عرض للطباعة
أنا معي اكورد 2008 مارحت للصيانه الا مرتين 1000 و5000 والحين سيارتي ماشيه 21000
يطلع صوت مزعج في سيارتي وانا امشي ( مثل صوت شي يحك في حديد) يطلع الصوت دايم وانا امشي 20 ولا 60 ولا 100 يطلع صوت مزعج وش سبب هالصوت
وش تنصحوني اروح الوكاله وإذا رحت هل يصلحونها على الضمان ولا أروح ورشه (برا الوكاله )
وإذا رحت الوكاله لازم اسوي صيانه 20000 علشان يعلمون وش المشكله وإذا كان لا عند مين أروح علشان يعلمني المشكله وهل يعلمني المشكله بفلوس ولا بلاش
انصحك وبقوة انك تروح الوكالة حرام توديها لورشة وتخسر فلوس وهي على الضمان
تشاااااااااااو
^^^
ســـيم ســــيـم كــلام ,,
رح للوكاله وعلمهم. :)
يعني اسويلها صيانه 20000 وأقولهم عن الصوت
اخوي ماعلمتنا من وين الصوت
اعتقد مشكلتك الفحمات يبغالها تغيير
أتوقع انه من الكفر
وش تنصحني اصلحه في الوكاله (وإذ صلحته هل هو على الضمان والا بفلوس) ولا اروح ورشه
رح للوكاله وشف وش المشكله ...
وكاان سعرهم تمام سوها عندهم ..
اما كاان غاللي <<< وهو المتوقع ,,, رح للورشه محترمه .:)
إذا رحت الوكاله اسوي صيانه دوريه وأقولهم عن المشكله ولا كيف
هذي يالغالي الفحمات انتهت لان نفس الصوت طلع عندي واليوم الصبح شريت فحمات وغيرتهن وراح الصوت
من وين أشتري الفحمات من الوكاله ولا من محل قطع غيار (أي محل ولا فيه محلات مخصصه تبيع الاصلي )
مشكلتك في الفحمات الخلفية تأكد اذا يبيلها تغيير ولا لا
سعرها 197 ريال في الوكالة
ياأبو الشباب الصوت هذا طلع عندي هو صوت حديد يحك ببعض رحت أكثر من ورشه يقولون الصوت من مشقبيات الأقمشه
بعدين وديتها الوكاله قالولي الأقمشه ((الفحمات))الأماميه يبيلها تغير
المشكله من الفحمات ولو كنت خايف على موترك وديه تشييك عشرين الف وبدل له زيت وفحمات وخليهم يشييكو عليه
اخووي روح الوكااله ترى السيااره لسى ع الضماان
وبالنسبه للصيانه مو لازم تسويهااا لا نهاا كلام فااضي
تبغى نصيحتي لا توديهاا غيرر 50 و60 الف بس
أهم صيانة هي 40 الف
و 60 الف بسبب تغيير زيت القير فيها
وآخر صيانة قبل أنتهاء الضمان 60 الى موديلات 2007 او 100 الف 2008 وطالع
مشكورين على تفاعلكم
أنا وديتها الورشه وقال الفحمات الي ورا يبغالها تغيير وخرط الهوبات وشريت الفحمات من الوكاله بـ 209 ريال وابصلحها في الورشه وان شاء الله مايرجع الصوت (( امين ))
روح للوكاله افضل لك واضمن لك