوفيق

اتوقع انهم راح يغيرون اشياء بسيطة

الله اعلم يمكن يغيرون مثل شكل 2006 و 2007 وتغيرت 2008

الله اعلم

ما اتوقع راح تتغير الا حاجات بسيطه يعني سطابات ليد مثلا او انوار يجي عليها زنون للأربعه سلندر مكيف ورا للأربعه سلندر حاجات بسيطه

ما اتوقع 2010 يغيرون فيها شي ... عادة الهوندا .. تنزل الشكل الجديد ويبقى تقريبا ثابت 3 سنوات ثم يغيروا فيه نص شكل ..
مثل الاكورد نفسها 2003-2004-2005 ثم غيروها نص شكل في 2006-2007 وبعدها شكل جديد بالكامل
مثل السيفيك نفسها 2006-2007-2008 ثم غيروها نص شكل في 2009

يعني الاكورد ما راح تتغير الا 2011 وما راح تتغير بالكامل ..بس نص شكل .. مثلا تتغير الخلفية او اصطبات ليد او شبك وجنوط جديدة وهكذا..

يا عمي اشتري 2009

واذا نزل موديل 2010 فيها الف حلال

الدنيا حلوه عيش يومك !!!!!!!


تحيتي

عزوز الرمنسي

^^ كلامك صحيح اخوي محجوب ^^
لكني اعتقد انة فية تغيير طفيف راح يحصل في 2010
لحظة شوي :
2003 - 2004 نفس بعض .
2005 اضافة الاشارات الجانبية في المرايات ، فل 4 سلندر اضافة المرايا القابلة للتعتيم ، اضافة تكاية رأس خلفية في الكرسي الاوسط .
2006 - 2007 تغيير الصدام الامامي والشبك ، الرفرفين الخلفية والاصطبات والليدات ، الجنوط ، vsa للفل 4 و 6 سلندر لون المسجل للفل 4 و6 سلندر .
2008 تغير بالكامل .
2009 - اضافة vsa لكل الفئات ، لون جديد .
2010 ؟؟؟؟
2011-2012 ؟؟؟

^^^^^^^^^^^^
ترى حتى 2003 تفرق عن 2004 بأن 2003 فيها لمبة الحزام في الطبلون لكن مافيها صوت جرس الحزام :d
والفروق اللي في 2005 انا عارفها لكن قصدي بس أن هذي التفاصيل والكماليات ما تعتبر تغيير في السيارة .. وبشكل عام 2003-2005 هي نفسها :)

يعني لو بيضيفوا على 2010 انوار زنون او بلوتوث مثلا .. ماهو تغيير بالسيارة .. ويضل تصنيف السيارة في اي موقع او احصائيات او مجلات ..الأكورد 2008-2010 هي نفسها كـ أساس ;)

^^ عجيييييب !! معلومة جديدة عن صوت الحزام !! ^^

لكن من الشكل الخارجي وهو اللي كنت اقصد ،، تقدر تفرق بين 03-04 و 05 !!

اعتقد 2010 بيضاف عليها شي بسيط يغير في شكلها الخارجي ،، مثل خلفية الاكود الماليزية ( مثل خلفية الـ bmw ) انوار الضباب ،،،

شاكر لك هالمعلومات اخوي محجوب ،،

انا اتوقع انهم يزيدون دخول ذكي وتشغيل بصمه وشاشه ملاحه وانوار زنون((:p:p:p:p:p))

ان شاء الله

اتوقع تغيير في الشكل بالكامل الياباني معروف كل سنتين يغيرون الشكل

اتوقع تغيير في الشكل بالكامل الياباني معروف كل سنتين يغيرون الشكل اذا عاجبك الشكل ومقنع توكل على الله ولا تتنتظر بالتوفيق

طيب ماجاء في بال احد منكم ..

انهم يمكن يقطعون الاكورد ... ويجيبون سيارة جديدة
مثل سالفة عبد اللطيف جميل ..
قطع الكراسيدا .. وجاب الكامري ... ليش لا ... هالوكلاء ما احد يضمنهم

والله .. عاد تخيل يقطعون الاكورد .. ويجيبون بدالها هايلوكس بس هوندا .. << بينجلد ..

ارق تحية

السلام عليكم اخوي التغييرات اللي بتصير في 2010 هي شكل الاسطبات الخلفيه فقط شكلها بيتغير وهذا مو كلامي هذا كلام الموظف فالوكاله لان الاكورد تتغير كل اربع سنوات يغيرون الشكل كامل ..... تحياتي...

98و99و2000
نفس الشكل
2001 و2002
تغير الشبك الامامي والجنوط وبعض التعديلات الفيف جدا ولا تكاد تذكر
2003و2004و2005
نفس الشكل وتغير طفيف باضافه الاشارات على المرايا اجانبيه لل2005
وكذلك توفر الاكورد باللون اللؤلؤي
2006 و 2007
تغيير الخلفيه بالكامل واضافه لكشافات بالصدام الامامي
تغيير الجنوط والطبلون وعلامه هوندا اللي بنص المقود
وتعديلات اخرى طفيفه
الاستنتاج
سياسه هوندا تقتضي بقاء الجيل الجديد على شكله باول 3 اعوام
وبعض التغيير بالعامين الاخيرين
حيث ان مده كل جيل 5 سنين
مما يعني انك لو انتظرت 2010 راح تقول خلني انتظر 2011
لان الشكل راح يتغير وهن اقولك نعم راح يتغير بعض الشي
فلذلك اذا انت تبي اكورد خذها الحين ولا تتردد
واذا نزلت 2010 بحول الله ماراح يكون فيها اي تغيير
وان حصل سيكون شي طفيف جدا جدا
موفق الى خير
لاتنسى الاستخاره

بناء على كلام موظف الوكاله اليوم
احتمال احتمال ينزل في 2010 شاشة ملاحة من الوكاله <<ولازلت اقول احتمال

لكن دامك جازم وتبي الاكورد اشتريها الان وعيش يومك

تحيتي

اذا هي على شاشه يا (( فوق )) .., ممكن تتركب مهيب تغيير يميزها عن اللي قبلها ..

لكن مثل الـVSA .. والذي لا زال لدي أمل وقناعات بامكانية تركيبه لـ2008ـ ..,

والخنابيدز التي آود رؤيتها فعلا ..

1 - قير التبترونك =( اضغط هنا )=

2 - مكيف خلفي .., للـ4ـسلندر

3 - المرتبه اليمين .., تحكمها كهرب ..

4 - والايرباقات الجانبية تصير ستاندر ..,

كلن اتوقع واتوقع واتوقع ..

وبالاخير مافيه شي أكيد ..
مالك إلا تنتظر وتشوف 2010 وبس :)

السلام عليكم
يا إبن الحلال توكل على الله وجيبها والله يعطيك خيرها ويكفيك شرها مقدما ,
ولا تسوي زيي أنا كنت أبي أجيب 2008 وقالولي 2009 فيها شاشه ملاحه وحساسات , ويوم نزلت 2009 طلع ما فيها لا شاشه ملاحه ولا حساسات يعني زي بعض 2008 و 2009 بس المديل تغير , وتندمت ولعبت بفلوس السياره والحين قاعد بدون سياره .
الخلاصه طلع 2009 وتوكل على الله .
وسامحونا يا أعضاء المنتدى عايب إسبوعين عنه لظروف إختبارات الجامعه .

يعطيكم العافيه على هل المعلومات وما قصرتو

اشتريها وتوكل

السلام عليكم : انا من رأي الخاص انك تشتري اكورد 2:d

يرجى عدم رفع المواضيع القديمه الا للحاجه القصوى